04 مارس 2007

سيادة العميد أ ح .. ما زلنا ننطقها ألف وحاء بدون هاء في آخرها

لأسباب وطنية مضطر لإعادة نشر موضوع سابق

منذ اعتلى مبارك كرسي الرئاسة في 1981م وهو يوصم نفسه كذباً عبر وسائل إعلامه الممولة من قوت أبنائنا أنه رجل الإصلاح والتغيير والتطوير والإنجازات ، بعد أن قضى فترة رئاسته الأولى وتمرغ في قصور الرئاسة المخملية ، بدأ الإعلام المصري مرحلة جديدة فكان يؤرخ لكل شيء في مصر من العام 1981 ، في شتى المجالات كنا نسمع منهم أن إنتاج الكذا قبل عام 1981 أصبح إنتاجه اليوم كذا وكذا وكذا .. بعد إضافة صفر كل عام حتى لم يعد لدى شامشرجية النظام أية أصفار وهمية يضيفونها ويلطخزن بها صفحات جرائد مبارك الصفراء ، كنا نعي حين سمعنا التأريخ الجديد لمصر عبر إعلام مبارك أننا بحق مقبلون على عصر جديد ترزح مصر فيه تحت ويلات الأساليب الجديدة في النصب والدجل الحكومي والديكتاتورية الموديرن المزينة بالفيونكات الديموقراطية وآخر موضات الدعارة السياسية والإعلامية.

بيانات توظيف شباب فاقت كل الأمنيات حتى أنك لو أحصيت ما صرح به الطاغية مبارك ورؤساء عصاباته المتعاقبة منذ (لزق) في الكرسي لوجدت أنهم وظفوا كل الشعب المصري والشعوب المجاورة . بيانات نمو اقتصادي لو لملمتها خلفهم من جرائدهم الحكومية لاستغربت كيف أن الاقتصاد المصري قد فاق كل اقتصاديات الدول المتقدمة مجتمعة. خدمات ، مرافق ، تعليم ، صحه كله تمام التمام وفق بيانات العصابات .. حين كان الناس تفيقون على فترات متباعدة مستغربين ، كان يفاجئهم الطاغية بأداء دور مسرحي كوميدي هابط لممثل فاشل على مسرح البرلمان في عيد العمال مستنكراً عبر نكاته السمجة الزيادة السكانية التي تلتهم كل الأصفار الوهمية التي يسوقها إعلامه للناس من تطور وتقدم ، ويضحك الناس على شر البلية


ربع قرن .. خمسة وعشرون عاماً من النصب والدجل والدعارة السياسية تحت حماية قانون الطواريء الذي يكمم الأفواه ويسجن كل صاحب رأي يخالف عصابات الرئيس .. حرق الأحزاب السياسية وأحالها إلى مجرد دكاكين تبيع سياسه قديمه .. عطنة .. منتهية الصلاحية فعافتها الناس ، منع قيام أحزاب جديدة خوفاً من ثقلها في الشارع الذي يكرهه ويكره عصاباته .. قتل الحياة السياسية .. دمرها بالكامل ، وبرغم ذلك مازال يصر على تشغيل ذات الاسطوانة المشروخة عن الإصلاحات والديموقراطية؟! وأنه ماض في الإصلاح ؟! عاث في دستور البلاد فساداً .. شعوذ المادة 76 وفصلها على مزاجه كخطابات حراجي القط لزوجته ست أبوها فجائت ست المواد بستين لطمة على وجه أجهل طالب قانون وليس فقيهاً دستورياً ، وخلال أشهر عرض شعوذتها مجدداً ضمن الشعوذات الأخيرة لأربعة وثلاثين مادة دستورية تزيد من قبضة اللصوص على مقدرات البلاد والعباد .. وتمنع عنهم عين الحسود من أي تيار آخر معارض فلا يجروء على مجرد النظر من بعيد .. فتفقأ عينه قبل أن تنظر ليد لصوص الحزن الوطني ليبقى هو وحده المبصر في بلد العميان ، يقودها على هواه ويورثها لمن شاء.

