05 مارس 2007

صفر الدين هلال .. يوشوش الودع


زمان بلادنا البسيطة الرقيقة ونحن مازلنا كتاكيت تصوصو حول الأهل الذين يشخطون وينطرون فينا بين الفينة والفينة لأننا نقطع بصيحاتنا تسلسل أحاديثهم المكررة حول الزرع والمحصول وسعر الجاموسة الذي تجاوز الخمس مائة جنيه في سابقة خطيرة تنذر بالغلاء والبلاء لأسعار اللحوم لاحقاً كان الجميع يصمت للاستماع والاستمتاع بصوت المطربة الوحيدة في قطر الكون الذي لم يكن يتجاوز حدود قريتنا الجميلة في ذهننا وربما ذهن آخرين من عجائز القرية البسطاء الذين كانوا يشغلون الصفوف الأمامية في حفلة أم خربان الرمالة صاحبة الصوت العذب غناء وحديثاً مكرراً لم يمله أهل القرية برغم مرور أعوام وأعوام على تكرار ذات الحديث على مسامعهم عصر كل يوم.

كانت أم حربان وهو اسمها الحقيقي ، قبل أن يعبث به بعض خبثاء القرية الذين زرعوا في يوم ما نقطة فوق الحاء فصارت خاءً لكي تعبر أكثر عما وصل إليه عقل أم حربان الخربان في رأيهم مهما ظل يمتعهم بعذوبة الصوت وحلاوته ، وهم معذورون في هذا لأن أم حربان على مدى ثلاثين دهراً لم تغير من كلامها حرفاً واحداً برغم ما غيرته تلك السنين في هيئتها .. تأتي كل يوم للطواف على بيوتات القرية وتجمعات أهلها في الساحات لتسمعهم ذات الحديث برغم أن معظمهم مازال مصراً على وشوشة الودع سراً قبل أن يعيده إليها وكأنه يتوسل إلى الودع أن يضع على لسان أم خربان كلاماً جديداً.

كلما شاهدت الدكتور علي الدين هلال الذي بات طبقاً أساسياً في المطبخ الإعلامي المصري تذكرت أم خربان وابتسمت رغم ما ينطق به الرجل من غريب القول الذي يبعث على البكاء مما وصل إليه حال بلدنا الحبيب من تدني وانحطاط لا مثيل له حتى في القرى التي مازالت تقتات على الصيد ، يستغرب جميع من حولي من ابتسامتي لأنهم يدركون مثلي أن الدكتور هلال لم يمل حتى اللحظة من تكرار ولت وعجن ذات الأكاذيب المجرمة ، هم معذورون بالطبع لأنهم شاهدوا أم خربان الحزب الوطني ولم يقدر لأحدهم أن يشاهد أم خربان قريتنا.

اليوم تعج مصر بأمهات الخربانين من ذوي العقول الفاسدة والأفكار المسمومة الذين يرددون كالببغاوات الخرساء العمياء ما يلقنه لهم مدربو العلاقات العامة الأمريكان المستوردين لتدريب لجنة وكوسات المتعوس الأصغر إبن الموكوس الأكبر على أصول الفهلوة السياسية والإعلامية الأمريكاني واستراتيجيات الغنج والعهر السياسي . لعل الدكتور صفر الدين هلال هو أحد أهم رموز عهد المهزلة والقذارة والعفن الذي نحياه اليوم مع الأسف ، عهد طالت فيه القذارة كل شيء حتى باتت هي السمة الغالبة لمصرنا الغالية حتى اللحظة وكل لحظة ولآخر لحظة في عمرنا ولن نكرهها رغم كل قذاراتهم وقذارة ما يروجون له من أفكار صهيوأمريكية أقذر هدفها تطفيشنا من هذا البلد ونحن بداخله ، بمعنى دفعنا إلى اليأس الذي يؤدي في نهايته إلى الكره لهذا الوطن ليكون لقمة طرية كما المهلبية للصهيونية التي تلعق لسانها اشتهاء لهبة النيل التي يدعون أنهم هم بناة أهرامها وحضارتها ومعابدها من قبل موسى وهارون.

رأينا مثلما يرى النائم كابوس صفر المونديال الشهير الذي صفع به ذلك الدكتور الأفاق أستاذ الدعارة السياسية المدعو صفر الدين هلال وجوه كل المصريين بعد أن لذقهم على قفاهم ولهف شوية ملايين هو ولجنة الإعداد لاستضافة مونديال 2010 بقوادته شخصيا حين كان زيراً للشباب .. كان كابوساً أصاب كل بر مصر حتى وصل إلى قريتنا النائمة على ذراع النيل الحزين حالياً .. الكل غضب وبكى وحزن ليس بسبب فقد مصر فرصة استضافة نهائيات كأس العالم لأن هذا من المستحيلات العشرة ولكن حزننا جميعاً كان على الصفر .. مصر تحصل على صفر ؟؟؟!!! ولا حتة صوت واحد يا خلق ؟؟؟ ولا حتى ربع صوت ؟؟؟ في حين أن دولا أخرى كثيرة حصلت على عشرة أصوات وأكثر وهي كما نعلم ليست أوروبية ولا غربية .. هي مجرد دول كنا قبل الصفر نظن أننا أفضل منها إفريقيا على الأقل.

صفر يا مفتريين ؟؟؟!!! صفر ؟؟؟ مصر تحصل على صفر ؟؟؟

ظننا حينها أن صفر الدين هلال لن يطردوه من وزارة الشباب فقط ولكنه سيعدم في ميدان التحرير ليقدم قرباناً إلى الشعب كي يعفو ويصفح .. لكن شيئاً من هذا لم يحدث .. أستقالوه فقط من الوزارة ولم يحاسبه أحد على تلك المصيبة الكبيرة ، لماذا ؟ لأن الفساد والإفساد عام ومتغلغل ومحروس بالمحروس بتاع لجنة وكوسات الحزن الوطني والواطي الأكبر اللي خلفه ، والفساد دوماً لا يأتي إلا بالفاسدين ليكونوا معه في الحكم ، لماذا ؟ لأن الفاسدين دوماً تحت السيطرة وأوراقهم التي تحبسهم وتقطع أيديهم وأرجلهم من خلاف موجودة وجاهزة للخروج عند خروج أي فاسد منهم عن نص الفساد الذي يكتبه زعيم الفاسدين ويروج له كهنة معبد الفساد.

وظل صفر الدين هلال موجوداً على الساحة ، بل وجعلوه ضيفاً ثقيلاً على قلوب كل الندوات والمؤتمرات والفضائيات ليردد على مسامعنا ليل نهار تلك الحكاية الملتوتة المكررة لأم خربان ، بيد أن ملك الأصفار وأنكر الأصوات لا يملك حنجرة أم خربان .


هناك 44 تعليقًا:

Nikolay Gogol يقول...

سلام عليكم و رحمة الله
مقالة ممتازة و ربنا يبارك فيك يارب
انا ليا ملاحظة ان اغلب القوادات الموجودة حاليا اللى هى من 70 و انت طالع
كلهم صنع فى عهد عبد الناصر فى مدرسة الاتحاد الاشتراكى
زى على الدين هلال و كمال الشاذلى
و يوسف والى و كتير من الناس اللى همه رموز الفساد
و دى النقطة الوحيدة اللى انا مش قادر افهم حضرتك فيها
اذا كنت تختلف مع مبارك و السادات
عبد الناصر احسن منهم فى ايه؟؟؟
مهو اللى ساب لينا الناس دى و مشه الله يرحمه
مش هوه اللى عين السادات نائب له
و هوه اللى عمل الاتحاد الاشتراكى اللى طلع كل الناس دى علينا
ده طبعا غير النكسة
و

Nikolay Gogol يقول...
أزال المؤلف هذا التعليق.
IBN BAHYA يقول...

Nikolay Gogol

أهلا بحضرتك .. شرفتني بالزيارة والتعليق ..

طبعا معك حق وسيكون معك حق أكثر إن قلت بأن السادات نفسه كان من اختيار عبدالناصر كما ذكر بعض قيادات الثورة فيما بعد السادات ..

طبعا عبدالناصر ليس ملاكاً ولا نبياً .. هو بشر مثلنا يصيب ويخطيء ولكن أخطاء عبدالناصر لم تصل إلى حد الخطيئة والخيانة .. عبدالناصر مات وجيبه وجيوب عائلته فارغة إلا مما تبقى من راتبه كأي موظف حكومي وشهد التاريخ أن بيته لم يكن فيه أكثر من 84 جنيه مصري ، عموماً هذا لا يعنيا فيما تفضلت بالسؤال عنه ولكني أذكره لتضع يدك على الفارق الصارخ بين عبدالناصر رحمه الله وبين الآخرين.

