15 يناير 2007

على الضريح .. يوم الميلاد

قصيدة على الضريح
في رثاء الزعيم الراحل جمال عبد الناصر بلال الأمه العربيه .. نشوف


السكه مفروشه تيجان الفل و النرجس
و القبه صهوة فرس عليها الخضر بيبرجس
و المشربيه عرايس بتبكي و البكى مشروع
من ذا اللي نايم وساكت و السكات مسموع
سيدنا الحسين؟
ولا صلاح الدين
ولا النبي
ولا الإمام؟
دستور يا حراس المقام
ولا الكلام بالشكل دا ممنوع؟
على العموم أنا مش ضليع في علوم الأنضباط
أبويا كان مسلم صحيح و كان غبي
و كان يصلي ع النبي عند الغضب و الأنبساط
أبويا كان فلاح تعيس
في ليله ضلمه خلفوه
و ف خرقه سودا لفلفوه
و ف عيشه غبرا طلعوه
و عشه مايله سكنوه
و لصموه
و طلسموه
و دجنوه
و جهزوه
و جوزوه على عماه
فكان محير في هواه
ما بين امي و الجاموسه
و كان يخاف يقتل ناموسه
و كان خجول .. خجول .. خجول
و كان دايما يقول
استغفر الله العظيم من باب الأحتياط
أبويا طلعتوه حمار
فكان طبيعي يجيبني جحش
لا اعرف نبي من أجنبي
و لا مين ما جاش ولا مين ما رحش
موسى نبي
عيسى نبي
كمان محمد كان نبي
و يا قلبي صلي ع النبي
و كلنا نحب النبي
و كل وقت وله أدان و كل عصر و له نبي
و احنا نبينا كده من ضلعنا نابت
لا من سماهم وقع ولا من مرا شابت
ولا انخسف له القمر ولا النجوم غابت
أبوه صعيدي و فهم قام طلعه ظابط
ظبط على قدنا و ع المزاج ظابط
فاجومي من جنسنا
ما لوش مرا عابت
فلاح قليل الحيا إذا الكلاب سابت
ولا يطاطيش للعدا مهما السهام صابت
عمل حاجات معجزه .. و حاجات كتير خابت
و عاش و مات وسطنا
على طبعنا ثابت
و ان كان جرح قلبنا
كل الجراح طابت
ولا يطولوه العدا
مهما الأمور جابت


عموماً عمنا الفاجومي اعترف بأنه ((مش ضليع في علوم الإنضباط)) يعني الرضا والسموحه ومش عايزين فزلكه وكلام ساقع من عينة تأليه الزعيم والذي منه .. كل ده كلام عبيط .. ناصر لا هو إله ((والعياذ بالله)) ولا نبي .. كان بس ولد .. ولد صعيدي .. فلاح .. معجون من طمي نيل مصر .. من ترابها وعرق فلاحينها الطيابه .. وعمالها الغلابه وهو ده اللي رفعه فوق الرؤوس وحجز له مكان فسيح في القلب اللي جرحه .. بس كل الجراح طابت على رأي عمنا الفاجومي .. كان فاجومي من جنسنا .. ما لوش مره عابت ولا باعت البلد لأخوالها الصهاينه بتوع المحافل الماسونية في لندن .. ما بيطاطيش للعدا ويلحس تراب جزمة بوش ورايس وأولمرت .. عمل حاجات معجزه .. وحاجات كتير خابت (عادي .. لأنه بشر)) بس المهم عاش ومات في وسطنا .. على طبعنا ثابت .. عمره ما اشتغل سمسار ولا باع الوطن ولا مرة أخد عمولات ممن بره بره على سويسره .. ولا اخترع لجنة وكوسات لإبنه عشان يوكس البلد بيها ويخلص على اللي باقي فيها .. ومات وفي بيته 84 جنيه مصري .. 84 جنيه مصري .. مصري .. مش 84 مليون ولا مليار دولار في بنوك سويسره .. طيب راجل شريف .. عفيف .. نضيف وسكره زي ده ما يتحبش ؟


رحمك الله يا جمال .. وغفر لك ما تقدم من ذنبك ورحم الله مصر من بعدك .. مصر التي مازالت تعيش بلا زعيم .. بلا قائد .. بلا رئيس .. مازال كرسي الرئاسة شاغراً يا ناصر .. فالعملاء .. الخونة لا يمكن لبهية أن تقبل بهم رؤساءً ولو عروا ربع قرن .. فهل يرحمنا الله سبحانه ويرسل إلينا رئيساً مصرياً مثلك في يوم مولدك .. نسأل الله ذلك ونبتهل إليه أن ينجي مصر ويزيح عنها الغمة .. لينبلج صباحها .. فقد طال الليل .. طال الليل .. طال الليل

هناك 26 تعليقًا:

غير معرف يقول...

yes tall el leel awy awy .. yalla ba2a ya rab 7'alasna men mobarak el kalb el qazer

همس الليل يقول...

