و برضه مات مقتول
يا اللي فتحت البتاع
فتحك على مقفول
لأن أصل البتاع
واصل على موصول
فأي شيء في البتاع
الناس تشوف على طولو
الناس تموت بالبتاع
فيبقى مين مسئول؟
***
و ازاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حته بتاع
جاهل غبي مخبول
أمر بفتح البتاع
لأنه كان مسطول!
***
و بعد فتح البتاع
جابوا الهوا المنقول
نكس عشوش البتاع
و هد كل أصول
و فات في غيط البتاع
قام سمم المحصول
و خلا لون البتاع
أصفر حزين .. مهزول
***
و ساد قانون البتاع
ولا عله ولا معلول
فالقاضي تبع البتاع
و الحق ع المقتول
و الجهل زاد في البتاع
ولا مقري ولا منقول
و الخوف سرح في البتاع
خلا الديابه تصول
***
يبقى البتاع في البتاع
و الناس صايبها ذهول
و ان حد قال ده البتاع
يقولوله مش معقول
و ناس تعيش بالبتاع
و ناس تموت بالفول
و ناس تنام ع البتاع
و ناس تنام كشكول
آدي اللي جابه البتاع
جاب الخراب بالطول
لأنه حته بتاع
***
مخلب لراس الغول
باع البتاع بالبتاع
و عشان يعيش على طول
عين حرس ع البتاع
..........
و برضه مات مقتول
و برضه مات مقتول
و برضه مات مقتول
من بقك لباب السما يا عمنا .. يالا بقى تعبنا
هذه البتاعه أو القصيدة الشهيرة لعمنا الفاجومي قالها بعد اغتيال السادات .. وهناك قصيدة أخرى نطق بها فور سماعه خبر اغتيال السادات في محبسه ورددها خلفه كل السجناء في ذلك اليوم ، وهي القصيدة التي يقول فيها
لا إله إلا الله
مات الكلب وموته دواه
كان الله لا يقدس روحه
يندار صاحبه يعض قفاه
لا إله إلا الله
ما يغركش جنازه دي زفه
عالم رابش عبي ف قفه
اللي مشيع واللي اتوفى
قطع الميت واللي وراه
يا ترى يا عم أحمد جهزت بتاعه جديده عشان نغنيها قريب ؟ يا ريت تبدأ في المخمخة والطقطقة عشان خلاص الكلب وحوح وقرب يوم الخلاص .. ما هو طالما الواطي القذر مقفلها من كل ناحيه يبقى الحل الوحيد الباقي هو تصفيته هو وعائلته الواطية وعصاباته وتطهير البلد منهم .. لعل بعضنا سمع بما حدث أو قرأ على موقع جبهة إنقاذ مصر ما يدور حالياً في صفوف الجيش المصري .. يبدو أن جيشنا مازال به بعض الرجال .. يالا بقى .. نعلم أنكم قلة قليلة جداً .. ربنا معاكم.
posted by IBN BAHYA @ 4:06 PM
89 comments
89 Comments:
حمداً لله على السلامة
من زمان مقريناش لك حاجة
ومن بقك لباب السما يا رب
بس انا مبحبش إعتمادك وتأميلك فى الجيش
لأن اللى بعده هيكون أنيل :-)
سليمان باشا غانم العمدة
هىء هىء هىء اية دى يا ابن بهية البتاعة دى تموت من الضحك .... بس بقولك اية هات ودنك ( اللى بيفكر فية الجعرات دة حتى لو حصل .. هتفضل كل حاجة زى ما هى ).... ما تبرطمش انا جاى ليك ف الكلام
ديك النهار سمعت 2 جعرات بيتكلموا الجعر الاول بيقول مش مهم المكروب يموت المهم نموت البيئة اللى بيعيش ويكبر فيها الميكروب يعنى لازم نقضى على بتاع موافقة والطخين دة بتاع الا لو العضو باة مش فاهم وبتاع تصوير النسوان وبتوع جرانين الحكومة
الجعر التانى قالة برضوة ما فى فايدة طب هتعمل اية ف الشعب كليلة اللى راضى يكون صراصير ومش زعلان من الدوس علية
اووووووووووووم انا خايف يا ابن بهية الجعرات كلهم يفهموا كدة ويهجموا على ال هىء هىء هىء البتاعة دى البيئة وننحرم من سيدنا وابن سيدنا وحكمتهم
اوووووووووم انى راجل واعر اى والله اصل البتاعة دة اللى بيقول عليها الجعر البيئة زى العفريت اللى ف الفانوس يطلع للى ف ايدة الفانوس سوا الحالى ولا اللى بعدة ولا اللى جاى ودايما جولهم شبيك لبيك عبدك بين ايديك هىء هىء هىء
ال تداول السلطة ال
جاااااااااااى يا متر شفيق
السلام عليكم
معلش ان انا معلقتش على الموضوع اصل انا بكره السيايه بسانا حبيت اقول ليك ولكل المدونات اللى بحترمها وبحبها
كل شم نسيم وزهور وربيع وتفاؤل وانتوا بألف خير .........قفلى على كل الموضيع قفل قفل قفل قفلللللللللللل
السلام عليكم ورحمة الله وبركاته
عزيزي ابن بهية تحياتى ليك ولكل المعلقين الشرفاء ,, شكرا على القصيدة الجميلة دى واللى اعادتها لاذهاننا ,,, واحب اضم صوتى لصوتك واتمنى معاك ان فعلا يكون فيه بس ولو نية للتغير يقوم بيها الجيش ,,, لان الواحد خلاص فاقد الامل فى الجيش ,, وكل شم نسيم واخوانا المسيحين طيبين
سلام وتحاتي مرة تانية
فارس
الثورة قادمة لا محالة
لكنها ثورة العمال والناس المطحونة الشقيانة.
العسكر صعب أوي يعملوها.. النظام حاكم قبضته عليهم كويس أوي.
