27 ديسمبر 2006

فتة العيد بمكعبات مرقة دجاج .. وادعوله .. ادعوله

يحكى أن السيد طن طاوي يريد افتتاح الموسم الجديد بفسوى قديمة .. وباااايخااااهـ أوي أوي .. حيث أمر صاحب الفصيلة المعفنه .. (مش معروفه لغاية دلوقتي) باستخدام عبارات جديده .. طازجه .. للمصريين فيما بينهم في التهنئة بالعيد .. من عينة
.. يا جمال العيد
.. و عيد جميل
... و أجمل الله أفراحكم
إلخ ..إلخ .. إلخ ..
المهم يكون محشور فيها جمال وخلاص بدلا من عيد مبارك للأسباب المعروفه طبعاً والتي يأتي في مقدمتها سخط وكراهية شعوب العالم لكلمة مبارك بسبب ارتباطها العقلي والذهني والخيالي والبطن عقلي والنفساوي بكل الصفات القبيحه من نصب لسرقه لخيانة لعماله لاستهبال لعقربة ولخبطة دساتير ... إلخ .. إلخ ..

هذا من جانب .. ومن جانب آخر تهيئة الشعوب لاستقبال الواطي الجديد المقرر له حسب تقويم البيت الأبيض أن يتولى القواده ويجلس على كرسي الرياسه الهزاز في 2007 بسبب قرب تفييص الواطي الأول ودخوله جهنم بإذن الله حسب رؤية وأمنيات كل أطباء العالم ..الأول والثالث والعاشر كمان

طبعا أنا لا أطيق الواطي الأول ولا الثاني ولا أواطن أبدا أبدا ذلك الشخاخ الأكبر صاحب الفصيله ....... لذا سأعرض عن استخدام أي من كل ذاك العفن .. وسأقول لكم عيدكم سعيد وكويس وما حدش زيكم كمان ... يالا عيدوا بأربعه وثلاثين ماده دستوريه جديده .. واحمدوه .. فيه غيركم كتير مش محصل ربع ماده جديده يعيد بيها ..

ينعاد علينا وعليكم باليمن واليسر والحاجات الحلوه كلها ... ويا رب العيد الجاي تعيدوا بعشرميت ماده دستوريه جديده .. ده أكيد طبعا لو طلع تقويم البيت الأسود صحيح وركب الكرسي الجرو الصغنن بتاع لجنة الوكوسات .. الواطي الثاني ..

يالا بقى هيصوا وزقططوا وكلوا الفته .. أيوه ... فته بمكعبات مرقة دجاج ... إيه فيها إيه ؟؟؟ احمدوه وبطلوا جشع .. وادعوله .. ادعوله ... يبتليه بخالد اسلامبولي جديد .. عشان يلحق رفيقه الخائن الأول في جهنم بإذن الله .. واضح إنها مكتوباله .. وهو ده الحل الوحيد في البلد دي .. بعد أضحية مكعبات مرقة الدجاج دي ولا شايفين إيه ؟

هناك 29 تعليقًا:

أميرة يقول...

تصدق الراجل دة بقاله سنين بيتعلف ولازم نضحى بيه بقى ربنا يبعت بقى زى مانت بتقول كدة

اسلوبك لذيذ اوى فى طرح المواضيع السامة اللى بتموع النفس دى بسبب الشخصيات السابق ذكرها فى البوست

يلا كل سنة وانت طيب بس ماتبقاش تتقل فى الفتة

تحياتى

Islamist Bloke يقول...

كل سنة وانت طيب يا باشا
ولازم نعرف كلنا ان الأمم عشان تقوم وتنهض لازم تتعب وتمر بمجاعات وبهدلة-يعنى مرقة الدجاج اللى احنا فيها نعمة-وطبعا ده مش معناه اننا نعديها للحقير الواطي مبارك ونقول خلينا على اد لحافنا وكدة- لا ده احنا لازم ندور على حقوقنا لكن نفتكر برضة ان اعظم امم العالم-الامة الاسلامية- كانت بدايتها اية؟
الرسول صلى الله عليه وسلم كان بيربط حجر على بطنه من الجوع وكذلك كان حال أغلب الصحابة يعني مفيش أمة بتنهض على ترف ورخاء اقتصادي وبحبوحة حياة
لا ده احنا لازم نعرف ان عشان ننهض ونقوم ونرجع تانى أعظم الأمم لازم نستغنى عن كتير من ترف العيش-بس طبعا منستغناش عنهم للواطي مبارك عشان يشترى بيهم طيارات جديدة لاسطول الطيارات الرئاسية اللى بيروح بيهم المانيا وفرنسا