شوف يا ابن بهيه يا فلاح يا اصيل
للاسف دا مش زمن الرجاله
دا زمن بوش وامثالهم من هم انصاف الرجال ان كان اصلا فيهم ذره رجوله
احنا مش بننعى عبد الناصر
احنا هنا فى حداد على رجوله وزمن لن ياتى
لن يعــــــــــــــود

أميرة يقول...

عندما رحلت

اصبحنا يتامى

عندما رحلت

ماتت الكرامة

امتى تعود

بهية مستنية رجعتك

فارشة بدموعها سكتك

حالفة ماتعرف فرح

ولازينة على الخدود
الا لما تعود

دة الملك عاد

الارض ضاعت

وانتشر فينا الفساد

عاد كل ماتمنيت انت الا يعود

بعدما اضعت عمرك لصده فى صمود

عاد وانت لم تعود

اناديك من هنا ان تنقذنا
ان تعود بثورة اخرى من عالمك الآخر

لتحقق بها مستحيل آخر

ولن يفيد ندائى أعلم لن يفيد

***

سأنادى إذن بطون الامهات

الا من ناصر جديد

ياعصر قلت فيه الرجال
الا من ناصر جديد

يالله انت قادر على تحقيق المحال

الا من ناصر جديد

الا من ناصر جديد

الا من ناصر جديد ؟؟؟

تحياتى لك ابن بهية على الموضوع الرائع

واوجه لك الدعوة مرة ثانية لرؤية موضوع مشابه تحياتى لقلمك والاحياء ذكرى ميلاد الزعيم

أميرة يقول...

عندما رحلت

اصبحنا يتامى

عندما رحلت

ماتت الكرامة

امتى تعود

بهية مستنية رجعتك

فارشة بدموعها سكتك

حالفة ماتعرف فرح

ولازينة على الخدود
الا لما تعود

دة الملك عاد

الارض ضاعت

وانتشر فينا الفساد

عاد كل ماتمنيت انت الا يعود

بعدما اضعت عمرك لصده فى صمود

عاد وانت لم تعود

اناديك من هنا ان تنقذنا
ان تعود بثورة اخرى من عالمك الآخر

لتحقق بها مستحيل آخر

ولن يفيد ندائى أعلم لن يفيد

***

سأنادى إذن بطون الامهات

الا من ناصر جديد

ياعصر قلت فيه الرجال
الا من ناصر جديد

يالله انت قادر على تحقيق المحال

الا من ناصر جديد

الا من ناصر جديد

الا من ناصر جديد ؟؟؟

تحياتى لك ابن بهية على الموضوع الرائع

واوجه لك الدعوة مرة ثانية لرؤية موضوع مشابه تحياتى لقلمك والاحياء ذكرى ميلاد الزعيم

أميرة يقول...

عندما رحلت

اصبحنا يتامى

عندما رحلت

ماتت الكرامة

امتى تعود

بهية مستنية رجعتك

فارشة بدموعها سكتك

حالفة ماتعرف فرح

ولازينة على الخدود
الا لما تعود

دة الملك عاد

الارض ضاعت

وانتشر فينا الفساد

عاد كل ماتمنيت انت الا يعود

بعدما اضعت عمرك لصده فى صمود

عاد وانت لم تعود

اناديك من هنا ان تنقذنا
ان تعود بثورة اخرى من عالمك الآخر

لتحقق بها مستحيل آخر

ولن يفيد ندائى أعلم لن يفيد

***

سأنادى إذن بطون الامهات

الا من ناصر جديد

ياعصر قلت فيه الرجال
الا من ناصر جديد

يالله انت قادر على تحقيق المحال

الا من ناصر جديد

الا من ناصر جديد

الا من ناصر جديد ؟؟؟

تحياتى لك ابن بهية على الموضوع الرائع

واوجه لك الدعوة مرة ثانية لرؤية موضوع مشابه تحياتى لقلمك والاحياء ذكرى ميلاد الزعيم

أميرة يقول...