وكل متقاعد فيهم يضمنوا له منصب مميز مثل رئيس حي أو محافظ ولا مدير هيئة حكومية بمميزات مغرية للغاية. والظباط الصغار مكويين بنظام صارم بشدة تبث في قلوبهم الهلع من أي غلطة مهما صغرت. وتجدهم يكيدون لبعضهم للقفز علي أكتاف الآخرين. بصراحة يا جماعة كده إنسوا الجيش ده تماما
المرحوم
انت بتفكر لقدام قوى
الرجل شباب ولا شعرة واحدة بيضة فى شعرة
يعنى قدامة خمسين سنة كمان على ما صاحبك يقول القصيدة بتاعتة -- دة اذا عاش لليوم دة
طبعا دى امانى
والبتاع بيطرح بتوعات كتير وكل واحد ياخد بالة من بتاعة
وهيطحط على عربة المدفع وتجرة خيل الحكومة والنسوان بتوع فتحى شرور هيلبسوا اسود والاذاعة هتقرأ قرأن وشيخ الازهر هيقعد يدعوا للمرحوم اللى من الصالحين واذكروا موتاكم بالخير
هى د
ى الحكاية اللى ممكن تتقال على اى رئيس فى ام الدنيا
وبطلوا احلام يقظة
وابقوا اتغطوا كويس قبل ما تناموا
ولا عزاء للسيدات
الحانوتى
السلام عليكم
حلوة بتاعة البتاع دى
و ان كان لاشماتة فى موت مسلم و لا غير مسلم
مابالك و السادات كان الرئيس المؤمن
و بالنسبة للجيش مين عارف ايه اللى ممكن يحصل
مفيش مستحيل مع برسيل
انا عرفت ان ولد فال كان زى ماتقول قائد الامن الداخلى تقريبا لمعاوية ولد الصايع لمدة 25 سنة باين
و شوف الراجل عمل ايه الوقتى
سبحان الله
محمود سعيد
الله يسلمك ويحفظك ويبارك فيك
والله يا أستاذ محمود أنا حاسس إننا قريب جدا هنسمع أخبار كويسه أوي أوي بإذن الله
بس على فكره الجيش لو ما لحقش نفسه بسرعه وطلع منه كام راجل بجد مش خرعين البلد كلها ممكن تروح في داهيه .. يمكن ده بيعطينا دليل قوي على فساد الجيش .. لأنه لو لم يكن فاسدا لما وصلت مصر إلأى ما وصلت إليه على يد ذلك الواطي العميل القذر مبارك وعصاباته
تقبل تحياتي
سليمان باشا غانم العمدة
أهلا يا عمده
دي قصيدة لعمنا الفاجومي ربنا يطول عمره
أما حكاية الميكروب والبيئة فما وصلنا إليه يا عمده ينبيء بقرب حرق الميكروب والبيئة وربك يستر على بهيه كلها بقى أحسن تضيع في الرجلين
ربك يسترها بقى
وعلى فكره يا عمده الشعب مش ممكن يستمر كده صراصير على طول كما ذكرت .. سيفور ويثور قريبا جدا بإذن الله .. لا يمكن لأي شعب في الكون أن يتحمل الأوضاع السخيفة التي وصلت إليها بلدنا .. كلها خير ومنهوبة من الكلاب الأنجاس وأهلها الغلابه مش لاقيين اللقمه
صدقني لقد اقترب موعد الخلاص ولا جدال في هذا
جيش مش جيش .. التحرر قادم بإذن الله
kitty
ألف شكر على تشريفك وتعليقك وكل سنه وحضرتك بألف ألف خير .. وكل شم نسيم والجميع بخير .. ويا رب مصر السنه الجايه تشم نسيم الحريه
أرق تحياتي
fr_فارس
ألف شكر يا أبا الفوارس
كل عام وأنت والجميع بخير
ربنا يسهل ويكون لسه في الجيش حتة راجل إبن حلال ومتربي على الحلال لأن البلد رايحه في داهيه لا محاله .. أقسم بالله العظيم أنا لا أتحدث ولا أطلب هنا لا ديموقراطية ولا بطيخ .. عايزين بس بني آدم شريف إبن أصول ومتربي ويعرف ربه ويخاف على البلد مش الواطي القذر اللي باعها وسمسر في دم ولادها ولسه بيبيع فيها حته حته
ربك يعدلها
أرق تحياتي
قنديل في قلبي
والله كلامك صحيح والعسكر ضاعوا وضيعوا البلد معاهم الله يخرب بيوتهم ويشردهم ولا يتهنوا على الملايين اللي لهفوها .. دعوة مظاليم بقى وربك مؤكد هيقبلها
لكن برضه يمكن لسه فيه حتة تنتوفة راجل في الجيش .. يمكن .. مش عايزين نفقد الأمل ده لأننا لو فقدناه هتبقى الحياة صعبه أوي
وأما الجوعى والغلابه والسبعين مليون الباقيين فلهم الله .. ربنا يرزقهم بقى بقائد ثوري إبن بهيه بجد يعرف يحركهم ويقودهم إلى تحرير قوتهم من كروش عصابات مبارك الواطي
أرق تحياتي
المرحوم
لأ أنا مش باتكلم على كده .. اللي زي الواطي مبارك ده مش هيموت على فرشته .. مستحيل .. يعني مش هيموت بمرض يقصف عمره ولا كلام من ده .. الكلب السعران عمره ما بيموت على كومه (كوم التراب اللي بينام عليه) لازم حد يطخه عيار ويخلص الخلق من شره .. ومبارك الواطي زي كده بالضبط .. كلب مسعور هو وعصاباته وما أعتقدش الناس دي هتموت كده في هدوء .. أصلها معطيات تاريخية .. يالا بلاش نسبق الأحداث
وسنرى عما قريب مصير ذلك الواطي المسعور هو وعائلته وعصاباته
أرق تحياتي
Nikolay Gogol
كلامك صحيح .. حتى ولو 25 سنه من الطاعه والولاء وأكل فتات موائد اللئام برضه بييجي يوم على الواحد ويفوق وخصوصا أن أوضاع بلدنا وصرخات الجعانين تصحي الأموات يا مؤمن
على فكره الأيام الجايه هتكون حاسمه في تاريخ جيش مصر .. يا يكون فيه راجل ويفوق ويصحى ويبطل جبن لا يليق مطلقا برجل عسكري يا إما عليه العوض بقى فيهم الكل كليلة وربك يخلصنا منهم قبل مبارك الواطي .. تخيل لما يبقى ده شعورك تجاه جيش بلدك ؟ حد يقبل كده ؟
ازاي الجيش ده ساكت على الغلب ده وعلى كره الناس ليهم ؟ ولو دارات الدوائر دلوقتي راح يحاربوا مين ؟ يحاربوا العدو اللي بره ولا الشعب ؟
هي الناس دي بهايم كده ما بتفهمش خالص ؟ ده لو كان فيهم شرفاء أصلا لأن اللي باعوا ما لناش دعوه بيهم من أساسه لكونهم أنجاس وسماسرة ما لهمش في سوق الرجاله سعر
يالا ربك يعدلها قريبا بإذنه تعالى
أرق تحياتي
مرحبا بعودتك يا ابن بهيه...و الله توارد خواطر بنا في حاجات كتيير...تصدق أن أول مره أشوف القصيده دي كان من 4 أيام بس و طبعا عجبتني جدا هي و قصيده عريسنا بتاعه عمنا الكبير فؤاد نجم
أرجةو أن تكون سمعتها
تحياتي لك
العزيز إبن بهية
حمد اللة على السلامة كنت فين يا راجل بقلنا مدة مقرناش حاجة حلوة كدة
كلمة أريد أن أقولها
إذا أردت أن تنال الشكر من منافقيك
فعش إلى الأبد أيها المستبد و لا تمت
فإنك إذا مت لن يذكرك أحد إلا بسوء
micheal
أهلا يا مايكل .. واحشني والله .. أنا آسف على التأخير
فعلا كلامك صحيح أنا لاحظت حكاية توارد الخواطر بينا كتير قبل كده .. بس ده عادي لأننا إخوان من أم واحده هي بهيه ربنا يحفظها ويستر عليها يا رب وينجيها
أما عريس الدولة فأنا لم أقرأها ككثير من قصائد عمنا الفاجومي لأني باحب أسمعها من بقه مباشرة .. زمان كنت لاجيء في حوش قدم ورحت كام مره مجلس قيادة السطوح في المقطم بس الزمن باعد بينا حبتين .. لكني مازلت على تواصل دائم مع أحلى وأعز وأطيب وأرجل فنان وكاتب ومفكر في مصر .. راجل راجل يعني مش شرابة خرج ولا بتاع فتات الموائد زي الباقيين وشعرا الأكره اللي انته عارفهم
عمنا الكناس اللي بيدور يكنس في حواري مصر ويلملم حروف الكلمات من دروبها ويمسكها في إيده كده وينفخ فيها وينضفها ويصفها في عقد لولي بنسميه إحنا قصيده ما فيش زيه ولا منه الأيام دي خالص ربنا يديله الصحه ويطول عمره
أرق تحياتي
kaed
ألف ألف شكر ..