لقد كان لعبدالناصر أخطاء كما قلت لك وهو معذور فيها إلى حد ما لأنه كان يحارب الدنيا كلها ، حروب وخيانات وبلاوي في الداخل والخارج ، ناهيك عن استلامه لبلد مدمر وجيش كسيح بلا أي سلاح ولا عتاد وجيران يتعاونون مع العدو للخلاص منه ومن ثورته حفاظاً على ممالكهم وممتلكاتهم .

لو عدت إلى جذور ما صنعه عبدالناصر لوجدت أنه في معظمه يقترب من المثالية ولكن الفروع والتطبيق اللاحق كانت تتدخل فيه أصابع شيطانية ممن كانوا حوله آنذاك إن خيانة أو سوء تقدير أو مرضاً أو أي شيء من ذلك ، هذا لا ينفي عن عبدالناصر التهمة ولا يؤكدها أيضاً لأنه كما قلت لك كان يحارب الدنيا كلها من كان عدوه ومن بات عدوه ومن يتوقع أن يكون عدوه في القريب ..

وبرغم كل ذلك ما بناه عبدالناصر في عقد ونصف وفي زمن الحروب ونفقاتها ((تذكر أنه تسلم جيشاً كسيحاً)) لم يبن منه ذرة ذلك الواطي مبارك في زمن يسمونه هم بألسنتهم زمن السلم ، فلا حروب ولا عداوات ولا أي شيء .. أعتقد لا توجد مقارنة بين عبدالناصر وغيره لو كنا موضوعيين .

وأما تلك الأشكال والصور التي تراها لهؤلاء الأصفار فلا يعقل أن يسأل عنها ناصر بعد موته بما يقارب أربعين سنة .. الأب أحياناً يربي ويموت ويأتي أولاده بأفعال الشياطين وبخاصة لو امتزجوا مع الشياطين في المحافل الماسونية ((روتاري وليونز)) فما بالك بزعيم مات من سبعة وثلاثين سنة ؟ أعتقد اننا نظلم الرجل لو حسبنا تلك الحثالة عليه وعلى عهده . يكفي ناصر ما لاقاه من أعداء هذا البلد في الداخل والخارج .. هذا ما أعتقده وودت أن أنقله إليك سريعا ..

أرق تحياتي

شــهــروزة يقول...

العزيز ابن الغالية بهية

تعودنا من هذا النظام العاهر وحاشيته مثل تلك الألاعيب
لما واحد يتنيل ويعك ويهبل الدنيا على راسهم
يشيلوه من حتة
ويحطوه فى حتة تانية أحسن كمان من الأولى بس متدارية عم فلاشات الكاميرا
يلعب ويلغوص ويعك فيها زى ما هو عاوز بعيد عن العيون والمتلصصين والحائدين من ابناء الشعب ناكر الجميل
تقولش كلهم ماسكين على بعض ذلل بيهددوا بعض بيها لو اتقلشوا وخرجوا برة اللعبة يفضحوا بعض بيها زى ما صفوت الشريف ماسك عالكل الشرايط اياها؟؟؟؟؟؟؟

والأمثلة كتير جدا
كتيرون حصدوا لنا أصفار فى مراكزهم
وكانت النتيجة
تكريمهم
بل والأنقح من كدة
اختراع وزارات جديدة نوووفى
علشان يمسكوها ويفضل لقب وزير لازق فى أساميهم
زى حاجة عبيطة كدة اول مرة اسمع عنها
اسمها وزارة شئون مجلى الشعب والشورى
اخترعها مخصوص لصفوت الشريف لما حمض وعفن فى الاعلام وقلشوه منها
وحبوا يوروا الناس خلقه جديدة
وكمال الشاذلى مش فاكرة اخترعوله منصب أبصر ايه كدة
حتى يوسف والى النصاب الحرامى قتال القتلا
اخترعوا له منصب خفى فى قصر الرئاسة علشان ميحسش بالوحدة يا ولداه

وهاتك يا اصفار هاتك يا اصفار
لحد ما الواحد خايف مرة يقوم من النوم الصبح يلاقى حرارة الجو بقت تحت الصفر

متعرفش حد يعملنا عمل متين كدة يجيب دائهم الارض؟؟؟

تحياتى

ذو النون المصري يقول...

معاك في رايك عن ناصر لانه فعلا كان بيحارب الدنيا كلها لكن اعتقد انه كان لازم يفهم من البدايه قدرات جيشه الكسيح و ميخلش في معارك تفوق قدراته !!كان المفروض يحافظ عليه بعيد عن مثل هذه الصراعات الهائله حتي لا نقع في المحذور الذي وقعنا فيه !!لكنه علي اي حال ادي الواجب كما راي انه يحقق مصالحنا و كما قلت هو ليس ملاكا او نبي حتي لا يخطيء
....................
المعوق اللي اسمه مبارك الله يلعنه و يلعن سيرته هو و ابنه مش عارفين هو رايح بينا لفين بالظبط
انا نفسي افهم التركيبه النفسيه لامثاله هو و اعوانه
اتخلقوا ازاي؟؟؟؟؟؟

ibn nasser - ابن ناصر يقول...

هاهاها صفر الدين هلال فعلا والله اسم علي مسمي ,وبعدين الواحد استغرب وزي مانتا قولت ولا حتي صوت ولا ربع صوت!!!! مصر وصلت لحد فين دي ماوصلتش ومابقيش علي الخريطه غير اما واحد زي بوش يحب يفتح دليل الخونه في أخر الكتاب فيلاقي اسم مصر فيها ,وبعدين ازاي يسيبواراجا جاب الصفر طب هيعمل ايه بعد كده ,,لكن هو ده زمننا زمن تعذيب المصرين علي يد السودادنين-كنت فاكرها نكت-ووجود اصحلب الأصفار بيننا في الوزازارت والمناصب المرموقه ,,ويبدو ان شعار الحزب الوطني ( ان كل ما تفشل اكتر هنرقييك اكتر واكتر)..
والله يرحم عبد الناصر فعلا
تحياتي

IBN BAHYA يقول...

شــهــروزة
أهلا بالغالية بنت الغالية بهبه
كلامك كله صحيح يا شهروزه هو ده بالضبط ما يحدث اليوم في بلدنا الحبيب

الكل حرامية ولو جه بالصدفه شريف في وسطيهم بياكلوه فورا، ليه ؟

لأن الفساد يرعى الفاسدين ولا يطيق وجود شرفاء

فجميع لافاسدين يعرفون جيدا كيف يديرون بعضهم البعض ولا يسمحون لشريف بالتواجد بينهم مطلقا لأن رأسه ليس عليه بطحة ولن يخاف من فضح الفساد وهنا لابد من ضربه وإخراجه فورا من اللعبة والإبقاء فقط على الفاسدين

لعلك تذكرين أن كثيرا ممن نعرفهم من الشرفاء تم طردهم من أعمالهم وتطفيشهم بشتى الطرق ونستغرب من هذا في حينه إن كنا لا نعرف فلسفة الفساد

أما بخصوص العمل .. ربك يسهل لولاد بهيه ويعملوا العمل بإيديهم بإذن الله

قريبا سترين حركة أولاد بهيه التي سوف تهز ذلك الفساد هزا من جذوره .. أنا متفائل جدا هذه الأيام
ربك يسهل

أرق تحياتي

IBN BAHYA يقول...

معاك في رايك عن ناصر لانه فعلا كان بيحارب الدنيا كلها لكن اعتقد انه كان لازم يفهم من البدايه قدرات جيشه الكسيح و ميخلش في معارك تفوق قدراته !!كان المفروض يحافظ عليه بعيد عن مثل هذه الصراعات الهائله حتي لا نقع في المحذور الذي وقعنا فيه !!لكنه علي اي حال ادي الواجب كما راي انه يحقق مصالحنا و كما قلت هو ليس ملاكا او نبي حتي لا يخطيء
....................
المعوق اللي اسمه مبارك الله يلعنه و يلعن سيرته هو و ابنه مش عارفين هو رايح بينا لفين بالظبط
انا نفسي افهم التركيبه النفسيه لامثاله هو و اعوانه
اتخلقوا ازاي؟؟؟؟؟؟

ذو النون المصري

والله يا أخي الكريم لو أن لدينا اليوم ربع أو عشر ناصر لما وصلنا إلى ذلك الكرب نهائياً ، أيام ناصر كان هو وحده يحارب الدنيا وجيش كسيح كما قلت لك من ميراث المملكة المصرية التي ملأها الفساد تحت حكم فاروق والباشاوات الذي باعوا البلاد والجيش وسمسروا في أرواحهم بالأسلحة الفاسدة .. كما قلت فهو على كل حال أدى الواجب ولم يقصر .. أدى واجبه وفق قدراته وإمكانياته المتاحة له وهو يقف وحيدا .. عموماً بدأ التاريخ يعود اليوم إلى صوابه بعد أن بدأ يتحرر من سطوة الماسونية وعملائها ومنظريها في بلادنا برغم تكاثرهم في عهد مبارك الواطي .