تعود فخامة الطاغية على أنه فوق الجميع ولا يحق لكائن من كان في مصر المحروسة أن يطالبه بشيء ولو حتى من باب التنبيه إلى أنه يجر البلاد والعباد إلى أتون الفوضى المدمرة .. لو خرج المارد الشعبي من القمقم فلن توقفه جحافل أمنه ولا مدرعات الحرس الجمهوري الذي يحتمي به ويتخيل أنه باق خلفه إلى ما لا نهاية حتى بعد كل تلك الرسائل السخيفة التي دأب منذ سنوات على إرسالها إليه عن التوريث وتسرب كرسي الرئاسة من بين أصابع المؤسسة العسكرية التي حولها إلى مجرد حرس شخصي لفخامته . ما من شك في أن مصر في عهد مبارك فقدت كل دور إقليمي ودولي ولم يعد لها أي وزن بين الأمم وهو أمر طبيعي في بلد يصل استهتار رئيسه به إلى درجة الاستخفاف بدستور هذا البلد واستخدامه لتحقيق مصالحه الخاصة به وبعائلته ومن والاهم والأدهى استخدام هذا الدستور في إرسال الرسائل المختلفة ، وفي إحدى المواد التي أرسلها للتعديل يفترض فخامته أن يحل رئيس مجلس الوزراء محل رئيس الدولة في حالات الغياب بكل صوره وفي ذلك إشارة واضحة لا تقبل التأويل إلى العسكر بأنهم خلاص (يلعبوا بعيد بقى) دورهم ينتهي عند باب القصر كحراس لفخامته وفخامة إبنه القادم ، فهل فهم العسكر في المحروسة هذه الرسالة الواضحة كالشمس؟


في طيات رسالة مبارك السابقة للعسكر توجد رسالة أخرى أشد خطورة تتعلق بعلاقات فخامته بالدعم الخارجي .. أي أنه من ناحية يقوم على الطريقة الأمريكية ببالونات اختبار للمؤسسة العسكرية ومن ناحية أخرى ينبه العسكر والشعب معاً إلى أنه مسنود من جهات أخرى أكبر وأقوى من الجميع وهو الأمر الذي يصر مبارك على إنكاره دوماً برغم تصديق كونداليزا رايس لهذه النظرية في زيارتها الأخيرة للمنطقة حيث أنها امتنعت للمرة الأولى في حياتها عن تقديم نصائها الديموقراطية المنتقدة لمبارك بما يعني أنها وإدارتها راضون عن الديموقراطية الأمريكاني التي وهبها رجلهم المبارك للشعب المصري كي يبقى دوماً تحت أمر سادة البيت الأسود ومن يأتون به لرئاسة بلد كان قبل ثلاثين عاماً ذو شأن عظيم بين الأمم وشوكة في حلق الأمريكان وحجر عثرة كبير أمام خطة ألفا الشهيرة للسيطرة الكاملة على المنطقة بكل ما فيها من شجر وحجر وثروات.


هل فهمت المؤسسة العسكرية في مصر رسائل مبارك إليها ؟ هل مازال في هذه المؤسسة رجال ذوو رأي وهمة وغيرة على هذا البلد أو حتى على أنفسهم ورجولتهم ولباسهم العسكري ؟ أم رضوا بما قسم لهم مبارك من حفنة شاليهات وشقق لا تعدو عن كونها جزء من ملايين الأجزاء التي تنهب من خير مصر كل ساعة ؟ هل ملوا (الكاكي) مثله فراحوا يقلدونه في ارتداء السموكن ؟ هل ملوا وحداتهم على حدود مصر التي لم تعد آمنة أبداً وهرولوا إلى مكاتب السمسرة وبيع الشرف في مجالس إدارات الشركات والهيئات التي ما تلبث أن تغلق أو تباع كغيرها للأجانب ويندمون حين لا ينفع الندم ؟


هل فهمت يا سيادة العميد أ ح .. ما زلنا ننطقها ألف وحاء بدون هاء في آخرها .. هل فهمت ؟؟؟

هناك 13 تعليقًا:

غير معرف يقول...

