20 سبتمبر 2006

بعيد عن السيما

لأ وبعيد ليه ؟ جوه قلب السيما ذات نفسه .. ما هو سي حسني مبارك وعياله معيشينافي فيلم رعب غبي وسخيف مع إنه كرتون ؟؟؟!!!

يا الله عجل بقى وابعت قابض الأرواح .. أحسن خلاص المخ ساح .. بشرط يقبض كل العيله اللي .. اللي ... انته عارف بقى على رأي اللمبي ...

لما كان أخونا جورج إسحق بتاع حركة كفاية بيهاتي من سنتين ويقول لأ للتوريث ومعاه الإخوان المسلمين كانت الناس بتضحك وتسخر من كلامهم .. فاكر جمله كانت على كل لسان عامل نفسه مستثقف # مصر مش سورية # طيب يا باشوات .. آدي مصر وآدي سورية .. امال يا ريتنا كنا سورية على الأقل كان هيكون وريث الحكم عندنا راجل ودكر مش الخيخة جيمي ابن سوزان الواطي إبن الواطي ..

يا ريت كان عندنا بشار ما كانش ده حالنا .. كنا هنحس إننا ما خسرناش كتير .. مع إن التوريث في كل الأحوال غلط .. لكن رجولة الولد بشار الأسد وصلابة موقفه وشجاعته جعلت السوريين يلتفون حوله ويحبونه .. لكن العبيط إبن العبيط جمال مبارك بتاعنا ده هيلتفوا حواليه ليه .. ؟؟؟ بأمارة إيه وراس والده ؟؟؟ إلا عشان يزفوه ويقولوا العبيط أهوه هـ .. العبيط أهوه هـ ..

الأكاده إن إبن العبيطه صدق لما شلة الصيع النصابين رجال الأعمال الجدد اللي حواليه قالوله خليك زي بشار الأسد .. اعمل زيه واتكلم بوطنية زيه ... الأهبل ما صدقش خبر وراح طالع في المؤتمر عامل عنتر .. وهاتك يا همبكه من عينة # وآن الأوان لمصر أن تبدأ برنامجها النووي # # والإنطلاقة الثانية # ... وسقف سقف ياللي واكلها والعه ... ومش عارف إيه من البطيخ الحمضان بتاع أبوه ده اللي كان بيضحك بيه على الناس من ربع قرن .. لما كان يقف يقول للناس في عنترية كاذبه # لو كانت أمريكا دولة عظمى في العالم فمصر دولة عظمى في المنطقة # وهو النتن واخد إذن مسبق من السفير الأمريكي عشان يقول البقين دول ..

إبنه كمان طالعله في الهمبكة وسواقة الهبل على الشيطنه وقلة الأدب والسخافة وثقل الدم .. ياه جاته ستين نيله في عفانته .. لا فض فوك يا دكتور قنديل فعلاً أريد أن أتقيأك يا حسني لأنك أسخف من شربة الزيت الخروع إنته وعيلتك ...

جاي جيمي الهلفوت يعمل نفس الفيلم برضه .. مع أن العالم كله عارف إنه راح في زيارة سرية لأمريكا من ثلاث شهور عشان ياخد الإذن بسواقة مصر # أيوه سواقة مش قيادة .. ما هي عربية كاروا وارثها عن أبوه العربجي # .. المصيبة إنه باع لبوش الكنيسة الأرثوزوكسية المصرية في مقابل تمرير مشروع التوريث وجابلنا الكنيسة الصهيونية الماكسيموسية المحشية بطيخ ومهلبية زي ما الناس عارفه وشايفه .. يعني هناك يتمحلس ويبوس القدم ويلحس جزمة رايس وبوش والطباخ بتاع البيت الأسود .. وييجي هنا يعملك أسد ويلعن أبو أمريكا .. طيب ازاي يا خيخه ؟؟؟ ما احنا عارفين العبارة يا بن سوزان .. لكن تعمل إيه بقى في الغباء المباركي اللي مش ناصح وفالح غير في سرقتنا ونهب بلدنا ..؟؟؟ يعني سعادة الخيخة يفهموه .. ويقوله يا عم ده فيلم قديم وشفناه ألف مره من اللي علمك التمثيل واللعب مع القرود أبوك الواطي .. يقولك لأ .. بلدنا شعب طيب وهيصدقني برضه .. تعمل إيه بس لحمار زي ده ؟؟؟

الظاهر أن قدرك يا مصر تعيشي على الأفلام السكه طول عمرك .. وقدرك يا شعب يا مصري يا مسكين يا أبو السينما العربية تاكل على قفاك ما حييت وتتفرج على أفلام هابطه وسكه ونيله وزفت وقطران من تأليف وتمثيل وإنتاج وإخراج عائلة مبارك الواطي .. على رأي عمنا نجيب سرور صاحب الــ .... أميات .. ### ربك خلقها كده .. راح تعمل إيه فيها ###

هناك 13 تعليقًا:

غير معرف يقول...