أما ذلك المعوق مبارك الواطي فلا يمكن التكهن مطلقا في أي اتجاه سوف يأخذنا لأنه عميل واطي دنيء النفس سيأخذنا إلى حيث مصالحه ومصالح عائلته القذرة ومصالح عصاباته التي تحميه وتقتات معه على خير بلادنا نهبا وسلبا .. ولو تأملت سياسات مصر في عهد ذلك الواطي لوجدتها بلا أية ملامح نهائيا .. مجرد كلام فارغ وردود أفعال لامتصاص غضب الناس وتنويم الشعب وبس .. لا سياسة داخلية قادرة على فعل أي شيء إيجابي مطلقا ولا سياسة خارجية تراعي مصالح هذا البلد .. كل سياسات ذلك الواطي هي مجرد هجص في هجص أوصل مصر إلى الحضيض.

منذ متى نتحدث عن اضمحلال دور مصر إقليميا ودوليا في عهد ذلك الواطي ؟ أظن منذ سنوات .. وكم كنا نصرخ بأن مصر تتراجع تتراجع تتراجع إقليميا .. وكان يأتي الرد على ألسنة أبناء الأفاعي مكتبجيةو السلطة من أمثال مخبري روزاليوسف والصحف الحكومية الصفراء بأن مصر هي الأم متهمين إيانا أقسى الاتهامات ومشككين في وطنيتنا حتى .. فأين نحن الآن ؟ أين مصر ؟ ما دورها في المنطقة ؟ أين الأزهر الشريف أو الذي كان شريفا ومنيرا في شتى بقاع الأرض صانعا أعظم وأجل تمثيل ديبلوماسي لمصر .. يا أخي كنت تذهب إلى أقصى الأرض فتجد عشاقا لمصر في أدغال العند وأفريقيا حبا في الأزهر وولاء لمصر ودورها الدولي .. أين هذا اليوم ؟ ضاع .. أغلقت كل مكاتب ومكتبات ومنارات الأزهر في الدول الإريقية والآسيوية وتراجع دور مصر الثقافي وتأثيرها في الشعوب ، ومتى حدث هذا ؟ في عهد ذلك الواطي الملعون.

يا أخي والله لن تستطيع رصد مصائب ذلك الملعون الواطي القذر مبارك .. أعتقد أن الصهاينة لو أتوا إلينا بأبر أبنائهم لهم لن يتمكن من فعل ما فعله مبارك الواطي بمصر .. ألا لعنة الله عليه وعلى عائلته وعصاباته وكل عهده القذر.

تقبل تحياتي

IBN BAHYA يقول...

ibn nasser- ابن ناصر

أهلا بالغالي إبن الغالي ((كلمتين اتعلمتهم من بنت الغالية شهروزة))

ليتك تراجع ردي التعليق السابق .. أنظر كيف وأين أوصلنا مبارك الواطي .. أزال مصر من على الخارطة تقريبا .. مصر بكل ثقلها الإقليمي والدولي بقت حتة حارة سد معروضة للرهن والبيع وقاعد الواطي يسمسر فيها ويقبض هو وعصاباته .. خلاص لا دور إقليمي ولا دولي ولا يحزنون .. أنظر حولك .. ماذا ترى ؟ هل لمصر كلمة تذكر ؟ هذا ليس اليوم يا أخي .. لقد ب>ات تباشير ذلك العفن تفوح منذ العام 1990 حين كان الواطي يتجمل أمام الإعلام ويناشد صدام بالخروج من الكويت .. والنبي يا صدام تخرج .. سايق عليك محمد .. فاكرين ؟ الواطي كان بيقول كده أمام الإعلام عشان يوضح موقفه وهو لا يدري بسبب حموريته أنه يدمر في مصر وسمعتها وصورتها المهيبة .. طيب ليه ؟ لأنه مع الأسف يؤدي دور ساعي البريد فقط .. بيوصل رسائل من أسياده الأمريكان للعرب وحسب .. ده بقى دور مصر طوال الفترة الماضية ، ولذلك لفظها الجميع .. نحن نستغرب من إخو اننا العرب حين يضحكون من مصر ويتندرون أحيانا .. ونحن نعلم يقينا أنهم لا يتشفون ((على الأقل المخلصين منهم)) لأنهم يقولون هذا في حزن وأسى بالغين لما يرونه من ضياع مصر ودورها كأخت كبرى .. أين هي الأخت الكبرى ؟

لم يعد لمصر أي صوت لا مسموع ولا غير مسموع في كل العالم المحيط بنا .. الدنيا حولنا تغلي ومبارك الواطي مشفول بقلوظة الكرسي للجرو الصغنن لأنه يعلم بأنه إن لم يكن على الكرسي ستنهشه أنياب المصريين الجوعي ، فهو يريد أن يضعه على الكرسي قبل أن يغادر إلى مصيره في جهنم بإذن الله .. الكرسي هو الواقي الوحيد للجرو الصغنن وبغيره سيأكله الناس .. لذا انشغل الواطي بهذا عن أي شيء آخر في الفترة الحالية وما قبلها بسبع سنين تقريبا .. طيب وقبل كده ؟ قبل كده كان مشغول ببيع مصر للصهاينه وإخراجها من اللعبة بالكامل .. تأمل موقع مصر اليوم بين البلدان المحيطة ؟ أكاد أجزم وأقسم بأن إخواننا المناضلون في فلسطين ولبنان من حركات المقاومة ((لاحظ هم حركات فقط وليسوا دولا)) أجزم بأن لهم دورا إقليميا وصوتا أعلى من صوت مصر .. ولهم كلمة مسموعة أكثر من مصر .. راقب وسترى المصيبة التي صرخنا بها منذ سنين وجاء الرد المعروف .. مصر أكبر من أي شيء ومصر أعظم من ... وأقوى من .. ومصر ومصر والكلام الأهطل ده بتاع مكتبجية النظام الذين سيهربون مع أول مصيبة تحل بهذا الوطن لأن أموالهم خارجه .. طيب يار يت يا خويا مصر تبقى زي ما بيقولوا .. يا ريت .. هو احنا نكره ؟؟؟ بس بأمارة إيه ؟؟؟ با/ارة شغلتها الأخيرة وسمسرتها في فلسطين وتشغيلها شيال للصهاينة لتوصيل أسلحه لفتح عشان تضرب حماس ؟ هو ده دور مصر ؟ بأمارة أن الفصائل الفلسطينية اجتمعت في السعودية والتأم شملها ((بإذن الله)) ولم تفلح مصر في فعل هذا ؟؟؟ بالطبع لم يكن بمقدور مصر فعل أي شيء في تقريب حماس وفتح ، ليه ؟ لأن مصر مبارك باتت سمسار صهيوني بيتاجر بدم الشهداء الفلسطينيين والمصريين .. طيب مين يمشي ورا سمسار ؟ وبعدها يطلع علينا كلاب السلطه ينبحوا في الصحف ملعون أبو العرب والفلسطينيين وووو .. يا عم غوروا بقى موتوا .. ما خلاص الناس بقت واعيه .

ربك يعدلها ..
أرق تحياتي

Sharm يقول...

فوجئت بسعر الجاموسة الذي تجاوز الخمس مائة جنيه لان السعر ده حلم كل مواطن دلوقتى .. حلم مستحيل طبعا

ام خربان يوجد لها الكثير من الامثلة على الساحة العربية اليوم

و على الدين هلال مثال رائع للحكومة الذكية

واحد كل اللى عمله عشان المونديال

خلى مونير يغنى و معملوش حتى امن و منير انضرب و كان هيتقتل يوميها

و خلى الشباب تجمع توقيعات .. يا عن انت فاكرهم طالعين رحلة

و اخد واد صغير بيتكلم انجليزي و فرنساوي يقول انا حلمي يتعمل الكاس في مصر

الواد ده شكله هيطلع ابن اخته في الاخر


في حد في الدنيا ينظم مونديال بالطريقة الهبلة دي ؟؟

فين الطرق ؟
فين الملاعب ؟
فين المواصلات السلسة ؟
فين خدمة المعلومات ؟
فين المطارات الجاهزة ؟

تهريج + استهبال = صفر

بس والله اكتر حاجة عجبتنى هو الراجل المصري اللى كان من ضمن لجنة التحكيم مطلعش منافق و ادالنا صوته .. اعطى الصوت لمن يستحقه

لا و حمادة امام كان طالع قبلها بيومين على دريم بيقول يا جماعة هو احنا ضامنين صوت مصري في جيبنا و الاصوات التانية اكيد هتيجي

ضامنين ايه ؟ هي كوسة ؟ ما تصحوا بقى .. انتوا فاكرينها انتخابات مجلس شعب

Nikolay Gogol يقول...