شكرا على هذا الموضوع
وشكرا على تلبية طلبي باعادة نشره مرة اخرى

اخوكم ضياء

IBN BAHYA يقول...

أهلا
ضياء

بس أعتقد أنني لبيت طلبك وحدك ولم ألبي طلبي أنا أو أحدا غيرك .. عموما هو ليس تلبية لطلبك بقدر ما هو أمر أعتقد أنه مهم لأنني مازلت أثق بصغار ضباط جيشنا

ربك يعدلها

أرق تحياتي

غير معرف يقول...

لا تتكلموا عن الجيش هذا خط احمر انة امل مصر

إبن بهيــــــــــــــه يقول...

Anonymous

كان زمان خط أحمر لأنه كان محترم ومننا .. دلوقتي بعد ما باع البلد وساكت على الواطي مبارك يبقى شريك معاه في النهب زي ما بنشوف في كل حته في مصر كبار الظبابيط مهيصين ولا على بالهم والملايين ماليه خزاينهم والشعب ميت والبلد بتتباع للصهاينه بالقيراط ولا حد متكلم

يبقى خط أحمر ليه بقى ؟

لما يبقى جيش محترم ومحافظ على أمن البلد اللي بقى سداح مداح يبقى نحترمه

ممكن يكون فيه حتة أمل في صغار الضباط بس .. لكن الأفنديه اللي لبسوا السموكن وخلعوا الكاكي وتركوا رمل الوحدات وهربوا على كراسي الشركات والمحافظات والأحياء عشان يلهفوا من العسل لحسه دول عايزين الحرق بجاز وسخ

أرق تحياتي

IBN BAHYA يقول...

أشكر لكم جميعا تشريفكم وتعليقاتكم

سامحوني نسيت أذكرها في البداية

أرق وأطيب تحياتي لكم جميعا

fr_فارس يقول...

عزيزى ابن بهية , السلام عليكم ورحمة الله وبركاته , بما انك اعدت نشر موضوع الجيش تانى , وانا احييك على اعادة نشرةيمكن يكون الامل فى صغار الضباط , حبيت انقلك رايى ولكن بطريقة مختلفة شوية , مجموعة ابيات انا كتبتها , والوحل كان نازل على , ومحدش يسالنى عن نظم الابيات ولا الكلام ده لان دى اول مرة ارتجل واكتب حاجة يمكن او يشتبه انتمائها لاى نوع من انواع الادب : -
* بهية وجمالها يفوق الخيال * حاكمها حرامي وشلة عيال
* هات ايدك معانا نهد الجبال * جبال الفساد وظلم العباد
*انا ايدي لبهية وكل العيال *ولو حتى ياخدوا ام العيال
* قالوا جيشها قام وقومته عفية *اخيرا ده فكر شوية في بهية
* فضلت افكر وافكر وافكر * بقي هو ده الجيش اللى طلع في المقدر
* جيشها ده نايم وقايم يكركر * ده شالية هدية ودول شوية سكر
* لعبه ولعبها الواطى تمام * بايد من حديد وشوية عبيد حكمنا وحكم مصاير العباد
* لا هلت واعجن واكتر في الكلام *جيشنا ده نايم نومة الهمام
* همام في يوم يقوم يخلص بهية * برده دول ولادك , ياغالية يا بهية
* همام في يوم يقوم يخلص العباد * من ظلم الواطى وحكم الفساد

*****************************

ولحد كده انا فى انتظار الهمام بفوق ويقوم من الغيبوبةاللى هو فيها وينظف البلد من الوباء اللى اسمه "الواطى مبارك
**********************
تحياتى ليك يابن بهية
الهبل اللى انا كتبه فوق ده exclusive عندك انت بس يابن بهية
تحياتى ليك ولكل قلم شريف
فارس

إبن بهيــــــــــــــــــــه يقول...

fr_فارس

كلامك جميل ورائع يا أبا الفوارس .. ربنا يحفظك ويحفظ بهيه .. يا رب ..
يا ريت الهمام يفوق بقى لأننا خلاص وحوحنا ..

