عندما احتجبت الصحف في ألمانيا وقف هيلموت كول المستشار الألماني قائلاً أن هذا وحده يعتبر أكبر شهادة في الكون على أننا أخطأنا .. أكبر شهادة على أننا سيئون .. وفي مصر حينما تحتجب الصحف لن نتوقع أن يقف حسني مبارك ليقول مثل هذا الحديث وسيترك الكلمة لأي من زبانيته عتاولة الحزن الوطني والوكسة الوطنية ليقف ويقول إنهم قلة فاسدة أو زمرة مجرمة أو قلة موتورة أو صحف غير هامة أو أي من تلك التصريخات التي سمعناها من أباطرة النظام الفاسد في مصر .. حينما ذكر نواب المجلس رئيس المجلس فتحي سرور بأن الريس حسني قد وعد الصحفيين في حملته الإنتخابة بأنه سيلغي قانون الحبس ضد الصحفيين رد عليهم سرور بأن كلام الريس مش قانون .. عادي الريس لحس كلامه بلسان سرور وياما للريس ألسنة تلحس أي كلام يقوله لأن لسان سيادته اتبرى من اللحس وما عادش قادر يلحس .. رئيس كذاب وإبن رئيس كذاب حاشر نفسه في حياتنا غصب عننا وبلد مليان فساد تيجي تقولي صحافة ؟؟؟ صحافة إيه بس ؟؟؟ البلد عايزه وقفه .. وقفه كبيره .. عصيان مدني شامل .. خلينا نضلمها عليهم .. يالا نضلم مصر عليهم بجد .. طفي النور يا بهية .. كل العسكر حرامية .. العسكر هنا بداية من حسني حتى أصغر رئيس حي فيكي يا مصر .. الكل حرامية وعشان كده عايزين يطلعوا قانون يسجن أي واحد يشاور عليهم ويقول حرامية .. الأستاذ عبدالله السناوي قال في حواره مع منى الشاذلي أمس على دريم أن القانون يقف وراءه أحمد عز إمبراطور الحديد الذي أوصل سعر الحديد إلى معدلات غير عادية لأن الحديد مش متوفر في البلد .. الحديد بيروح أولاً بأول إلى الصهاينة لكي يبنوا الجدار العازل .. والباشا ثروته وصلت أربعة مليارات في سنتين تلاته ... ولما سألوه الصحفيين منين ؟؟؟ عايز يجيب لهم قانون يحبسهم .. برغم كل التخبط والغلب والخنا وما إلى ذلك من ذاك القذى فإنني متفائل حبتين مش حبه واحده .. متفائل لأن النظام المباركي الملعون بات كأفعى عمياء تتخبط وتنفث سمومها في كل اتجاه بلا وعي .. الأفعى المباركية العجوز فقدت عقلها وكل الأفاعي حولها فقدوا عقولهم .. بقوا متكومين فوق بعض وهم عميان ... تخيل تلك الكومة القذرة من الأفاعي العمياء ؟؟ الأفعى المباركية العمياء تتلوى وتتكور وتقفز وتنفث السموم في كل اتجاه بلا وعي أو رؤية أو أي شيء .. الأفعى المباركية خلاص قربت تموت وحتموت معاها كل الأفاعي القذرة من عز للشاذلي للغير شريف لكل النصابين والحرامية .. نازله من خيبتها تخبيط في القضاة شوية والصحفيين شوية وفي الشعب شويات وشويات .. طيب لإمته ؟؟؟ والله أنا شايف الصبح قرب يا بهية .. بس الصبح يلزمه شغل طول الليل عشان ييجي منور .. الصبح يلزمه ولادك الجدعان يا بهية وما أكثرهم يا بهية .. الصبح يلزمه وقفة صدق مع الذات .. إحنا عايزين نعيش ولا نموت ؟؟ عايزين ولادنا يتربوا في جو نظيف بجد ولا نظيف بتاع الحكومة الحالية البعيد عن أي منظفات مستر رابسو الأهبل المسمى أحمد نظيف .. طيب منين النظافة يا كابتن؟؟؟ البلد عايز شباب رجاله .. شباب يضحون من أجله .. شباب يقفون في وجه الطاغوت الأعمى .. والله سهلة أوي أوي .. عصيان مدني يا شباب ... العصيان المدني الكامل .. يالا إضراب .. إمته وفين ومين .. ده كله سهل بس الأول نتفق على المبدأ وننمي ثقافة الإضراب والعصيان المدني المفقودة في بلادنا .. ساعتها كل الأفاعي القذرة وعلى رأسهم مباركهم سيتسللون في خزي خارج ديارنا .. يا نضلم مصر عليهم يا شباب .. يالا نعبر عن معارضتنا بلا أي احتكاك بهؤلاء الثعابين .. لنضع هذا الشعار على سياراتنا لنحدث به كل من نصادفه .. عصيان مدني .. يالا نضلم مصر عليهم ...