سلام عليكم
بخصوص الدور المصرى على الساحة الكلمة اللى بقت بتيجى دايما فى اى مجلة او جورنال او تليفزيون اجنبى لما يتكلموا عن مصر
انها الدول العربية الاكثر اكتظاظا بالسكان
معدش غير كده .لا الدولة الاكبر و لا الأهم و لا اى شى غير الاكثر اكتظاظا بالسكان

و بالنسبة لعبد الناصر ممكن نتعلم للمستقبل من اللى حصل فى تجربته
ان مش لازم الرئيس او الزعيم هوه اللى يتصدى لوحده للمؤمرات و الفتن و اللى حواليه يبقوا بطاطة
لازم يبقى فيه انتخابات حرة من المحليات للنقابات لمجلس الشعب
علشان نبقى كلنا صف واحد بدل موضوع البطل الأوحد
صح؟

و تحياتى

أبو البنات يقول...

لعلك أدركت ببساطة أن صفر المونديال لم يكن ولن يكون آخر الأصفار في حياتنا الرياضية والسياسية والإقتصادية والإجتماعية وأخشى أن أقول العسكرية ... وتقبل خالص التحية

مذكرات حاحا مصر يقول...

السلام عليكم ورحمة الله وبركاته
اخي العزيز ابن بهية انا عارف ان تعليقي مش هيعجبك بخصوص موضوع هلال المونديال بلاش صفر الدين ...وبخصوص الثورة والزيعم جمال عبد الناصر وانور السادات
اولا بخصوص هلال المونديال انت تعرف ان هناك نفوس ضعيفة لا تستطيع المقاومة امام الاغراءت سواء الشهرة او منصب كبير او غير ذلك بالاستاذ هلال ربنا يسمحه كان من الدكاترة الافاضل واصحاب الافكار الجيدة وزروجته اجلال بهجت والتي يتنمي اي رجل شريف ان يعمل وعها او تحت رائستها وهي على ما اذكر صاحبة فكرة المكتبات العامة في مصر المسماه الان بمكتبات الرعاية المتكاملة
ومشروع مكتبة الاسرة والتي وضعت على الرف بسبب تفشي الفساد وذلك من خلال العمل معها سابقا في مركز معلومات رائسة الوزراء ولكن حدث شيء ما لا يوجد تفسير له فجاة اختفت هذه السيدة وظهر زوجها على الساحة الاعلامية ولكن بكل اسف بشكل يجلب العار ليس له فقط بل لكل من يعرفه
اما بخصوص الزيعم جمال عبد الناصر فقد تقلد الزعيم مصر واقتصادها كان في قمة مجده ولا تسمع لمن يقول ان الجيش كان كسيحا كما يردد البعض ...اقسم لك ان هذا الحوار وبعض الكتابات تؤكد ذلك.. ان حرب 1948 كانت هناك خيانات وليش خيانة الاسلحة الفاسدة حيث انسحبت الجيوش العربية ( العراقية بالذات في ذلك الوقت ...لانها اردات ان يكون الجيش المشترك تحت قيادتها وطبعا هذا ما رفضته مصر ولان نتحدث عن الملك فاروق لاننا حتي الان لم نسمع سوي ما كتب عن نزواته ومغمارته العاطفية وهو الوحيد الزي حرك جيشا للقضاء على دولة اسرائيل في بدايتها ولم يفعل احد من الزعماء العرب الاجلاء شيء مثل هذا حتي الان وانا لا ادافع عنه بل هو اخطاء كثيرا ولكن ماذا كانت نتيجة هذه الحرب ؟؟؟ القضاء عليه وقتله في فرنسا بالسم وطبعا الحركة ؟؟؟؟ ولكن طبعا لا نستطيع ان ننكر ما فعله عبد الناصر في بناء دولة صناعية وانشاء عدة مصانع استراتيجية مثل مصانع الاسمنت والحديد ولا ننسي بناء السد العالي وهناك العديد والعديد من حسنات الزعيم عبد الناصر وطبعا واحد مش صحابنا جيه وباع كل حاجة حتي البلد وانا وانتي واهالينا حتي تاريخنا ودمنا للقردة والخنازير مقابل حفنة من النقود ستذكرها التاريخ عبر العصور ولن تقبل ارض الله بجسده ان شاء الله عن قريب ان تحتضنه
وحاجة اخيره بخصوص صفوت الشريف واللي اتعمله وزارة علشان يلعب فيها
طبعا الكل عارف ان هناك وزارات مهمة لدي رئيس الدولة منها الدفاع والدخلية والاعلام للقمع بالاضافة لوزارة الخارجية وكلها وزارات في غاية الاهمية وتلعب دور كبير في ارساء قوانين اصحاب القرار ونرجع للاخ صفوت الشريف فهو من ساهم بشكل كبير فى وضع صاحبنا في الحكم فبعد مقتل السادات ومقولة جيهان السادات لمبارك واصحابه في المستشفي ... عملتوها ؟؟ اشبعوي بيها ... وطلبت جيهان من صفوت وزير الاعلام في ذلك الوقت ان تدلي بحديث في التليفزيون فخاف صاحبنا على المخطط الصهيوني وقال لمبارك الذي طلب وضح حراسة مشددة علي بيتها ومنع كل وسائل الاتصال بمنزلها حتي ركب صاحبنا كرسي الرئاسة وبعدين خرجت جيهان على امريكا وقعدت هناك ورجعت بعد ما لقت انها ممكن تاخد نصيب من الكعكة والغنيمة ولا ننسي اصول امها الانجليزية؟؟؟ ما سوزي كمان اصولها غربية اشمعني هي يعني
المهم حفظاً للجميل تم الحفاظ علي الوزارة لصفوت غير الشريف اكبر تاجر زئبق احمر وسلاح في مصر خلال فترة بالثمانيات والتسعينات
++ موقف حدث لي بخصوص صفوت ووزراته اهله
كنت بصيف مرة وشاء الظروف ان يكون المكان المجاور لي فيلا صفوته وقالي لي واحد من الحراس اثناء الحديث انه حفيده بيتصل بيه علشان مشفش الحلقة الاخيرة من المسلسل وقالوا خلاص يا حبيبي اعيدهالك بكرة وفعلا صدر هذا الخبر
نزولا لرغبات الجماهير تقرر اعادة الحلقة الاخيرة من المسلسل .... اليوم
ولا تعليق واسف على الاطالة

نور التميمي يقول...

يا راجل والله انا سعيد لاني مطلعتش انا بس البحب بهيه لان عشاق بهيه كتير ومع الاسف بهيه دلوقتي مش بتاعتنا ولكن احنا اهه موجودين لاسترجاع روح بهيه وادعوك يا اخى لاضافة موقعي ضمن مواقع بتحب بهيه وهذا موقعي العظماء
www.nourhetler2006.jeeran.com

غير معرف يقول...