وبالنسبة لكلامك حول الجرو الصغنن الواطي الثاني جيمي إبن الواطي الأول مبارك مش لازمه وزاره عشان يحط باراشوت كده على قلبنا زي اللي خلفه ما جه كده برضه .. ولو أن كلامك يحمل دلالات كنت قد أشرت إليها في الموضوع حول رسائل مبارك الواطي للعسكر بتولي مدني مسئولية البلد تمهيدا لدخول إبن الواطي على الكرسي .. أهو كله في الموضوع برضه .. يعني يبقى رئيس وزرا والواطي الكبير يغور سفريتين تلاته فهو يمسك مكانه وفقا للتعديل الدستوري الجديد عشان الناس تاخد عليه وحبه حبه يرستأ نفسه على الكرسي .. طيب والله عال .. يا رب يا خويا يعمل كده .

ده يبقى ستين حمار .. إلا إذا كنا إحنا بقى الحمير ..

يالا ربك يستر في كل الأحوال

لأ هبل ليه بس ؟ ده كلامك والله جميل وزي الفل يا عم بس انته اللي متواضع ..

عموما انا مثلك في انتظار الهمام ضابط الجيش الصغير اللي هيدخل بدبابته على مصر الجديده أو شرم الشيخ ويبعت زميله للإذاعه والتليفزيون عشان يذيع بيان اعتقال مبارك وعائلته وعصاباته والإعلان عن تشكيل لجنة وطنية لصياغة الدستور الجديد المعبر عن المصريين والإعلان عن موعد انتخابات حرة ونزيهة لانتخاب مجلس شعب حقيقي بدون تزوير والإعلان عن موعد لانتخاب رئيس جمهورية من بين مرشحين وطنيين حقيقيين من ولاد بهيه مش منظر يسد ركن في الصورة زي اللي جابهم المتعوس قبل كده من عينة أبو طربوش.

أرق تحياتي

غير معرف يقول...

الخبل

انكم تفكرون بخبل اى جيش او عن جيش تتكلمون الجيش اياة بتاع قسادستان منزوع السلاح عامل زى الكشافة وكلامكم فية خبل وعايزين تفكروا باسر رجعى زى ماحدث سنة 52 ياخى روحوا العبوا برة انت وهو دا فية 5 انظمة بتراقب بعضها وتراقب تنفسات كل الشعب
خلوا احلامكم واقعية
العملية محتاجة ثورة شعبية للجياع يموت فيها مليون ما احنا كتير قوى يموت مليون علشان التحرير زى الجزائر

ابو جلمبو

إبن بهيه يقول...

الأخ العزيز
أبو جلمبو

شكرا لزيارتك وتعليقك

كلامك لا يخلو من بعض الحقيقة مع الأسف .. لكن من حقنا أن يكون لدينا أمل .. بعض أمل في صغار صغار الضباط وليس كبارهم

فالكبار لا أمل فيهم .. من مقدم وطالع دول طلعوا بره اللعبة بتاعتنا
خلينا نلعب شويه يا أخي .. ليه مستكتر علينا نحلم حتى؟

أرق تحياتي

غير معرف يقول...