الله يبارك فيك ويجبر بخاطرك على الكلمتين الطيبين دول ويأجرك عليهم .. كلام في الصميم بجد
بس تفتكر مبارك الواطي ممكن الناس تقول عنه إيه بعد كام شهر لما يغور ؟
أرق تحياتي
قوم يا "أبو خالد" .. قوم يا وحـش
شوف في غيابك .. جانا كام جحش
باعوا الصانع ويَّا الزارع
باعوا كنيسة و بعدها جامع
أجروا ســينا مفروش بالعـفش
***
قوم يا سبع .. و شوف أحوالنا
شوف في غيابك .. كام ديب جالنا
الإشتراكية بطَّلوهالنا
الحرية حـرَّزوهالنا
التخشيبة دستَرُوهالنا
منًّك كان فاضل ورقة
حتى الــورقة .. قطعــوهالنا
***
طبخـــولنا السم ..في فتَّة دين
و جابولنا إمام .. ماعـرفش منين
قالوا الإشـتراكية .. دي كفر مبين
وَكَستنا دمـاغ .. ماركس و لينين
هزمــتنا أيام .. سبعة و ستين
و إحنا من جُند "صـــلاح الدين"
و لما سألنا إيه الحل ؟
قالولنا: أمــــيرنا "هباب الدين"
هياخدنا لعُمــرة في مانــهاتن
بعديها نتوب .. على إيد "روزالين"
***
و اتغيرت قبلتنا .. و إتدورت الأيام
و آدينا ركعنا لسيادنا و سمــعنا الكلام
و تبنا عن المعاصي و عن القطاع العام
ربينا اللحية و قصَّرنا
لبسنا عقولنا قميـص الاكمــــام
عوِّمـنا جنيهنا في البانيــــــو
حتى في البانيـو طب ما عـــام
مصانعنا الحــــربية أهي تابت
عن المدافع ..و إتطـــورت تمام
دلوقت بتنتج يا ماشـــــــالله
دِش و غسَّالة .. و سَخَّان حمَّام
لما سكتنا على بيع بيتنا جوا حارتنا
على بيع دنيتنا و آخرتنا
كان لازم .. نتباع قدام
آخرتها باعونا في سوق الإتنين
و ما حدش قالنا .. باعوا بكام
***
قفلنا مصانع .. يا بلدنا
و فتحنا بدالها.. "كنتاكي"
غسلنا سينا .. بدم ولادك
و فتحناها ماخور لعداكي
شفناكي ببتنقــلي وراثة
و إحنا كمان جارينَّا وراكي
الدستور ماعاجبش الريس
عملوله دســتور ملاكي
و إحنا ولادك .. مش رجالة
مابنقدرش .. نموت فداكي
مالناش حيلة ..غير بننادي
على "ناصر" زمان وضَّاكي
كلمة يا بلدنا ف كل الكون
معروفة .. و كمان جواكي
طول ما ولادك ربٌّوا قرون
لازم يا بلدنا هاتتـ.. حاكي
eyadharfoush@yahoo.com
واحشني والله يابن بهيه انت فيين!؟
وحتيتين شعر من الفاجومي جامدين قوي وانشاء الله نحتفل بموت تلميذه الذي تبع طريقه بكل امانه ...