الصفر اكثر من مناسب

لما تنزل من المطار وتشوف الشارع المصرى منظر حزين - السيارات اللى ماشية بقت خردة فى العالم كلة من 30 سنة والاسفلت مكسر ومعرج ولا يوجد علامات مرور ولا اشارات مرور -الموجودة منها من ايام صفية حلمى وسيد درويش وكلة ماشى ببركة الاولياء ودعاء الابوين
انتم بتحلموا باية مونديال علشان يبقى نصف المشاهدين فى الملعب امن مركزى بالعصيان ووجوهم المرسوم عليها الغباء هم وضباطهم وعايزين العالم كلة يتفرج عليهم ويجيلة اكتئاب ولسة بقى لما الاجانب ييجوا يتفرجوا وينتظرهم الاف الشحاتين والشحاتات وحسنة للة يا خواجة وربنا يخلى لكم بوش بس هات دولار العيال ما كالوش بقى لهم اسبوع
مونديال اية ياغجر وانتم مش عارفين تنضفوا نفسكم وجايبيين شركات نظافة من برة تلم زبالتكم وصفر الدين هلال اية اية وايش يكون دا رمز للاوباش اللى دمروا البلد سايبين الحمار وجايين تتشطروا على البردعة
البلد فى النزع الاخير وكلة بفضل الساسات الحكيمة لعبدة خرابة

واحد قرفان

إبن بهيه يقول...

sharm

سعر الجاموسه ده كان زمان يا من ييجي ألفين سنه كده .. دلوقتي خالتك ستوته اللي كانت بتشتكي من ضيق الحال وما حيلتهاش غير جاموستين تتعد من المليونيرات يا عمونا .. ما هو أصل مبارك الواطي حلف براس أبوه اللي ما حضرش جنازته لما مات ((على فكره دي مشهورة أوي عن مبارك الواطي في كفرهم هناك .. واطي كان بيستعر منه لأنه كاتب محكمة غلبان)) المهم الله يسامحه اللي خلفلنا القذارة دي اللي ممكن لوحدها تدخله جهنم والعياذ بالله .. الله يسامحه بقى

طبعا كلامك صحيح وعندنا في مصر آلاف من أمهات الخربان اللي نازلين يضربوا الرمل والودع ويقروا الفنجان ويفتحوا المندل كل يوم في الصحف والفضائيات .. يالا أهو كله أكل عيش .. شوطه تلمهم كلهم قادر يا كريم وأولهم مكتبجية أمن الدولة وأبواق النظام كذاك القذى علي الدين هلال وبعض المثقفين المنحرفين كرفعت السعيد المتنكر في صورة يساري وفاكر اليسارية إنه ياكل برجله الشمال .. يا رب يريحنا منهم كلهم ويستبدلهم لينا بناس محترمه متربية على اللقمة الحلال.

طبعا صفر المونديال ده كان واحد من ضمن مئات الأصفار في كل شيء وهو دليل صارخ على استهانة هؤلاء الحوش بهذا الوطن في كل الأمور حتى أضاعوه وأوصلوه إلى ذيل القطار بعد أن كان هو القاطرة لكل دول المنطقة العربية والإفريقية وربما الإسلامية أحياناً .. خلاص بح .. ما عادتش مصر قاطره لأي شيء .. دي بقت سبه يا جدع .. يادي النيله .. زمان برغم كرنب ديفيد بتاعة السادات واللي جابته لينا من بلاوي كنا بنلاقي كلام نرد بيه على إخوانا العرب لما يعاتبونا ولا يشتمونا .. تخيل دلوقتي ما تلاقيش مصري عارف يرفع عينه في عين أي مخلوق من اللي وصل مصر ليه ذلك الواطي .. مصر بجلالة قدرها بقت مجرد سمسار وقواد في المنطقة لأمريكا وإسرائيل .. تصورا المصيبة ؟

يالا بقى ربك ينجي مصر قريبا بإذنه تعالى

أرق تحياتي

إبن بهيه يقول...

nikolay gogol

صح كلامك والله .. لسه كنت باتكلم في التعليق اللي فات عن كده .. ضاعت مصر يا ولداه .. كتر خير الدنيا .. ربع قرن وزياده من العمالة والخيانة والسمسرة في كل شيء وعايز لسه يفضل ليها أي دور ؟؟؟ منين طيب ؟ أنا شايف الناس زعلت لما تم اتفاق مكه بين حماس وفتح ؟؟؟ طيب زعلانين ليه ؟ كنتم مستنين إيه بعد ما حسني الواطي يشغل مصر شيال أسلحه لإسرائيل ولمين ؟ لفتح .. عشان إيه ؟ عشان يشعللها والفلسطينيين يذبحوا بعض .. والنبي ده اسمه كلام ؟ طيب أي دور ممكن تلعبه مصر بقى غير شغل السمسرة والشغل شيال عند الصهاينه ؟؟؟ ده للأسف دور مصر حالياً..

من كام سنه لما كنا بنقابل إخوانا العرب بره وكانوا بيقولوا عبارة بتضايقنا عن حسني الواطي .. ما كناش بنتضايق عشان بنحبه ولكن عشان كنا بنعتبره إسقاط منهم على مصر ونزعل .. كانوا بيقولوا لما الريس بتاعكم بيزور أي بلد عربي بنعرف إنه شايل رساله من أمريكا وإنه وراه مصيبه .. مع الأسف كلامهم صح خالص وكان فعلا بيحصل كده .. زي بالظبط ما قال عنه الدكتور عبدالحليم قنديل أنه عار على مصر وأنه لم يعرف قدرها .. هذا صحيح جدا .. مبارك واطي وذو نفس دنيئة وواطية ولم يكن له أن يحكم بلدا بحجم مصر التي لا يقدر على معرفة قدرها عديم القدر هذا .. آخره كان يبقى غفيرفي ورشة دوكو ولا قرني على ماخور وسمسار أعراض زي اللي بنسمع عنهم دول الشغلانه دي تناسبه تماما .. لكن رئيس دوله ؟ وبحجم مصر ؟ دي كارثه الكوارث التي تم التخطيط لها بدقة بيرة جدا كي تذوب مصر وتضيع .. ياه كان هنا دوله من كام سنه .. دابت زي الأيس كريم لما يدوب ويسيح ويعفن ويبقى طعمه وحش .. والله مش عارف أقولك إيه .. بس الواحد مقهور مما حدث لمصر الله يقهره هو وعائلته الواطيه وعصاباته .

أرق تحياتي

إبن بهيه يقول...

أبو البنات

ياه يا عمنا .. دي كلها أصفار .. ويا خوفي زيك ليكون صفر عسكريا برضه .. مع الأسف واضح كده .. لأن الجيش لو فيه حنس راجل ما كانش سكت لغاية دلوقتي على الواطي ده .. وهو الجيش لازمته إيه بس ؟؟؟ لكن الواطي قدر يوطي نفوس ضباط الجيش عشان يبقوا في مستوى واحد من الوطو ويشاركوه النهب والسلب زي ما حضرتك وكلنا شايفين الأراضي والعمارات والعزب والفدادين والشاليهات اللي بيلهفها كبار الضباط بتوع الجيش وبطلوا العسكرية واشتغلوا مهلباتيه وسمساره زي ما حضرتك شايف .. يالا نعمل إيه ؟ الأمل في الله ثم في صغار الضباط الغلابه زينا .. هم دول اللي ممكن يتحركوا ويحررا والبلد ده قريب إن شاء الله .

أرق تحياتي

إبن بهيه يقول...

مذكرات حاحا المصري

ليه بتقول تعليقك مش هيعجبني ؟ هو إحنا لازم نكون نسخه من بعض يا إما بلاش ؟ نتخانق ؟ لأ طبعا يعجبني ونص وتلات تربع كمان ولو مش عاجبني أشرب م البحر .. ما احنا بنشرب على طول جات بينا احنا يعني وما نطيقش بعض ؟
لأ يا سيدي تعليقك هيعجبني قبل ما أقراه .. ممكن بقى أقرأ التعليق عشان أرد عليه ؟ لحظه بقى:
آديني قرأت يا سيدي .. كلامك جميل موزون وزي الفل .. ممكن نختلف في حته اتنين لكن إيه المشكله ؟ هتفضل برضه إبن بهيه البار الحبيب .. بس اسمع مني بقى كلمتين صغيرين ..

طبعا موضوع صفر الدين هلال ده باعتذر عنه لحضرتك لو مش عاجبك نزولا على رغبتك كأخ كريم أحرص على محبته مع عدم الوعد مني باستخدامه مستقبلا حتى لا تغضب مني لو وجدتني أستخدمه لاحقا.. وأما موضوع زوجته السيدة المحترمه فهذه الأمور لا أعلم عنها شيء وإن علمت فهو لا يعنيني إلا إذا كان لها دور ما فيما نعانيه من مصائب .. وكما تفضلت هناك أسرار في الموضوع .. يالا إحنا لينا الظاهر وبس وما في الصدور فهو لمن خلق الصدور .. حتى يظهره لنا الله .. صح يا عم ؟

أما موضوع الجيش المصري والاقتصاد المصري الذي تفضلت بالقول أنه كان عظيما حين تسلم عبدالناصر السلطة .. اسمح لي أختلف معك في هذا .. الدنيا كانت خربانه والجيش كان فعلا مكسح بدليل أن إسرائيل ضربته في غزه وبهدلته وما قدرش يرد بطلقه واحده ومات في الغارة دي على ما أتذكر عدد كبير من الضباط كان فيهم أصدقاء شخصيين وزملاء لعبدالناصر من دفعته .. وحكاية الخيانه من الجيوش العربية دي أمر واقع على دماغنا من زمان .. ما اختلفناش فيها دي لأن عبدالناصر كما قلت لك كان يحاربه الجميع من الذين يخشون على عروشهم وكراسيهم .