سليمان باشا غانم العمدة
يا شوية جعرات انا شايف كدة تلميحات من بعضكم عن السيد جمال مبارك ابن سيدنا ال اية مين هو دة وكلام ماسخ ال عملو لية وظيفة اسمها لجنة السياسات ولانة ابن الرئيس دايما صورة واخبارة ف الاعلام سابقة الكبار ... امال اية يا صايع منك لة انت عاوزين ابن سيدنا يباة واحد عادى وهو اللى تجرع الحكمة والعظمة والاهام واطلاق التحذيرات من بيت سيدنا بيت الرئاسة هىء هىء هىء طب اسالو اخوانا مومتاااذ القووط بتاع اخبار اليوم و اسامة سرايا و عبدالله كمالى بتاع روز اليوسف كدة واتعلموا منهم يا بقر ياكش فاكرين ان المظاهرات اللى موضبينها هتخوف سيدنا وابن سيدنا هىء هىء هىء دا احنا عندنا امن مركزى بالملاين يا بقر يعجنكم يا شوية هجايص فنجرية بق هىء هىء هىء ال تداول سلطة ال

غير معرف يقول...

سليمان باشا غانم العمدة
اية اية اية اية لا دا انتى يا ابن بهية بتتريق عليا شوف جنابك باة انا هقولك كلمتين حطهم ف راسك يا ابن الناس : التلسين على سيدنا انة كبر و ابصر 78 ولا اشى وتحطو صورة وهو عجوز مكركب هىء هىء هىء كل دة كلام فاضى
المهم الحكمة اللى منورة عيشتنا وبعدين يا جعر انت فى حد عندة 78 وشعرة اسود كدة ووشة كلة حلاوة زى اللى بيرسمة الاخ عمرو فهمى دة بتاع اخبار اليوووم وموومتاذ القووط هىء هىء هىء ....
لا لا لا عندك اقف بتقول اية ال اية بيرسموة ويحطوا لة صور حلو وشبابية لان الحقيقة ان هيئتة العجوزة بشعة هتخلى الشعب يضحك علية ويقول ازاى عجوز زى دة بيحكمة ؟؟؟ يا نهارك مش فايت هىء هىء هىء طب اية جولك علشان بالعند ف حضراتكم وحكاية الشكل دى ان السيد المحترم كمال الشاذلى حسب ما سمعت هيقدم لمجلس الشعب قانون يلزم كل واحد بسمع اسم سيدنا فى اى مناسبة يرد فورا ب " يا حلاوتة يا جمالة " ترلم لم لم هىء هىء هىء واية يا شوية هجايس ولاد الناس بتوعنا هيعملو شركات توريد الصاجات لزوم ترم لم لم هىء هىء هىء وموتو يا غجر بغيظكم هىء هىء هىء ال تداول سلطة ال يا متر شفيق احبس الواد ابن بهية دة جااااااااااااااى

غير معرف يقول...

سليمان باشا غانم العمدة
اية ياد يا ابن بهية من كام يوم كدة مانتش باين وشايفك ما رديت على كلامى علشان اخدك ونقابل الاخ صفوت الشريف علشان تمسك مجلة ولا جرنال .... يعنى يا جعر انت مش عجبك العرض دة هىء هىء هىء طب انا جاى ايوم السبت 24 مارس مخصوص علشان افرجك اخبااااار اليوووم هىء هىء هىء بتاعة الاخ مومتاااااااااذ القوط شايف الصورة الحلوة اللى راسمها الاخ عمرو فهمى فيها سيدنا كدة شباب وحلاوة ووسامة ولا جعر زيك ف ال 30 من عمرة وراسم الاخ صفوت الشريف شباب ووسامة وجمال اى والله بسم الله ما شاء الله هىء هىء هىء ناس عارفة مصلحتها ان كانت عند سيدنا او عند الاخ صفوت .... اعقل وتعالى يا ابن بهية نقابل الاخ صفوت لجل تمسك مجلة ولاجرنال وان كنت خايف ما تعرف تعمل زيهم هىء هىء هىء هقعدك مع الاخوة موممممممممتاذ القوط واوسامة سارايا وعبداللة كمال بتاع روز اليوسف وابراهيم نافع وسيبك من العيال دول ال تداول سلطة ال جاااااااااى يا متر شفيق

نور العظماء يقول...

شكرا يا بن بهيه يا عظيم علي الموضوع العظيم