تحياتي وبقالك كتير مابتزورنيش
تحياتي
مع إعتراضى على كام "بتاع" فى البوست، بس حقولك وجه إعتراضى الأساسى
بلاش عسكر، كفايه بقى
بس، أحسن حنبقى كلنا فى "بتاع" واحد
:)
Eyad Harfoush
تسلم على هذه الكلمات الرائعة .. بجد كلام جميل وبتفوح منه ريحة بهيه
صبرا جميلا .. قريبا جدا ستأتي الأخبار السارة .. اقرب مما تتصورون
أرق تحياتي
ibn nasser- ابن ناصر
ألف ألف شكر على سؤالك .. وأعتذر عن التأخير .. طبعا كلام عمنا الفاجومي ما فيش بعده .. أرجو حفظ الأبيات التالية لعمنا الفاجومي
لا إله إلا الله
مات الكلب وموته دواه
كان الله لا يقدس روحه
يندار صاحبه يعض قفاه
لا إله إلا الله
ما يغركش جنازه دي زفه
عالم رابش عبي ف قفه
اللي مشيع واللي اتوفى
قطع الميت واللي وراه
قريبا ستحتاج إلى ترديدها
أرق تحياتي
BeLiEvEr
بصراحه وبكل وضوح وبلا مواربه .. أعطني حكما ديكتاتوريا وطنيا يراعي مصالح الوطن ولا تعطني أي ديموقراطية من أي نوع تبيعني أنا والوطن
أنا مع الجيش لو كان لسه فيه راجل
أرق تحياتي
أنا أخدت لفة فى المدونة بتاعتك كده شوية وقريت مقامة أبو قردان، والحوار بتاع أبو الغيط وكوهين، بجد بجد بجد كلام يحبس مش يحبسك انت لا ده بيحبس الى بيقراه، معلش أنا هامسح الهيستورى عشان أنا مش باجى بالحبسة والحمد لله، ولا والأكادة كمان انك خاطبت الجنود والقوات المسلحة، انت من الناس الى ببقى أقلقان وأنا بادخل عليها
أنا طولت عشان ده أول تعليق وده أول زيارة وأكيد مش هاتكون الأخيرة
آه أنا أخدذت الملحوظة بتاعتك وياريت ترجع تقرا البوست تانى وتقولى ايه رأيك
وأسعدتنى زيارتك جدا جدا جدا ولدوام التواصل
العلم نور و الجهل انور
اكيييييد عم احمد ابويل مجهز هاجه لليو اللي بيقرب دا
اكييييد
تدوينه جامده
ههههههه
تقلية الملوخية
أقرأ قصائد الفاجومى وهو من شعراء العامية الثوار وثائر حتى النهاية وهو يعبر بلغة بسيطة عن مشاعر البسطاء من الناس الطيبين رغم محاولة النظام رشوتة ببعض برامج التلفزيون ليتعيش منها ويحط فى عينة حصوة ملح ويسيب النظام فى حالة ولكنة بطل حتى النهاية ويخرج فى المظاهرات ويلقى الشعر الجارح فى وجوة نظام بائس فاحت رائحة الموت منة سنين طويلة
وأيا كان
ففى الموت فى مصر طقوس ومنها الست التى تسمى فى الصعيد المعددة والتى تلطم وتصرخ وتقول ياجملى وما كنش يومك ياخويا يا اللى كان طبيبك خايب وامثال تلك الجمل الكثيرة
وعهدى ان اجر بضع من هؤلاء النسوة يوم موتة ليزغردوا
اما المعددة الرسمية اللى هتقول يا سبعى وياجملى فهو الشيخ الازهرى عار الازهر وفتحى شرور اللى عمل تقلية ملوخية تعديل الدستور ورغم ان التقلية اللى عملها بوظت الملوخية وها هى جمعيات حقوق الانسان تندد بالدستور وما بعد الدستور
وسؤالى هو
ماذا بعد يوم موتة ؟
الى اين ترمى بنا المقادير ؟
وقد بعنا ما بعد الحديدة من مصانع ومزارع وبدأت تمردات واعتصامات الجياع
الى ماذا نسير ؟
هل تعديل مواد الدستور يطعم الجياع ؟
هل قانون الارهاب يقلل الفقر السائد والمنتشر ؟
كل القوانين وكل دساتير العالم لا تطعم جائع
مصر فى حاجة ماسة الى غلق المعتقلات واطلاق سراح المعتقلين فورا
مصر فى حاجة الى بناء الاف المصانع والمزارع وفى كل مكان لنقدم انتاجا يباع ويعود على الاقتصاد بالفائدة
وماذا بعد ؟
سياسة الملوخية الحكومية حمضت وتقلية فتحى سرور افسدت الطبخة
والطوفان قادم
وموتة قد يؤخر الانهيار المتوقع
وما بين لحظة واخرى يغير اللة الحال من حال الى حال
زهرة الرمان
اسم الله عليك
حاسب على نفسك وبلاش تبق الابقاق دي احسن تحصل حاجة كده وللا كده ياخدوك في الرجلين
السلام عليكم
الاخ اياد حرفوش
طبخـــولنا السم ..في فتَّة دين
و جابولنا إمام .. ماعـرفش منين
قالوا الإشـتراكية .. دي كفر مبين
وَكَستنا دمـاغ .. ماركس و لينين
هزمــتنا أيام .. سبعة و ستين
و إحنا من جُند "صـــلاح الدين"
ايوة صح كل الكلام ده صح
الاشتراكية كفر و الامام اللى انت مش عارف جه منين و اللى بيقول الكلام ده
بيقولوه مش علشان القطاع العام و مش علشان عبد الناصر الله يرحمه و مش علشان التاميم و لا حته 67
بس علشان في حاجة اسمها المادية الجدلية هى صلب فكر ماركس
يعنى لا اله و لا رب و لا يوم قيامة و لا اى حاجة من الكلام ده كله
اللى هوه اساطير الاولين
انا عارف انك هتقول ان مش هى المادية الجدلية و انى مش فاهمها صح
بس على الاقل عندى عذرى لان ابليس نفسه ميعرفش يفهم شى من كلام الرفاق
و احمد فؤاد نجم اللى هوه شاعر عبقرى و موهوب مفيش نقاش
قال على قناة الجزيرة لما سال انت بتصلى
قال لا مش بصلى ,انا مليش فى العبادات
ده تسميه ايه؟؟؟؟
انكار المعلوم بالضرورة من الدين اسمه ايه
هوه حر انا مليش دعوة بحياته لانى مش هحاسبه ربنا هيحاسبنى و يحاسبه
بس انا بحكم على فكر ماركس و على اللى قاله ماركس و على فكر اللى ماشيين ورا ماركس
ايوة كفر مبين
اخيرا ايه علاقة الاسلاميين بخطايا نظام مبارك و السادات
عايز تحمل الاسلاميين اخطاء نظم علمانية
طب و لو قلت لك انا تعال نحمل الشيوعية خطاياالنظم الشيوعية سواء فى الاتحاد السوفيتى او الصين او كوبا
و تعال نحمل ابو خالد -سورى يابن بهية-مسئولية النكسة و حرب اليمن اللى حصلوا فى عصره
الكلام الباطل
لست اشتراكية ولا اخوانية وقد حججت بيت اللة ثلاث مرات مع ابى واخى واعرف دينى معرفة جيدة وكيف لا وقد سكنت فى مكة ستة اعوام بجوار الحرم الشريف
ولكن فى بلدى يا حملة الشعارات من يبات جائعا
تخيلوا مصرى يبات جائعا