إبن بهية
إبن بهية
هناك 3 تعليقات:
والله الفرج قريب .. وقريب جداً أقرب مما يظن هؤلاء الأنجاس النصابين الملاعين من زبانية حسني مبارك الكذاب .. باطل يا سونسون .. وإبنك باطل لأنه إبن باطل
لا للأب ولا للإبن .:. لا للفردة والاستبن
لا وألف لا وسيقذفكم الشعب بالجزم التي تستحقونها يا ملاعين
مصري مقهور
الله حي والنصر أهو جي .. نصر الشعب المقهور المسكين الطيب على الحرامية النصابين الدجالين
تانىموضوع أقرأه في مدونتك ياأبن بهية ومعجب جدا بحماسك وكنت زيك كده وانا فى سن العشرينات دى الوقت قربت جدا أتم اربعين سنة قضيت منهم 25 سنة تحت حكم الافاعى على حد قولك وقرفت من اللى شفته وعارف أن الامل فيك وفى اللى زيك ولسه في سن الحماس والشرف وعاوز اقترح عليك فكرة لان أفكار غاندى لاتصلح فى مصر ولم تنجح أبدا افكار مقلدة فى تغيير واقع مريض كالذى نحياه فى مصر وأعتقد أن هذا الخطأ الذى أوقع بايمن نور بص ياصديقى الشريف وقوللى رأيك (شلة الافاعى)فعلا قربت تموت ولذلك الفرصة الان أن نطالب به رئيسا حتى بعد مايموت يعنى مش عاوزين رؤساء علشان أبنه البارد ميلاقيش فرصة. يبقى مبارك وخلاص. مات مش مهم رئيسنا برضه وهو ميت ومن الافضل ندفن معاه كل اللى بيحبوه ومراته وابنه وخدامينه على طريقة الصين قديما المهم اننا نفضحه أمام العالم كله يعنى نطالب به رئيسا حيا وميتا ونبعت طوفان من الطلبات بهذا الخصوص الى كل الجهات الدولية وتقوم المسيرات تطالب بهذا بشكل سلمى وطبعا مفيش كلب حيقدر يقرب من مسيرة تطالب بذلك أما أمورنا بعده مش محتاجة أبنه أو حد من اللى بينهبونا ده مع موجة من الشكر وخطابات ومظاهرات لشكره علي رفع سعر البنزين الذى يلوث الجو و لايليق بدولة متقدمة مثلنا ومثل مجموعة الدول الاسكندنافية وكذلك كلما قام بأحد حماقاته قمنا بموجة تسونامى من الشكر والتهليل داخليا وتسونامى أخر على المجتمع الدولى وارى ياعزيزي ابن بهية ان الوسائل أصبحت في يدنا أكثر مرونة ونقدر نكلم العالم كله. مع اطيب تمنياتى بالتوفيق
إرسال تعليق