أما الملك فاروق فلا أجادلك فيما قلت لأنني أعترف بعدم قدرتي على تحديد موقف واضح من ذلك وللأسف لم تظهر لنا الأيام أي شيء يذكر من تلك الفترة باستثناء المذكرات الشخصية التي يبريء كل واحد فيها نفسه وكأنه ملاك بين الشياطين .. أنا معك إلى حد ما في هذا ..

أما صفوت غير الشريف نوهائيا فأمره معروف طبعاً .. ده راجل طول عمره بيتقن شغلانة الـ .. البتاع دي اللي .... انته عارفها زيي بلاش نضايق الناس بكلام وحش .. المهم ده أمره مفروغ منه .

كلاك عما قالته جيهان السادات يؤكد ما ذكرناه سابقا في مواضيع أخرى من أن مبارك الواطي كان متواطئا في اغتيال السادات والدليل الأكبر على ذلك هو مستندات التحقيق نفسها وتبرئة المحكمة لأحد الضباط واعتباره شاهد ملك برغم نه هو من أتى بإبر البنادق لخالد الاسلامبولي ورفاقه وذكر الضابط أنه أبلغ القيادة عن طلب خالد الاسلامبولي هذه الإبر والقيادة قالت له سايرهم .. قال إيه سايرهم عشان نقبض عليهم متلبسين .. والنبي ده كلام يدخل دماغ عيل ؟؟؟ الكلام ده موجود في محاضر التحقيق وموثق مش كلام وبس كده .. وده اللي سجن طلعت السادات مش إهانة الجيش زي ما قالوا .. فيه عملية اغتيال لرئيس دولة يقولوا خلينا نقبض عليهم متلبسين برضه ؟؟؟ مش دي مسخره والنبي ؟ طبعا أنا مش قصدي الدفاع هنا عن السادات ، إطلاقا ولكن الحق أحق أن يتبع ويذكر ولا ينكر .. صح ولا لأ ؟

أما حكاية المصيف فهو أمر طبيعي فيما يعرف بعزبة مصر .. دي حاجه أقل من عادية في العزب والنجوع اللي زي مصر كده ..

أرق تحياتي

إبن بهيه يقول...

مذكرات حاحا المصري

ليه بتقول تعليقك مش هيعجبني ؟ هو إحنا لازم نكون نسخه من بعض يا إما بلاش ؟ نتخانق ؟ لأ طبعا يعجبني ونص وتلات تربع كمان ولو مش عاجبني أشرب م البحر .. ما احنا بنشرب على طول جات بينا احنا يعني وما نطيقش بعض ؟
لأ يا سيدي تعليقك هيعجبني قبل ما أقراه .. ممكن بقى أقرأ التعليق عشان أرد عليه ؟ لحظه بقى:
آديني قرأت يا سيدي .. كلامك جميل موزون وزي الفل .. ممكن نختلف في حته اتنين لكن إيه المشكله ؟ هتفضل برضه إبن بهيه البار الحبيب .. بس اسمع مني بقى كلمتين صغيرين ..

طبعا موضوع صفر الدين هلال ده باعتذر عنه لحضرتك لو مش عاجبك نزولا على رغبتك كأخ كريم أحرص على محبته مع عدم الوعد مني باستخدامه مستقبلا حتى لا تغضب مني لو وجدتني أستخدمه لاحقا.. وأما موضوع زوجته السيدة المحترمه فهذه الأمور لا أعلم عنها شيء وإن علمت فهو لا يعنيني إلا إذا كان لها دور ما فيما نعانيه من مصائب .. وكما تفضلت هناك أسرار في الموضوع .. يالا إحنا لينا الظاهر وبس وما في الصدور فهو لمن خلق الصدور .. حتى يظهره لنا الله .. صح يا عم ؟

أما موضوع الجيش المصري والاقتصاد المصري الذي تفضلت بالقول أنه كان عظيما حين تسلم عبدالناصر السلطة .. اسمح لي أختلف معك في هذا .. الدنيا كانت خربانه والجيش كان فعلا مكسح بدليل أن إسرائيل ضربته في غزه وبهدلته وما قدرش يرد بطلقه واحده ومات في الغارة دي على ما أتذكر عدد كبير من الضباط كان فيهم أصدقاء شخصيين وزملاء لعبدالناصر من دفعته .. وحكاية الخيانه من الجيوش العربية دي أمر واقع على دماغنا من زمان .. ما اختلفناش فيها دي لأن عبدالناصر كما قلت لك كان يحاربه الجميع من الذين يخشون على عروشهم وكراسيهم .

أما الملك فاروق فلا أجادلك فيما قلت لأنني أعترف بعدم قدرتي على تحديد موقف واضح من ذلك وللأسف لم تظهر لنا الأيام أي شيء يذكر من تلك الفترة باستثناء المذكرات الشخصية التي يبريء كل واحد فيها نفسه وكأنه ملاك بين الشياطين .. أنا معك إلى حد ما في هذا ..

أما صفوت غير الشريف نوهائيا فأمره معروف طبعاً .. ده راجل طول عمره بيتقن شغلانة الـ .. البتاع دي اللي .... انته عارفها زيي بلاش نضايق الناس بكلام وحش .. المهم ده أمره مفروغ منه .

كلاك عما قالته جيهان السادات يؤكد ما ذكرناه سابقا في مواضيع أخرى من أن مبارك الواطي كان متواطئا في اغتيال السادات والدليل الأكبر على ذلك هو مستندات التحقيق نفسها وتبرئة المحكمة لأحد الضباط واعتباره شاهد ملك برغم نه هو من أتى بإبر البنادق لخالد الاسلامبولي ورفاقه وذكر الضابط أنه أبلغ القيادة عن طلب خالد الاسلامبولي هذه الإبر والقيادة قالت له سايرهم .. قال إيه سايرهم عشان نقبض عليهم متلبسين .. والنبي ده كلام يدخل دماغ عيل ؟؟؟ الكلام ده موجود في محاضر التحقيق وموثق مش كلام وبس كده .. وده اللي سجن طلعت السادات مش إهانة الجيش زي ما قالوا .. فيه عملية اغتيال لرئيس دولة يقولوا خلينا نقبض عليهم متلبسين برضه ؟؟؟ مش دي مسخره والنبي ؟ طبعا أنا مش قصدي الدفاع هنا عن السادات ، إطلاقا ولكن الحق أحق أن يتبع ويذكر ولا ينكر .. صح ولا لأ ؟

أما حكاية المصيف فهو أمر طبيعي فيما يعرف بعزبة مصر .. دي حاجه أقل من عادية في العزب والنجوع اللي زي مصر كده ..

أرق تحياتي

إبن بهيه يقول...

نور التميمي

أهلا يا أخ نور .. تشرفنا بوجودك معنا وسأضع الرابط بإذن الله تعالى .. على فكره عشاق بهيه بالملايين ماليين الدنيا كلها .. بس نايمين شويه الأيام دي .. يالا بقى هانت والفجر قرب .. نشوفك الصبح بإذن الله ..

أرق تحياتي

إبن بهيــــــــــــــــة يقول...

واحد قرفان

حلمك علينا يا عم .. حضرتك قرفان من مين بالضبط ؟ ما أعتقدش إنك قرفان مننا إحنا .. لأننا شركاء في القرف زيك بالضبط .. هدي أعصابك .. كلامك كله صح ما حدش يقدر يعارضك فيه .. لكن واضح أن حضرتك لم تقرأ الموضوع جيداً .. أنا لا أنا عايز مونديال ولا يحزنون .. مونيال إيه بس يا عم في الغم والهم الي إحنا فيه ده ؟؟؟

أنا كل قصدي الصفر ده اللي عامل روحه أبو العلم والمعلمين ومسلطينه علينا بتوع لجنة وكوسات الموكوس إبن المتعوس الواطي عشان يسم بدنا في كل وسائل الإعلام والندوات والمؤتمرات .. شغال عك وبهدله وكذب وتزييف وتزوير وتعرص ومسح جوخ للجرو الصغنن جيمي إبن الكلب الكبير الواطي .. ده اللي أقصده ، مش إننا عايزين مونديال وبطيخ .. لما ناكل عيش الأول .. عارفينها والله .. ودمتم

أرق تحياتي

رئيس تحرير يقول...