واسر تعيش فى صعيد مصر على الفتات وتملا بطن اطفالها بخبز جاف وقليل من الملح
وتعيش فى بيوت اشبة بحظائر فى معيشة مشتركة مع الحيوانات والطيور وتفترسها كل الامراض ابتداءا من الكبد والفشل الكلوى وفقر الدم
الرسول علية السلام يقول
اذا بات مؤمن جائعا فلا حق لاحد فى مال
هل تسمعون لا حق لاحد فى مال
ثم ياتى سرور ليلغى كلمة الاشتراكية من الدستور
عبد الناصر حينما امم ومصر الشركات كان يعمل تحت هذا الاساس
اذا بات مؤمن جائعا فلا حق لاحد فى مال
ليس لنا علاقة بلنين ولا الحادية الروس
ولكننا نريد الاسلام الحق الذى يطعم الفقير ويعلم ابنائة ويرعى المجتمع بالعدل
هل يدفع احمد عز عضو لجنة السياسات الزكاة عن اموالة للفقراء
هل يبنى مدرسة للفقراء
من اين اتى بهذا المال هل ورثة عن ابوة
هل اتى عن طريق الخداع والنهب وسرقة البنوك
اذا بات مؤمن جائعا فلا حق لاحد فى مال
نريد مصر بها تكافل اجتماعى
فيها للفقير حق
والمسكين حق
للمواطن حق العمل وحق الكسب الشريف
واللة المستعان
مصرية موجوعة ببلدها
البتاع موجود فى كل حته مش فى شخص بس يعنى البتاع لما مات فضل كام بتاع تانين المشكلة مش فى بتاعة واحدة المهم باقى البتاع هما كمان وده مش هيحقق الا لما يجى واحد بتاع ويلم الناس البتاع ويصحى البشر البتاع ويعملوا بتاعة كبيرة تخلصنا من الهم ده
يااااااااااه على البتاع يابن بهيه
بس البتاع اللى جاى اهم من البتاع اللى راح
ربنا يسهل ويستر ويعجل بالموضوع
تحياتى
سليمان باشا غانم العمدة
شوف يا ابن بهية انى عاوز اتكلم على موضوع التوريث من وجهة نظر مختلفة
اى والله
انى جاى اتكلم شوية بالعقل... تعال يا جعر منك لة اسمعنى وافهموا اللى بقولة هو مش فى عهد سيدنا زادم الاخوة المليارديرات ؟ اصبحوا كدة بالميات اى والله اووووووووووم احنا بنتباهى بيهم ونقول عندنا كام ميت غنى و عند كل واحد منهم بدل القصر اتنين و 3 وكل واحد عندة طيارة خاصة اى والله ( هات ودنك على ما اسمع السادة ولاد سيدنا الاتنين كل واحد عندة طيارة خاصة ) وشوفوا الطيارة الخاصة بتتكلف كام ؟؟؟ ها... بنتباهو بالاغنية دول ولا لأ يا بقر يا جعرات ؟ اوووووووووم اغلب الاغنية دولم بيرعاهم ويهتم بيهم ابن سيدنا اوووووووووم لو بعد عمر طويل لسيدنا ولو جة واحد غير ابن سيدنا مش الاخوة الافاضل الاغنية دولم هيقلوا او بالاقليل يتعبهم اللى بعد سيدنا ؟؟؟ اووووووووم يبقى احنا ساعتها نتباهى بمين ؟؟؟ ما ترد يا بجم يابقر
اية اية اية كدة سمعنى تانى بتقول اية الفقرا زادو والناس جعانة ؟ هىء هىء هىء طب ومالة ما طول عمرهم جعانين ومبسوطين ورغيف عيش حاف بيبسطهم اوووووووووووووم لما يشوفوا الاغنية بيكلوا البتاع دة اللى اسمة سيمون فيمية ولا الستاكوزا ولا ولا.... يقوموا عايزين ياكلوا زيهم؟ امشوا يا بقر كفاية عليهم حتة لحمة ف العيد من عند حبايب سيدنا اوووووووم الفقرا دوكهما ايش فهمهم ف الفلوس ؟؟؟
اوووووووووم لما واحد زى حبيبنا ابراااااااااهيم نافع يكون عندة كام قصر وكام شركة وكام مليار؛ الجعرات يقولوا منين وابصر اية ؟ دة كل دة قليل على الاخ الفاضل ابرااااااهيم نافع لانة دعم ملك سيدنا 25 سنة
اووووووووم شوية جعرات يقولوا نحاكم ابراااااااااهيم نافع ؟؟؟؟!!!!
هىء هىء هىء اي نعم الراجل يعنى ماكنش فى حد بيقرا مقالاتة ولا كتبة اللى كان شغلة الاهرام الدعاية ليها لكن اهو كان لة فايدة دهدى
شوفتو باة يا جعرات اية اللى هيحصل لو جة حد غير ابن سيدنا يحكمنا ويحرمنا من حكمة سيدنا وابن سيدنا ومن الاغنية اللى بنباهى بيهم الامم؟؟
اوووووم بعد كل دة شوية جعرات يقولوا تداول سلطة ؟؟؟ ال تداول سلطة ال جاااااااااااااااى يا متر شفيق
hapasa
أهلا بحضرتك وحضورك الطيب .. بس إيه حكاية إن الكلام ده يحبس اللي يقراه دي ؟ طيب اللي بيكتب وآمنا بالله إنهم مش عايزين حد يفتح بقه .. وممكن يقطعوا لسانا ويسرح بيهم البوبي بتاع جمال (اللي اسمه العادلي) في السيده ولا يفتلحه مسمط .. لكن ازاي هيقطع الودان والعيون ويطرش الناس ويعميها عن سماع ورؤية بلاويهم ؟ دي الجديده
يا ترى دي نتائج الشعوذات الدستورية اللي خلت واحد قفا زي العادلي ده يبقى صنقر رئيس العسس والبصاصين ويأمر وينهي على هواه وهوى الحرامية؟ طبعا كلامك صحيح وعندك حق بكل تأكيد .. ربك يعدينا منها على خير وينجينا من هؤلاء الأنجاس الواطيين.
أما الحديث عن القوات المسلخة تبعنا فهذا من حرقة قلبنا زي مانته عارف .. الساده اللواءات والعمداء وكبار ظبابيط الجيش بقم سمسارة وبياعين وطن وبدال ما يحموا الوطن من السافل الواطي مبارك وعصاباته حماية للجبهة الداخلية بقوا بيحموا الواطي مبارك وعصاباته وعيلته القذره ويقبضوا تمن بيع مصر وشرفهم العسكري قبلها .. يبقى نحترم العسكر دول ليه ؟ هل احترموا أنفسهم هم أولا واحترموا بلدهم ثانيا واحترمونا نحن ثالثا كمواطنين ؟؟؟ هذا لم يحدث .. ما نراه هو العكس ولذلك وجب علينا جميعا تنبيه الغافي منهم ((لو كان لسه فيهم راجل)) والتفل والبصق على أغلبهم ممن باعونا وباعوها .
أرق تحياتي
يساري مصري
أهلا بيك وبكل اليساريين الشرفاء وليس بياعين الشعارات اللي لزقوا يف التجمع وسمسروا هم الآخرون بأرزاق هذا البلد من أمثال رفعت السعيد تحديداً .. أهلا بك أخي الكريم وبكل اليساريين لاشرفاء المناضلين ..
أرق تحياتي
زهرة الرمان
كلامك كالعادة حلو وما ليش عليه أي تعليق .. ربنا يحميكي يا بنت الصعيد العظيم .. والله كلامك لا يحتاج إلى أي تعليق .. كله كله صحيح مع الأسف .. ربك يعدلها وينجي مصر .