عندما رحلت

اصبحنا يتامى

عندما رحلت

ماتت الكرامة

امتى تعود

بهية مستنية رجعتك

فارشة بدموعها سكتك

حالفة ماتعرف فرح

ولازينة على الخدود
الا لما تعود

دة الملك عاد

الارض ضاعت

وانتشر فينا الفساد

عاد كل ماتمنيت انت الا يعود

بعدما اضعت عمرك لصده فى صمود

عاد وانت لم تعود

اناديك من هنا ان تنقذنا
ان تعود بثورة اخرى من عالمك الآخر

لتحقق بها مستحيل آخر

ولن يفيد ندائى أعلم لن يفيد

***

سأنادى إذن بطون الامهات

الا من ناصر جديد

ياعصر قلت فيه الرجال
الا من ناصر جديد

يالله انت قادر على تحقيق المحال

الا من ناصر جديد

الا من ناصر جديد

الا من ناصر جديد ؟؟؟

تحياتى لك ابن بهية على الموضوع الرائع

واوجه لك الدعوة مرة ثانية لرؤية موضوع مشابه تحياتى لقلمك والاحياء ذكرى ميلاد الزعيم

IBN BAHYA - إبــن بهيـــــــــــــة يقول...

بسم الله الرحمن الرحيم

إخوتي الأعزاء الأفاضل .. ألف شكر على الزيارة والتعليق .. ربنا يخليكم كلكم وما يحرمش بهيه من جهودكم المخلصه .. بجد بهيه محتاجه ليكم أوي .. تمدوا إيديكم ليها وتوعوا ولادها اللي غبار العصابات عمى عنيهم حبتين ..

Anonymous
كلامك صحيح .. طال الليل أوي أوي .. وباضم دعواتي لدعواتك ونسأل الله العلي القدير أن ينجي بهيه ويرسل إليها صبحه الوضاح قريباً .. يا رب يا كريم ..
أرق تحياتي

===============

cat_eyes(همس الليل)
الله يحفظك .. ألأف شكر على وصفك الجميل لي بالفلاح الأصيل .. ياله من وصف رائع يتخطي قدراتي بكثير .. عموما أشكرك وأتمنى أن أكون بحق فلاح أصيل .. طبعا كلامك صحيح بأنه ليس زمن رجال ولكني أختلف معك في قولك أنصاف رجال .. هم لم يصلوا إلى أنصاف الرجال .. هم أعشار الرجال أو أشباه (شبه بعيد أوي) .. أما لو كانوا أنصاف رجال كانوا أكيد راح يبقوا أحسن مما نراه .. دول حتى ما حصلوش أعشار رجال ..
واحد زي الواطي مبارك ده ممكن يكون عشر راجل برضه ؟ ما أعتقدش أبداً .. ولا حتى فيه ريحة الجولة خالص .. ولا كمان الأنوثه .. ده مسخ قذر ربك ابتلانا بيه ونسأل الله أن يخلصنا منه ومن ذريته المسخ مثله وكل عصاباته المتسيبه في البلد زي الأفاعي عمال تلدغ في جسم بهيه
أرق تحياتي

===============

أميرة ويلز

أشكرك على هذا الكلام الرائع .. وجاي حالا عشان أتكلم من هناك في مدونتك الكريمة ..
أرق تحياتي

أطيب وأرق تحية للجميع

Tamer Nabil Moussa يقول...

كان رجل صح مفيش كلام

ربنا يرحمة

shady يقول...

يا حرية
يا وطنية
يا روح الأمة العربية
يا نــــــــاصـــــر

غير معرف يقول...

رئيس تحرير
ناصر يا اشرف الرجال ناصر يا زعيم الامة العربية يا من علمت اشباه الرجال الرجولة واشباه الزعماء الزعامة عشت حرا وتوفيت زعيما
رحمك الله يا زعيم

دينا فهمي يقول...

بآلك كتير مازورتنيش
فقلت أسلم (:

أسوور يقول...

كان زعيما بحق
رحمه الله

أحمد الشمسي يقول...

أحمد فؤاد نجم عبقري... صحيح بطل عبقرية من ساعة ما بقى همه يطلع في التلفزيون يضحك البشر عليه ويقبض من قناة الجزيرة لكنه مع ذلك شاعر رائع!
على فكرة فيه كمان قصيدة لنزار قباني في رثاء ناصر ... جميلة جدا

el2ahwagi يقول...

ana oken 7ob lehatha alragol lays laho 7odood...

kol elli a2dar a2oolo enno ragol bekol ma3na alkalema ...

beganeb enno kan ameen, nazeef ,,,

faqad kan ragol.. fi thawreto, fi qararato men agla elfalla7 walsha3b, fi 3mal karama lehatheh el2omma... 7atta fel naksa.. kan ragol..

a2dar a2ool en tareekh masr el7adeeth wal3arab howa momken yosanaf ila ma howa qabl Nasser wama howa ba3d Nasser..!

rabena yer7amo... weyer7am intemaa2 naas keteer lemasr..!

غير معرف يقول...