الاخ العزيز ابن بهية قد يكون تعليقى صدمة لكم ولاخوانى ولكن اصر ان اقوله بالنسبة للصفر فهو امر طبيعى فى ظل ظروفنا الحاضرة و المستقبلية ولكن اخى ما الفائدة والتوريث يسير بخطى ثابتة فى طريق لا يعرف الرجعة وجائتنى معلومات من مصادر عليا وخلى بالك من كلمة عليا دى انه فى القريب سوف يتم حل الوزارة ليصبح السيد جمال رئيسا للوزارة حتى يتم قبوله عمليا كواحد من رجال القيادة الشعبية والسياسية فى مصر
اخى خلاص زمن الكلام والمعارضة انتهى بقى حل واحد وهو حل مستحيل ولن يحدث لقد فقد المصريين هويتم نتيجة ل30 عاما من القهر والظلم واصبح الاعتقال وانتهاك العرض كابوس مزعج لاى مناضل يحلم باتلحرية او التحرير بل اصبح رجال الحكم وكأنهم يعيشون فى عزبتهم الخاصة والشعب كله من العبيد
فهل يوجد سبارتكوس
مصرى يحرر العبيد هل اصبح 70 مليون مصرى لا يوجد به قائد ملهم او ثورى محنك يلتف جموع الناس حوله
مع الاسف هانت علينا انفسنا فهنا على حاكمينا اللهم ارفع مقتك وغضبك عنا اللهم ارفع مقتك وغضبك عنا غفرانك ربنا واليك المصير
رئيس تحرير

غير معرف يقول...

السلام عليكم وعلى مصر الكنانه مصر الأسلام والعروبه مصر الكرم والشهامه انا اخوكم من الأردن افرح جدا عندما ارى مثل هذه المواقع ويكبر في الأمل بان هناك ما زال بصيص بعض شعاع نور في نهاية النفق وبان شباب هذه الامه ما زال بهم جدعان ادعو الله ان يخلص مصر مما هي فيه لنخلص نحن ايضا لأنه لا قيام ولا نهوض لأمتنا الا بقيام ونهوض مصر

إبن بهيــــــــــــــــــــــــــــه يقول...

أخي الكريم

رئيس التحرير

هون عليك يا رجل .. سيبدل الله الحال عما قريب إلى الأفضل بإذنه تعالى .. ناقصنا بس شوية عزيمه وهمه وإخلاص وركز شويه على الإخلاص دي لأن هي اللي فيها العله والله .. لو أن الجميع أو أغلبهم أخلص لهذا البلد كما ينبغي لتمكنا من فعل الكثير والكثير جدا .. صدقني نحن ينقصنا الإخلاص فقط .. لو أخلص هؤلاء الناهقون ليل نهار في سب الإخوان وتوحدوا معهم لمواجهة ذلك الشيطان العجوز لتحررنا فوراً .. لو أخلص الناس وتخلوا عن الحقد والحسد للإخوان لفعلنا الكثير والكثير جدا والله .. لماذا الإخوان ؟ لأنهم كما ترى أكبر قوة معارضة في مصر .. لكنهم وحدهم لا يستطيعون .. لو تحركوا وحدهم كما يطالب الجميع وأنا منهم أحيانا حين أغضب سينتحرون ، وهذا مع الأسف ما يرجوه النظام القذر وبعض المعارضين الأرزقية اللي واخدين السياسة كل عيش .. عايزين بس الإخلاص والناس يكون قلبها على البلد بجد مش كلام وتتحد قوى الشعب في مواجهة ذلك الشيطان وعصاباته وكل شياطينه .. يالا ربك يعدلها قريب خالص بإذنه تعالى ..

كنت أحدث أخانا العزيز فارس منذ لحظات وقلت له أنني مثله أنتظر ضابط الجيش الصغير الهمام اللي هيدخل بدبابته علىقصر العروبة أو شرم الشيخ ويبعت زميله للإذاعه والتليفزيون عشان يذيع بيان اعتقال مبارك وعائلته وعصاباته والإعلان عن تشكيل لجنة وطنية لصياغة الدستور الجديد المعبر عن المصريين والإعلان عن موعد انتخابات حرة ونزيهة لانتخاب مجلس شعب حقيقي بدون تزوير والإعلان عن موعد لانتخاب رئيس جمهورية من بين مرشحين وطنيين حقيقيين من ولاد بهيه مش منظر يسد ركن في الصورة زي اللي جابهم المتعوس قبل كده من عينة أبو طربوش.

فرجه قريب ..

أرق تحياتي

إبن بهيـــــــــــــــــــــــه يقول...

أخي الكريم الشقيق من الأردن

Anonymous

أشكرك كثيرا على زيارتك وتعليقك .. وألف شكر على كلامك الطيب عن بهيه وولاد بهيه .. بلدك برضه وانته معانا إبن من عيال بهيه الطيبين الغلابه .. والله كلامك منطقي وموضوعي وهو اللي هيكون بإذن الله قريبا ..

تعرف ماذا كسب الصهاينة من كرمب ديفيد اللي عملوها مع السادات ؟ كلنا عارفين الصهاينه ما يطلعوش من أي حته ولا أرض احتلوها غير بالدم .. طيب ليه سابوا سينا ؟ مكسبهم الوحيد هو تحييد مصر عن أمتها العربية والإسلامية .. عزل مصر .. فصل القاطرة عن القطار الذي سوف يسير مسافة قليلة ويتوقف بعد أن يتخبط قليلا .. والقاطرة ضلت طريقها وخرجت عن القضيب بعد أن وضعوا خلف مقودها أحد أعوانهم .. مبارك الواطي الذي قادها إلى المنحدرات وراحت تنزل وتنحدر وتهوي حتى قاربت القاع ..

صدقت يا أخي فمصر على مر التاريخ كانت القاطرة .. لا نقول هذا من قبيل العاطفة لأننا مصريون ولكنها حقائق التاريخ كما تعلم .. إخوانك ولاد بهيه في القطر المصري يعدونك بأنهم سينهضون عما قريب .. بإذن الله قريبا جدا سينهضون ويعود للقاطرة قائدها المصري الأصيل الذي يعيدها إلى القضيب وتأخذ طريقها الصحيح ومن ورائها كل أشقائها العرب والمسلمين .. قريبا جدا سيأتي هذا اليوم .. إنني متفائل إلى حد كبير .. أرجوك انتظر القاطرة عند أبواب القدس لنصلي سوياً في قدسنا الغالي.

أكرر شكري وتقديري لزيارتك وتعليقك

أرق تحياتي

مذكرات حاحا مصر يقول...
أزال المؤلف هذا التعليق.
مذكرات حاحا مصر يقول...

اخي العزيز ابن بهية
شاكر جدا لتعليق الراقي اما بخصوص صفر المونديال اعلم انك لم تلاحظ هذا ..صفر الدين ... بس علشان كلمة الدين فهناك عز الدين وشرف الدين وليس هناك صفر الدين بس هو دهه قصدي
وبخصوص تعليقلك على الاخ الفاضل من الاردن فانشاء الله سنصلي هناك جماعة باذن الله وان لم نستطع فلتكن الشهادة علي ابوابه شرف اتمني الحصول عليه
وليسامحنا الله لاننا كثير ما نغفل عما يحدث فيه وباهله
وياريت اشوف تعليقك في موضوعي الجديد ...نظرية القفا؟؟؟ في بلوجي

fares يقول...

مانتا فاهم بابن بهيه النظام الفاسد موجود دايما في الزمن ده وهيفضل موجود طول ما فيش حد بيتكلم اهنيك علي البوست الجميل ده وانا من اشد المعجبين بيك

إبن بهيــــــــــــــــــــــــــــه يقول...

أخي الكريم

مذكرات حاحا مصر

ألف شكر على كلامك الطيب وهذه الأخلاق الكريمة منك .. بيد أنني أفهم منذ البداية قصدك من عدم الموافقة على اسم صفر الدين .. كلامك صحيح وأشكرك على هذه الغيرة على دين الله ، لكني يا أخي الكريم قصدت في الأساس ربط الصفر بذاك الشخص من ناحية ومن ناحية أخرى تبيان أنه صفر من الدين ، أي أن نصيبه من الدين صفر ، هذا ما قصدته ولم أقصد مطلقا الإساءة للدين .. حاشا لله .. وليسامحني سبحانه إن أخطأت في هذا .. وأشكرك كثيراً على النصيحة في دين الله.