أرق تحياتي
جبهة التهييس الشعبية
الله يحفظك ويبارك فيكي يا رب .. ربنا ينجي مصر وينجينا من أعداء مصر بقوادة الواطي السافل مبارك وعصاباته ..
أرق تحياتي
nekoly googol
حلمك شويه يا راجل .. مؤكد الأخ إياد مش قصده كده خالص .. كلنا ولله الحمد مؤمنون وموحدون بالله في علاه .. مين منزوع العقل ده اللي يمشي ورا جدلية ماركس ؟ طبعاً كل واحد حر في رأيه وأعتذر عن كلمة منزوع العقل دي .. لكن ربنا يرد العقل لصحابه ويدلهم عقلهم على ربهم ويدلنا احنا على طريق الخلاص من الواطي مبارك وعصاباته .. خلونا في جدلية مبارك الواطي .. خلوا إيدينا في إيدين بعض .. مش وقت جدل خالص على أي حاجه دلوقتي .. دلوقتي للعمل فقط .. العمل على إسقاط ذلك الواطي الملعون سمسار الأوطان ..
أما عمنا الفاجومي وكلامه عن الصلاة وأنه لا علاقة له بأمور العبادات فهو حر فيه وحسابه على من خلقه سبحانه .. إن شاء عذبه وإن شاء غفر له وأتمنى أن يغفر له لأنني أحبه وأحب قلبه الأبيض المليء بالوطنية والحب لبهيه .. ربنا يغفر لنا جميعا ..
أرق تحياتي
مصريه موجوعه ببلدها
ربنا يحميكي ويبارك فيكي يا مصرية يا عظيمه .. آدي الكلام اللي يفرح الواحد ويحسسه إننا بخير وأجيال ورا أجيال هتطلع تطالب بحقوقها ومش هتسيبها مهما حصل .. لما دي الأم المصرية العظيمه .. يبقى عمار يا مصر .. ربنا يحفظك ويعطيكي من خيراته ويوفقك ..
أرق تحياتي
امام الجيل
كلامك صحيح طبعا .. البتوع كتار أوي .. ولازم ييجي البتاع اللي يقدر عليهم .. بس على ما ييجي البتاع ده .. مش لازم نعمل احنا برضه حتة بتاع .. ولا إيه ؟
أرق تحياتي
عاشقة الوطن
ما تخافيش .. البتاع اللي جاي مش هيلحق يتهنى بحتة بتاع .. لأنه جاي ميت أصلا وبكره أفكركم .. ادعوله بس يتممها عليه بالغم والغلب والسجن ثم الإعدام في ميدان التحرير
أرق تحياتي
سليمان باشا غانم
أهلا يا عمده .. أخبارك إيه ؟ المرة دي طلعت منك آوت يا عمده لأن العائلة القذره (عائلة مبارك الواطي) لديها قرابة ثلاثين طائرة خاصة يا عمده .. طائرات شحن وطائرات كأنها قصور طايره وطائرات صغنونه للنزهة وووو .. ثلاثين طياره يا محترم مش حتتين خربانين زي اللي عند أي قفا من عيال الأعمال ولجنة وكوسات الواطي الثاني .. روح موقع المصريين الأحرار هتلاقيهم بالصور هناك ولو ما عرفتش تفتح الموقع دور على ولد دبور في الإنترنت يفتحه ليك بطريقه تانيه وشوف البلاوي ((مع ملاحظة أنني لا أتفق مع هذا الموقع بصورة كاملة لأنني أشم رائحة أجهزة مخابرات أجنبية به وأنحن ضد أي أجنبي مهما حصل وإلا نكون كالواطي مبارك يستعين بالأجنبي لكي يظلم ويسطو على مصر)) .. عموما روح هناك وخذ ما تريد واترك ما تكره.
وبقية التعليق كعادتك تخرجني عن الحزن قليلا حين أسبح معك في بحور العمده صلاح السعدني وبخاصة في نهايات المسلسل حين شاخ وأصبح معتقاً بطهم ونكهة أخرى .. ربنا ما يحرمنا منك ولا منه يا عمده .. أنا معاك .. مش عارف ليه عايزين يحاكموا الحراميه وسايبين رئيس العصابات ؟ حاجه تقهر بجد .. لأ وكل اللي يتكلم ويعارض يسبق حديثه ويختمه ببق بارد وحمضان بدعوة السيد الرئيس للتدخل لأنه لا يرضيه كذا .. ياخي جاتك ستين نيله معارض أهبل وبتستعبط علينا .. طيب ما هو سيادة الرئيس الواطي هو المسئول عن كل الخراب والبلا اللي بنعيشه .. يا لا بقى ربك يخلصنا منه ومن عصاباته ومن المعارضين لأكل العيش على قفا الوطن
أرق تحياتي
أنا كلامى أثر فيك للدرجة ده وخلاك تقول كل الكلام ده، ياريتنى ماقلت حاجة، ربنا يسترها معاك ومع الى زيك
انت بجد جريئ قوى قوى قوى
العزيز ابن بهية
مات الاستاذ
عقبال التلميذ
وابن التلميذ اللى خللو بهية خرابة
مصرى
hapasa
أهلا أخي الحبيب
ربك يستر على بهيه وينجيها م اللي جاي لأن دخانه أسود خالص وريحته خانقه جدا جدا
ربك يستر
أرق تحياتي
ربنا يسمع منك .. المهم ما يموتش الكلب الواطي القذر مبارك على سريره .. اللي زي ده لازم يموت موتة الكلاب السعرانه هو وعيلته وعصاباته .. وده أمر عايز رجاله .. رجاله بجد مش هفق .. وبإذن الله الجيش المصري لسه فيه عينة رجال
ربك يعدلها ويوفقهم
بس على فكره السادات لم يصل مطلقا لمستوى ذلك الواطي .. رغم ما فعله السادات من سلام وبطيخ مع الصهاينه إلا أنه لم يجروء على بيع البلد هكذا
السادات كان تلميذ خايب في مدرسة مبارك الواطي الماسوني الأستاذ الكبير والقواد الأكبر والعميل المخلص لأسياده من ماسوني الغرب وأمريكا لعنه الله ولعن كل ما يمت له بأي صلة
تحياتي
الناس فى مصر أسهل حاجة عندها النسيان و بمجرد ما صاحبك يخلع مش حيفتكروة
كنت عاوز اعرف ايه اللي بيحصل جوه الجيش
لان اللينك مبيفتحش
تحياتي لك
سليمان باشا غانم العمدة