اللهم ألهمنا الصبر وأعطنا ما نستحق واكفلنا بعنايتك يا كريم
امين
وكل سنة وانت طيب يا أخى فى الله وأخى من امنا بهية
والسلام على من اتبع الهدى
أخوك أحمد

IBN BAHYA - إبــن بهيـــــــــــــة يقول...

شكرا أميرة ويلز على الزيارة والتعليق .. حقيقي كلامك كلام أمرا ربنا يخليكي .. كل سنه وانتي ومن تحبي والجميع بكل خير وتوفيق ويا رب العيد الجاي نعيد وما فيش صورة الواطي حسني ورا كل موظف في بر مصر لا هو ولا إنه بتاع لجنة الوكوسات

كل عام وأنتم ومن تحبون بكل خير
أرق تحياتي

IBN BAHYA - إبــن بهيـــــــــــــة يقول...

أخي الكريم أحمد
شكرا على المرور والتعليق
كلامك صحيح وأوافقك عليه تماما
ربك يعدلها ويوفقنا ونهب نثور على الواطي القذر وعصاباته اللي ناهبين البلد

بلدنا يا أحمد بلد غنيه والله وفيها خيرات كتير بس اللصوص أكتر .. هي دي المشكله .. غدا لناظره قريب

لك وللجميع تحياتي

Unknown يقول...

سنة جديدة سعيدة والعيد القادم يوم وقفة عرفات نكون احرار باذن الله و وناكل فتة بالخرافة اللى اسمها لحمة ولكي عندي وكل الاحرار ولاد بهية عزومة كبيرة قوي بس لما ينزاح الغم دهه من علينا ...... اقبي قبلني؟؟؟؟؟ وكل عيد سعيد عليكم وعلي اهل امة محمد الاحرار

غير معرف يقول...

لقد تم حجبي اليوم

كلبوزة لكن سمباتيك يقول...

اسلوب ساخر :)

بكرة تبقى فتة فول نابت و تطلع فتوى ان اللحوم حرام



كل سنة و انتم طيبين

smraa alnil يقول...

محدش عارف اخرة الفتاوي دي ايه
بس ربنا معانا يارب
بكرة يطلعوا فتوي ان الاكل المكشوف حرام لانه مكشوفا
ربنا يعينا يارب
عامة كل سنة وانت طيب

smraa alnil يقول...

محدش عارف اخرة الفتاوي دي ايه
بس ربنا معانا يارب
بكرة يطلعوا فتوي ان الاكل المكشوف حرام لانه مكشوفا
ربنا يعينا يارب
عامة كل سنة وانت طيب

همس الليل يقول...

يا ع كل سنه وانت طيب
المهم نلاقى اللحمه اللى هنعملو عليها الفته وميعملوش فتوى بحرمانيه اللحمه نظرا لاسعار الغلاء
وجتها نيله اللى عايزه خلف فى البلد دى يا جدع
وقفل على المواضيع بئا بكره العيد
كل سنه وانت طيب

IBN BAHYA - إبــن بهيـــــــــــــة يقول...

إخواني الأعزاء .. شكرا .. وكل عام وأنتم ومن تحبون بكل خير وسعاده ((أيوه سعاده .. مش بعيد على ربنا)) مش بعيد أبدا مصر تبقى محرره العيد الجاي .. ادعولها معايا

مذكرات حاحا مصر
ربنا يسمع منك

آدم
ربك يحجب حكومة كل نعمة عن حكومة تونس التي حجبت مدونتك .. كل سنه وأنت طيب

أخي ... ومالو سنحاول بإذن الله

سيمباتيك
كلامك ممكن يحصل .. ليه لأ ؟ في حكومات العماله .. عملها قبل كده السادات .. استمعي إلى موال الفول واللحمه لعمنا الشيخ إمام عيسى رحمه الله وكلمات الفاجومي

سمراء النيل
برضه كلامك صح .. ما حدش عارف آخرتها إيه .. ربك يعدلها

همس الليل
طيب هي فين اللحمه ؟ مش باقولك هترسي على دبح مكعبين مرقة دجاج؟
كل سنه وأنتي طيبه


كل عام وأنتم طيبين وأحسن من كده
أرق تحياتي

غير معرف يقول...