ابن بهية تحياتى ليك ولكل الشباب اللى رثوا الزعيم الراحل جمال عبدالناصر واضم صوتى لصوتكم ليس للبكاء على رحيل هذا الرجل وانما للدعاء ليخلصنا الله من هذا الوباء المباركى ويرزقنا ولو بنصف ناصر

Nikolay Gogol يقول...

هوه مش عايز ابان زى الشريك المخالف
بس هوه جمال عبد الناصر عملنا ايه؟؟؟
النكسة و تضخم الجهاز الادارى و تدمير الاقتصاد
العبرة بالخواتيم و الحواتيم كلها كانت ذل و فقر و بدل ماتيجبوا اى مشكلة فى السادات الله يرحمه شوفوا مين اللى بدأ مسيرة التخريب فى مصرو مين اللى عذب الاف المصريين و ضيع القدس
جمال مين و كرسى ايه اللى فاضى الله يرحمه لو قعد شوية كان اداهم القاهرة و دمشق و بقه هوه مؤسس دولة اسرائيل الحقيقى

عاشقة الوطن يقول...

ابن بهيه
تحياتى الشديدة لك

على الرغم انى مش تابعة
أو من أنصار الزعيم
الراحل جمال عبد الناصر
بس بحترمه جدا وأقدم احترامى وتحياتى الشديدة لهذا الرجل الذى قدم الكثير والكثير فى وقت كانت مصر تحتاج الى رجل حقيقى

والآن أين الرجال لقد رحلوا

تحياتى واحترامى الشديد للزعيم الراحل جمال عبدالناصر

تحياتى لك ياابن بهيه

غير معرف يقول...

مشكور جدا على القصيده دي
كنت بدور عليها من زمان
ربنا يديك طول العمر يا عم احمد

1minelnas.blogspot.com

IBN BAHYA - إبــن بهيـــــــــــــة يقول...

إخواني الأحباب .. شكرا على الزيارة والتعليق وأعتذر عن التأخير في الرد بسبب المرض

tamer

shady

رئيس تحرير

دينا فهمي

ياسمين

أحمد الشمسي

el2ahwagi

fr_فارس

Nikolay Gogol

عاشقة الوطن

واحد من الناس

لكم مني جميعا كل تحية وحب وتقدير حتى أخانا العزيز Nikolay Gogol أتمنى زوال الغمة من على عينيه كي يرى الصورة أوضح ويعي أن مصر بلا رئيس منذ مات عبدالناصر رحمه الله

لكم جميعا تحياتي واعتذاراتي لعدم قدرتي على الرد في حينه

أرق تحياتي

عاشقة الوطن يقول...

ألف سلامة عليك يابن بهية
بعد الشر عليك

ان شاء الله اللى فى بالى بالك وانت لأ ابدا

الملاح التائه يقول...

الله يرحمه كان أحسن من الذين جائوا بعده وأحلامه كانت جميله
لكن
لا داعى لما بعد لكن

Yasmine Adel Fouad يقول...

انا مش داخله علشان اقول بحب عبد الناصر اد ايه رغم انه مش نبى و لا اله و هو ابن مصر و خلاص
بس دخلت علشان فعلا القصيدة عجبتنى اوى

سعيدة بنشرك ليها
وربنا يغفر للمسلمين جميعا
و يرحم جمال عبد الناصر اللى عمل كتير لمصر
لكن نقول ايه محدش كامل بقى

غير معرف يقول...

ما هو عبد الهزايم على راي واحد صاحبي هو السبب في اللي احنا فية دة
حسبي الله
كل الهزايم و النكسات كانت في عهدة
يعني هو الشعب دة عمرة ما حيفهم

Amany Y. El-Saeed يقول...

الله عليك يا بن بهيه وعلى كلامك إللي يشرح القلب...متعنا كمان وكمان
دي مش أول زيارة ليا بس أول تعليق...انت إللي يزور المدونه بتاعتك مرة يرجعلها مرات
ربنا يوفقك

Nikolay Gogol يقول...

الأول طبعا سلامتك الف سلامة
ثانيا معلش ممكن يكون الموضوع اتقفل و انا جاى اعلق متأخر بس معلش علشان كان عندى امتحانات
الله يرحم عبدالناصر و السادات و كل المسلمين
بس انا كل فكرتى ان جمال فى النهاية كمحصلة كخاتمة وده مصر فى داهية
بس ده ميمنعش ان له مزايا كتير اهمها من راى انه نضيف مش حرامى و كان حاسس بالفقرا و عامل حساب ليهم مش فارم الناس زى حسنى

FATMA يقول...

انا بحب القصيدة دي جدا و حب عبد الناصر ورثناه و اتربينا عليه و بأى من المسلمات رغم اني كتير بحسني كنت مختلفة معاه الا اني بحبه و زي ما انت قولت عبد الناصر كان بشر