اية اية ايةاية 30 طيارة خاصة يا ابن بهية !!!! يا بوى ... يكون دة اللى مخلى سيدنا واولاده و ( لامؤاخدة يعنى السيدة الفاضلة حرم سيدنا سيدة مصر الاولى ) كلتهم كليلة شباب كدة على طول ؟؟؟؟
يا ابن بهية انت حبيبى يعنى يا ريت تكتب عنوان البتاع دة اللى فية الطيارات دى .... لا مش لاى غرض يعنى بس انى عايزاتباهى بجاه وغنى سيدنا وال بيتة الكرام هىء هىء هىء اى والله
شفت باة يا ابن بهية الغنى بيعمل اية ؟؟ شوف صورة سيدنا عند مووومتاذ القووط
دهدى يعنى بتوع جبهة انقاذ مصر فولم على سيدنا وقلتوا خلاص ووقعتوا قلوبنا هىء هىء هىء طب شوفتوا صورتة فى اخبار اليوم ؟؟؟ شوفتوا الشباب والصحة والحلاوة ؟ شوفتوا الشعر الاسود ؟؟؟؟ بس انا قلقان يا ترى مووومتاذ القووط ما حط صورة حلوة لسيدنا فى مقالة الاسبوع دة لية ؟؟؟ اى والله بس هو كتب برضوة حاجة حلوة هىء هىء هىء قلب صرخة المستشار محمود خضر يا ولداة لما كان بيطلب الجنسية الموريتانية .. زى صرخة وااسلاماة بتاعة الفيلم دة كدة ... قلبها عالى الخضيرى وطلب عزلوة من القضاء لانة مش بيحب الجنسية المصرية هىء هىء هىء اى والله قوط قووووووووووط
اوووووووووم شوية جعرات يحطوا صور لسيدنا وهو عجوز كدة ومكرمش وعنية استغفر الله العظيم ما درى الصور دى بيجيبوها منين !!!! عيب
هات ودنك يا محترم ( اللى بتحلموا بية دة يا جعرات بعيد اوى عن شواربكم ... فاهمنى ... هة... ايييوة ... يعنى ليل نهار تتفرجو يا جعرات على فيديو اغتيال الرئيس المؤمن رحمة الله علية انور السادات وتتمنوا ان دة يحصل مع سيدنا وابن سيدنا ؟؟ ) هىء هىء هىء انى هقولك مش هيحصل لية :
اوليتها اللى زى العيال دة عباس الولد اللى زى الصقر دة ابو عيون حادة وشفايف رقيقة كلها تصميم ونباهة بتاع النيشان دة ..اللى نشن.. ولا زى الاسلامبولى .. كل دول ماعاد فى زيهم سيدنا بنباهتة وحكمتة خلص عليهم
تانيها سيدنا اتعلم الدرس ولما بيضطر يكون وسطيكم يا جعرات بيحط بينة وبينكم حاجز ازاز طخنة متر ...ازاز مسلح ولا القنابل الذرية تاثر فية .... اخترعوا بقى حاجة زى خراطيم المية بتاعة سد بارليف هىء هىء هىء
انى يعنى فى الحقيقة كدة خايف الجعرات يفهموا السكة للشعب الطيب ويهجموا على جرانين الحكومة بتاعة ساااااراية ومموومتاذ القووط و( عبدالله كمالى هىء هىء هىء الجعرات بيقولوا علية شكل بتوع ال مونستر علشان شعرة وشكلة كدة زى الافلام دى ) ويشيلوا صور سيدنا وابن سيدنا ويحطو صور زى عمرو موسى ولا ابو غزالة ولا اللى كان ماسك التموين دة احمد جويلى ولا اى حد تانى من اللى بيحبهم الشعب الطيب اوووووووم احنا ننحرم من حكمة سيدنا ونباهة ابن سيدنا
جااااااااااى ال تداول السلطة ال
يا متر شفيق
اسدك ايه
خلي بالك من الباتريوت اكت
خسوسا الايتم الجديد اللي انا ادفته
(لقد تم رفع الحظر عن البروفايل بتعاى يمكنكم تشريفى بالزيارة)
سليمان باشا غانم العمدة
اية يا ابن بهية انت فين
دا انى جايب ليك اصة كلها عبر
تعالى اقعد
انتم يا بقر يا جعرات يا اللى برة يا مليجى انت والبهروز هات شاى لابن بهية
شوف يا ابن بهية الجعرات ياولو الكلام ازاى
اية دى اللى بتقولوة دة يا جعر منك لة .... انتو كل حاجة تاولوها بمزاجكم دهدى
الراجل صلاح منتصر من الناس الكبارة الحلوة كاتب اليوم 21 ابريل قصة حلوة كلها حكم بيقول يا افاضل باختصار يعنى ما مضمونة على ما اذكر يعنى ان " 3 عواجيز قاعدين ادام بيت اووووم اصحاب البيت قالوا ليهم اتفضلوا هما قالو لازم واحد بس منا اللى يخش اختارو واحد منا انا اسمى النجاح ودة اسمة الثروة ودكها اسمة الحب ...اوم اصحاب البيت واحد قال ندخل الثروة يملا البيت ثروة والتانى ال ندخل النجاح ناوم ننجح البنت قالت ندخل الحب اوووم اهل البيت الوا ندخل الحب اووم قالو للحب اتفضل اووووم راح داخل معاه النجاح والثروة وقالول احنا مع الحب اينما كان "
قصة كلها عبر اى والله
اوووووم الجعرات يقولوا اية ال اية صلاح منتصر راجل كويس بس خواف لان اصل الاصة مش كدة وهو ( هىء هىء هىء ) خايف يقول لأ غيرة يقول اة وخايف يقول اه غيرة يقول لأ ... اغنية المرحوم فريد الاطرش
اووووووووم الجعرات يقولوا ال اية ان اصل الاصة هى :
3 عواجيز مكركبين قاعدين على باب مصر كلتها واحد اسمة النفاق لابس توب مرسوم علية رسومات وكلام زى واحد طخين اسمة كمال وواحد اسمة صفوت وواحد اسمة موافقة وواحد اسمة ابراهيم نافع تحتة اسامة ساريا وواحد اسمة موسى صبرى وتحتة وش مبلضج تحتة اسم جلال دويدار وتحتة براكات وواحد اسمة سمير جاكوزى واسماء كدة زى عبداللة كمال ومووومتاذ القط
والتانى اسمة الفساد لابس توب مرسوم علية كلام كدة زى التوريث و احمد عز وكلمة اونكل وابراهيم سليمان والخصصة وارض ميدان التحرير وووووالامن المركزى
والتالت اسمة الملهم الحكيم لابس توب مرسوم علية كلام العظيم و الانجازات التعديلات و التحذيرات وجنة شرم الشيخ