أيه يا عم الحج مالك كده مضايق
كل سنه وأنت طيب
أه قصدى
عيد جميل وعلاء
ههههههههههه
سلاام

غير معرف يقول...

الحقيقة واضح جدا انك قرفان من الدنيا و النظام و اظن الكل مثلك لكن الا يوجد وسيلة تعبير افضل من الالفاظ الفظيعة المكتوبة اولادنا بيقراوا هذا الكلام و يقلدوه ايضا رفقا بالالفاظ و ان كان من حقك تعبر
عن رايك فمن حقى اقراه باسلوب افضل فلا تخدش عيني من فضلك و لا وما الفرق بينك و بين الافلام الهابطة المستوي ذات الالفاظ الغير مرغوب بها من فضلك اكتب و عبر باسلوب افضل ..
تحياتي

IBN BAHYA - إبــن بهيـــــــــــــة يقول...

أولا كل عام وأنتم بخير
وأشكركم جميعا على الزيارة والتعليق ..
أخي الأستاذ (wa3d el3yoon) شكرا وكل عام وأنت بخير
ويا رب نعيد العيد الجاي من غير أي جمال ولا مبارك ولا أي حد من ريحتهم الوحشه

أخي الكريم ........... شكرا لزيارتك الطيبة
بس فين الكلام اللي مش عاجب حضرتك ؟ لا يوجد أي كلام خارج مطلقا .. ربما لم يعجبك وصف الواطي لمبارك أو ما شابه من كلمات .. أخي الكريم هي أقل ما يمكن أن يقال لمثل ذلك العتل العميل
عموما سأحاول أن أكون عند الحد الذي تحبه وشكرا لكلماتك الرقيقه وكل سنه وحضرتك بكل خير

غير معرف يقول...

ابن بهية العزيز
كل سنة وانت طيب
أنا اسفة على التأخير فى التهنئة
لكن زى ما انت شايف وحاسس أكيد زينا كلنا
ان العيد السنة دى مش عيد
حتى كلمة التهنئة طالعة من حلقى مرة وماسخة ملهاش معنى ولا طعم ولا مبرر
بس أهو تقليد اتعودنا عليه
نهنى بعض فى المصيبة وفى السعيدة

كل سنة وانت بخير

shady يقول...

ما يقعد على المداود غير شر البقر

غير معرف يقول...

ااه يا عم اهو عيد جديد علي وكستنا .........رجاء تفقد هذا البلوج وابداء الرأي في المقال
http://abnasser.blogspot.com
ابن ناصر

IBN BAHYA - إبــن بهيـــــــــــــة يقول...

إخواني الأعزاء .. كل عام وأنتم أحسن من كده

أختنا العزيزة الزعيمه
لا تأخير ولا حاجه .. أشكرك على تهنئتك وزيارتك الموقره .. أما كلامك عن العيد فمعك مليون حق طبعا .. أهو كلام اتعودنا نقوله ..

عيد .. بأي حال عدت يا عيد

عموما حصل خير وما ضاقت إلا فرجت .. عارفه يا زعيمه .. أنا موقن من أن بداية الخلاص قريبه جدا
ليه؟
لأننا وصلنا إلى القاع
يعني ما فيش تحت تاني
والكيرف لازم يبدأ يطلع
لأننا برضه أمة تأبى الدفن
وحياتك طالعين .. طالعين قريب أوي
وبكره أفكرك
ليه؟
ننا وصلنا لقعر القعر .. خلاص ما فيش سقوط تاني
جبنا آخرها يا زعيمه
ولا رأيكم إيه؟

أخي العزيز شادي
كلامك صح .. بس ربك يعدلها ونغير المداود والبقر

أخي العزيز إبن ناصر
جايلك حالا
أرق تحياتي للجميع
وكل عام وأنتم أحسن من هذا العام
وكل عيد وهو أفضل من هذا العيد
تصبحوا على ثوره

واحد من الناس يقول...