ابن بهية
ابن بهية
ابن بهية
زى ما لقلت عند فارس
عرفت ان الواد جيمى استعان بشركة تسويق بريطانية علشان تعمل له نيولوك ينط لنا بيه فى المؤتمر العبيط دة
وقعدت بقا الشركة دى تستطلع الاراء وتشوف احنا ميولنا شكلها اية ورايحة فين
وتفحكش فى نفساويتنا وتشوفنا مشدودين لاية
لقت ان مثال احمدى نجاد وحسن نصراللة
سرقوا قلوب العرب وبالاخص المصريين
قاموا رصوا له البقيت الحمضانين دول بتوع النووى
علشان يبقا استمبا صغنونة نونو كدة من نجاد
وقال ايييييية؟؟
احنا من عبطنا نسقف له
ونهلل له
ونشيله على رقابنا
-----
بس على مين يا ابنى؟؟
احنا فالحين فى هرش الخديعة
لكن مش فالحين فى التصدى لها
قال يعمل مفاعل نووى ابن القرعة وهم بايعين الارض الوحيدة الصالحة لبناء المفاعل ومرمية من تلاتين سنة فى الصحرا الغربية
باعوها لمستثمرين خواجات
حيبنووووه فييين تاااانى؟؟
حيفحكشوا على ارض تانية ويقعدوا يعملوا عليها دراسات واختبارات لمدة تلاتين سنة تانية؟؟؟
هأو هأو هأوأوأوأو


شميتلك خبر كدة واللة اعلم ناوييت يبنوا المفاعل العبيط دة فى سطوح بيت ايمن نور
علشان لما امريكا تفكر تضربنا وتمرمط بينا الارض زى العراق كدة باذن اللة
يبقا ايمن نور اول واحد ياخد الطريحة
على اساس انه ايمن بن لادن
او ايمنى نجاد

وسلم لى عالنووووووووى
كل سنة وانت طيب
رمضان كريم عليكم يا رب

IBN BAHYA - إبــن بهيـــــــــــــة يقول...

أهلا شهروزة الرائعة ... وشكرا على مرورك الطيب الكريم .. وكل عام وانتي بألف خير يا رب .. بس إيه الكلام الجامد أوي ده ... الله يفتح عليك .. هو كده والله زي ما تفضلت .. لكن نعمل إيه بقى .. ربك يخلصنا من العصابات دي

shady يقول...

أنا استقبلت الخبر ده ذى ما يكون واحد مسطول طلع على المسرح فى فرح غوازى وقال على الطلاق بالتلاته لرايح ضارب مأمور القسم بكره

محمد البرلسى يقول...

والله انا تعبت من المو السين دول يا ابن بهيه باعو كل حا جه وائالو كله فى حب مصر عا لم واطيه صحيح

غير معرف يقول...

بتقول لها ربنا يفتح عليكى و كل كلامك شتائم و سب ، حتى لو كلامك صح لابد يكون بطريقة هادية مهذبة عاقلة متروية .

عمر يقول...

والله الواحد هربان منها مش من شويه بعد ماجالى الضغط والسكر من الحكومه الواطيه واللى فيها

IBN BAHYA - إبــن بهيـــــــــــــة يقول...

إخواني الأعزاء شادي ، القادم من الريف ، عمر ، وياسر .. شكرا لمروركم الكريم ويترد ليكم في ظروف أحسن من كده .. ظروف تكون فيها مصر متحررة من حسني مبارك وعيلته وعصاباته القذرة .. لأ مش كتير .. قريب جداً بإذن الله .. باقي بس كام واحد كمان يفوقوا وتطلع بهية عليهم بالصرمة القديمة وعيال بهية كلهم يزفوا العصابات دي للسجون اللي ياما حيطانها شافت عذاب أولاد بهية .. قريب جدا حيدخلها الجلاد ذات نفسه .. بحق الشهر الفضيل اجعل هذا الأمل قريباً يا الله

غير معرف يقول...

http://elsaber-saber.blogspot.com/
قرات صفحتك واستمتعت بها ويبدو اننا نشترك في اشياء كثيرة منها كره الظلم والنظام الحلامنتيشي القابع فوق انفاسنا ارجو الأطلاع علي صفحتي المتواضعة ورؤية الفيديوهات ولاسيما فيديو دامت لمين

غير معرف يقول...

http://elsaber-saber.blogspot.com/
نرجو لأطلاع علي الصفحة عاليه
عيش وحلاوة

Haitham يقول...

فعلا احنا مش سوريا احنا أنيل من سوريا






هيا بنا نوقف قطار التوريث

خجل يقول...

احنا في سيما

غير معرف يقول...

مش هقول غير كلمة واحدة

مفـــيش فايــــدة

غير معرف يقول...

المقالة مصنفة تصنيفا عسكريا انها رصاصة طائشة ... الدراسة فى مصر غير مجدية وتحتاج لااعادة نظر... للمزيد انظر تلك المدونة
http://iloveyou2000.blogspot.com
zawaj2@yahoo.com