اووووووووم الجعرات برضوة بيكملوا هلفطهم يقولوا اية
ال اصحاب البيت اللى هم الشعب المصرى دة قالوا بطيبتهم احنا ما ندخل النفاق ولا الفساد احنا ندخل الملهم الحكيم
اوووم راحو للملهم الحكيم الو لة اتفضل ادخل البيت قصدهم مصر
اووووووم دخل معاه النفاق والفساد وقالوا اينما كان الملهم الحكيم احنا معاه
جااااااااى من الجعرات كل حاجة ياولوها على مزاجهم علشان يحرموا الشعب الطيب من حكمة سيدنا وابن سيدنا
ال تداول سلطة ال
جاااااااااااى يا متر شفيق
انت فين يابن بهية؟؟؟؟؟؟؟؟؟
يارب تكون بخير
تحياتي لك عزيزي
وتحياتي لتلك الكلمات
وتحياتي لكل شريف يحيا على تلك الارض
أنت فين يا ابن بهيه..بتخضنا عليك يا راجل
تحياتي لك
يا أهلا وألف سهلا
وحشتوني جدا جدا جدا والله
ألف أللف شكر على السؤال
هو نفس الظرف الصحي السابق .. لكن الحمد لله دلوقتي تمام التمام ونعمه وفضل من الله
kaed
والله كلامك معقول برضه
بس حد ينسى إنه اتباع يا راجل؟
طيب لو نسينا .. اللي اشترى مش هينسى حقه في رقابنا
أرق تحياتي
Anonymous
اللي بيحصل جوه الجيش نيله بعيد عنك وقريبا سنسمع الصوت العالي .. صبرك شويه بس
أما عدم عمل الرابط لديك فلأنه ممنوع ولازم بطريقه معينه بيسموها على ما أظن روكسي عشان تعرف تدخل عليه
أرق تحياتي
سليمان باشا غانم العمدة
والله واحشني أوي أوي يا عمده
بس سامحني مش قادر أرد عليك وأعدك أننا سنجلس ونرغي كثيرا الأيام القادمة بإذن الله
أرق تحياتي
خضرة بنوتة بابي هسين
ربك يسترها
أرق تحياتي
امام الجيل
نحن الذين لنا الشرف
سنزورها قريبا جدا بإذن الله
أرق تحياتي
Nikolay Gogol
الله يبارك فيك ويحفظك
بخير وموجود .. بس ظرف بسيط وعدى
أرق تحياتي
صاحب البوابــة
الف شكر على هذه التحية العطرة
أرق تحياتي
micheal
أهلا حبيب قلبي مايكل
والله واحشني أوي أوي يا مايكل
ما علهش سامحني على التأخير
كان رغما عني
ألف ألف شكر على سؤالك وتشريفك
ربنا يخليك ويحفظك
أرق تحياتي
سليمان باشا غانم العمدة
انى كنت جلجان عليك
بس كدة فى 3 مواضيع عايزك تتمعنن فيهم ونتكلم عنهم
المهم انك بخير وانى النهاردة كنت بتفرج على ماتش برشلونة وسمعت جعرين بيتكلموا وناقلك حديتهم كالتالى على ما اذكر يعنى :
انى مش ادر افهم :::: هم الجعرات دلوم مش هيبطلو يستغلوا اى مناسبة علشات يهلفطوا بحاجات كدة على حبايبنا الافاضل بتوع صحف الحكومة ؟؟؟
انى جاعد اوووووووم شوية جعرات بيقراوا الجرانين ويضحكوا ويتريقوا
-واحد بيقول شايف ف الجمهورية مكتوب اية ؟ مكتوب ( استقبال جماهيرى حافل للرئيس ) وفى الاخبار ( الرئيس يشارك الجماهير الاحتفال)
اووووم التانى يقول والاهرام مكتوب فية اية ؟
اووووووووم الاول يضحك ويقول" انا ما فتحت الاهرام بس هيكون مكتوب فية اية ؟ اكيد حاجة كدة من عند سارايا زى ( متعة الجماهير زادت بحضور مبارك المباراة )
الاول ضحك وقال طب ومممووومتاز القوط هيكتب اية ؟
اووووووم التانى ضحك وقال اكيد هيكتب ( تمتعت الجماهير بمشاهدة الرئيس وهو يشاهد المباراة ) هههههها ال اتنين الجعرات ضحكوا كدة
اووووووم الاول وهو مسخسخ من الضحك قال طب وعبدالله كمالى بتاع روز اليوسف ؟
اوووووووووم التانى برضوة مسخسخ من الضحك يقول اكيد هيكتب ( مبارك حضر المباراة فزادت متعة الجماهير وانتظرت بشوق حضور جمال مبارك لتزداد المتعة )
اوووووووووم ال اتنين الجعرات ماتو من الضحك
اووووووم الجعر الاول بيسال وهو مسخسخ من الضحك طب تفتكر كمال الشاذلى هيقول اية ف مجلس الموافقة ؟
اوووووووم التانى يقول وهو مش ادر ياخد نفسة من الضحك هيقف ويقول وهو رافع حاجبة الشمال نص قوس ( انا حاسس بهمس ولمز عن حضور الرئيس المبارة وخسارة الاهلى ووو وانا بوضح يا سيادة الريس ان الرئيس لم يلقى بتوجيهات وتعليمات للعيبة ومدربهم وتركهم متعمدا ليثبت للمتشككين والرافضين للاستمرار والتوريث انة بدون تعليمات سيادتة وتوجيهاتة لا نصر ابدا وشكرا سيادة الرئيس )
ههههههههههههها دة الجعرين هيهدو الدنيا بكركرتهم
اووووووم برضوة الاول يسال طب والموافقة هيقول اية ( هىء هىء هىء بيتريق على فتحى بية )
اووووووم التانى يقول اكيد فى الجلسة هيختمها ب ( ان المجلس يرسل بيانا للعالم اجمع ان حضور الرئيس للمبارة لهو نصر للرياضةوالرياضيين ف العالم اجمع واننى من على منبر مجلسكم الموقر اطمئن الجماهير ف العالم اجمع ان الرئيس بحكتة يرعى الرياضة ف كل مكان تلك الحكمة المورثة بلاشك للسيد جمال مبارك ::: الموافق على البيان يرفع اي موافقة )
اوووووووم الجعرين وقعوا على الارض من الضحك وسخسخوا وجت الاسعاف خدتهم
دهدى اية اخرتها مع الجعرات يا عالم ؟؟؟ هى كل مناسبة الشعب يفرح فيها بسيدنا يستغلوها كدة ؟
انى تعبت يا متر شفيق
جاااااااى ال تداول السلطة ال