قريب هنرجع نسمع افاني زي
ياجمال يا حبيب الملايين
طبعا مع اختلاف الشخص و اختلاف الملايين

IBN BAHYA - إبــن بهيـــــــــــــة يقول...

أخي العزيز
واحد من الناس
كل سنه وحضرتك ومن تحب بخير

كل سنه وكلنا بخير
كل سنه وكلنا أحسن من كده

كل سنه وكل مصر محرره

ويا رب يخيب ظنك

عماد رفعت يقول...

اللحمه دي زكريات من زمن فات

IBN BAHYA - إبــن بهيـــــــــــــة يقول...

أخي الكريم صاحب مدونة وله نهاي
شكرا لزيارتك
كل سنه وحضرتك طيب
لك مني كل تحية وتقدير
أرق تحياتي للجميع

elgharep يقول...

براحة ياعم الحج أنت على طول كدة داخل شمال
على العموم
كل سنة وأنت طيب
الغريب

IBN BAHYA - إبــن بهيـــــــــــــة يقول...

أهلا أخي الغريب
كل سنه وأنت وكل من تحب بكل خير ويا رب تكون الجايات أحسن

أشكرك على الزيارة والتعليق .. ولو أنني لا دخلت شمال ولا حاجه .. أنا باجيب ورا من يوم ما اتولدت يا عم غريب زي كل أهلي ولاد بهيه .. بس أوعدك إننا رايحين نديها لقدام قريب خالص
دعواتك يا غريب

أرق تحياتي

عاشقة الوطن يقول...

كل سنة وأنت طيب يابن بهية

وبعدين احنا ناوين
نأكله فته بمرقة دجاج انما ايه
ده هياااااكل أكل
بس على الله يتمر فيه

وبعدين ده احنا هاندعيوله دعى
مش عاوزة اقولك قد ايه

وان شاء الله ربنا يستجيب
(ربنا يتقبل ونخلص بقى عن قريب)

IBN BAHYA - إبــن بهيـــــــــــــة يقول...

أهلا أختنا العزيزة عاشقة الوطن
وكل سنه وأنت بكل خير

يا رب .. يسمع منك ربنا
يا رب أشوف رقبته مدلدله على حبل المشنقه في ميدان التحرير قريب .. قادر يا كريم

ساعتها بجد هنعيد ونعوض العيد اللي راح مع رقبة صدام .. مش زعل على صدام بقدر ما هو زعل على حالنا ووكستنا

أرق تحياتي

انحلت سيور العربه وسقط المهر من الاعياء يقول...

فكرتنى ليه يا بن بهيه
دا احنا مش لاقين حتى الفر اخ البيضه
ولا اللحمه المستورده

منهم لله
وعلى رايك ربنا يكرمهم زى مكرم اللى قبليهم

اصلهم عا لم تو نحه اوى ا وى

تحياتى

IBN BAHYA - إبــن بهيـــــــــــــة يقول...

أخي العزيز صاحب مدونة
الجحيم هو الحقيقة

أشكر زيارتك الطيبة وكل عام وأنت ومن تحب بكل خير
وربنا يقبل منك يا رب ونشوف قريب أجساد الخونة مدلدله على المشانق في ميدان التحرير

غير معرف يقول...

ما شاء الله علي الاسلوب ولغة الحوار (اجدكم تستخدمون كلمة مثل الواطي كتير علم النفس بقول البيئة بتسيب اثر علي اللي عايشين فيها ما علينا) اولا دي اخر مرة هخش المدونة دي ثانيا يا ريت تتكلم بأدب علي السادات ثالثا ربنا يخلصنا من مبارك ومن ابنه ومنك انت واللي بيفكر زيك ....... اخيرا نفسي اشوف حد بيحب البلد دي بجد وبيحترم كل شئ فيها و أولهم عقل شعبها ........... السلام ختام ولا سلام علي اللئام