أما بقية قولك حول القدس .. يا رب .. أتمنى مثلك أن يحقق الله لنا جميعاً كل هذه الأماني .. وإن لم تتحقق لنا في حياتنا فلا أقل من أن نعد أبنائنا وأحفادنا لهذا اليوم .. أعلم كثيراً من أصدقائي يرضعون أبنائهم هذه المفاهيم حول القدس وضرورة عودة فلسطين لنا .. ذات مرة كنت في بيت أحد الأصدقاء نشاهد قناة الجزيرة التي تعرض مشاهد أطفال فلسطينيين قتلى وجرحى في مصادمات عادية يومية ، ورأيت إبناه الصغيرين يسألانه كل لحظة من هؤلاء يا بابا ؟ وتركني تماما وتفرغ للشرح لهم .. هذا يا بابا أخوك .. طفل فلسطيني مثلك قتله الصهاينة .. وهذا وهذا .. وذاك .. وهذا جندي صهيوني الذي يضرب أمك .. الطفلان سألا عدة مرات كيف هو أخي وكيف هذه أمي ؟ والأب المصري الأصيل إبن بهيه بجد بيحفظ العيال .. يا حبيبي ده زي أخوك ..و دي زي أمك .. دول مننا عرب ومسلمين بيقتلوهم الصهاينة ويأخذوا أرضهم وبيوتهم ..

ما رأيك ؟ وما رأي أخانا من الأردن في هذا ؟

هل يمكن أن تضيع القدس أو فلسطين ؟ والله لن يكون .. والله لن يكون والله لن يكون .. ربما ضاعت فلسطين لعدة سنوات .. مضى على ضياعها خمسين ستين سنة .. وماذا يكون هذا الرقم في تاريخ الأمم ؟ لا شيء ... فلسطين عائدة لا محالة ولا جدال عندي ولا عند أي عاقل في هذا .. والله والله والله ستعود فلسطين إن عاجلا أو آجلا .. اطمئنوا خالص .. فقط اشرحوا نشرة الأخبار لأبنائكم ..

أرق تحياتي

إبن بهيــــــــــــــــــــــــــــه يقول...

fares

إيه يا عم الكلام ده ؟ الله يكرمك ويجبر بخاطرك .. أنا والله أحبك أيضاً وأحب أن أراك وأقرأ ما تكتب دائماً .. ألف شكر على الزيارة وكلامك الطيب ... كلامك كله صحيح .. الفساد يقتات على بعضه .. لن تجد شريفا بين الفاسدين .. هذا محال .. أمر طبيعي أن تمتليء البلد بالفاسدين .. هذا لا جدال فيه لأن مبارك الواطي فاسد وفاسد جدا .. فمن أين يأتي الشرفاء ؟ تصور لو أن شريفا وجد وسطهم ؟ سيلتهمونه بكل تأكيد .. وسيخرج من بينهم بمصيبة لأنهم لا يقبلون بينهم غير فاسدين وكلهم يمسك في يديه نقاط ضعف وجرائم على الآخر .. يعني كله ماس ذلة على كله عشان كده كله متربط في بعضه .. شفت ازاي إحنا في محنه كبيره بسبب ذلك الحقير الواطي مبارك رأس الفساد ..

أرق تحياتي

صاحب البوابــة يقول...
أزال المؤلف هذا التعليق.
صاحب البوابــة يقول...

ان المجتمع الفاسد يصنع قادة فاسدين

والقادة الفاسدين بدورهم يصنعون مجتمعات افسد

إبن بهيه يقول...

الأخ الكريم

صاحب البوابة


كلامك معقول جدا

ربنا يصلح المجتمع ليأتي منه حاكم صالح وحكومة صالحة بدل تلك الفاسدة الواطية برئاسة الواطي مبارك


أرق تحياتي

ibn nasser - ابن ناصر يقول...

علي فكره يا ابن بهيه عشان تعرف انك بتتبلي علي البلد اهي مصر اخذت موقف رهيب من حكاية صفر المونديال عارف عملوا ايه جابوا كل المسؤلين عن الحكايه-لكن طبعا صفر الدين هلال مش منهم- وعملوا حاجه رهيبه خصموا من مرتبهم هههه ,,انا مش عارف بضحك ولا أعيط .
تحياتي يا عزيزي

micheal يقول...

الصديق الغالي العزيز ابن بهيه
كالعادم لا أجد من الكلمات الكافيه للثناء علي كتاباتك التي ينتظرها الجميع علي احر من الجمر....أنا مش حقدر اضيف أي حاجه من عندي بس حسألك شفت بعد الفضيحه دي -و الشحططه أكتر من سنتين علشان المسئولين عن الفضيحه ينالوا جزاؤهم العادل-العقوبات جات عامله ازاي..دي لوحدها بصراحه تحتاج بوست تاني
تحياتي لك

IBN BAHYA يقول...

إخواني الأحباب


ibn nasser- ابن ناصر

شفت بقى .. عشان ما تصدقش أي كلام وخلاص

أرق تحياتي

IBN BAHYA يقول...

micheal

يا عم الله يجبر بخاطرك .. انته دايما كده كاسفني بذوقك وكرم أخلاقك .. الله يخليك .. عموما ده سلو بلدنا .. ليه ؟ عشان كلهم كلاب في قلب بعضيهم وكلهم ماسكين مماسك وورق وبلاوي على بعض

يعني كله فساد في فساد

ده وضع طبيعي

وده اللي يحتم علينا القضاء نهائيا على نظام مبارك الواطي بداية برأس الشيطان العجوز مبارك وانهاء بالوله صنقر عضو المجلس القروي في كفر البطيخ

وده لازمه ثوره أو حركة ميمونة من صغار ضباط الجيش بتاعنا

غير كده ما ينفعش خالص
صدقني


أرق تحياتي

smraa alnil يقول...

السلام عليكم
يا جدعان انا مش عارفة انتو مستغربين لايه
ما الحال دة من يجي تلات قرون كدة ايه اللي اتغير
مبارك زمان هو الواطي دلوقتي
يمكن التغير يجي في كلمة واطي ... يمكن
وسعر الجاموسة دلوقتي يضرب الرقم الفلكي دة بمراحل دلوقتي

وام خربان يووووووووووووو بقت اكتر من الهم علي القلب
ودة بقي كمان في ابو خربان
عشان يشارك ام خربان في كل شئ

وبالنسبة للمونديال
فحدث ولا حرج
هي جت علي دي شوف اصلا الرياضة عاملة ازاي في بلدني
ااااااااااااااااااااااااه
جيت علي الوجيعه ودوست اوي
لينا رب يا مصر

IBN BAHYA يقول...

smraa alnil

ألف شكر على الزيارة والتعليق وكلامك الموزون زي كل بنات وولاد بهيه الجدعان اللي بينتظروا ساعة الخلاص .. هانت .. فات الكتير وما عاد غير الميعاد على رأي عمنا الفاجومي

قريبا بإذن الله سيزول ذلك الواطي وعصاباته نهائيا

والله قريبا جدا

أصلها هي كده مش عايزه حيابات ولا ضرب وطرح .. غيرش إحنا بس مستعجلين من قرفنا وزهقنا من الواطي ده

طبعا لينا حق نستعجل لأننا جبنا جاز وزفت خلاص من زمان .. ربنا يصبرنا الكام يوم أو أسبوع أو شهر اللي جايين

أرق تحياتي

غير معرف يقول...

سليمان باشا غانم العمدة
يا شوية جعرات انا شايف كدة تلميحات من بعضكم عن السيد جمال مبارك ابن سيدنا ال اية مين هو دة وكلام ماسخ ال عملو لية وظيفة اسمها لجنة السياسات ولانة ابن الرئيس دايما صورة واخبارة ف الاعلام سابقة الكبار ... امال اية يا صايع منك لة انت عاوزين ابن سيدنا يباة واحد عادى وهو اللى تجرع الحكمة والعظمة والاهام واطلاق التحذيرات من بيت سيدنا بيت الرئاسة هىء هىء هىء طب اسالو اخوانا مومتاااذ القووط بتاع اخبار اليوم و اسامة سرايا و عبدالله كمالى بتاع روز اليوسف كدة واتعلموا منهم يا بقر ياكش فاكرين ان المظاهرات اللى موضبينها هتخوف سيدنا وابن سيدنا هىء هىء هىء دا احنا عندنا امن مركزى بالملاين يا بقر يعجنكم يا شوية هجايص فنجرية بق هىء هىء هىء ال تداول سلطة ال

غير معرف يقول...

سليمان باشا غانم العمدة
اية ياد يا ابن بهية من كام يوم كدة مانتش باين وشايفك ما رديت على كلامى علشان اخدك ونقابل الاخ صفوت الشريف علشان تمسك مجلة ولا جرنال .... يعنى يا جعر انت مش عجبك العرض دة هىء هىء هىء طب انا جاى ايوم السبت 24 مارس مخصوص علشان افرجك اخبااااار اليوووم هىء هىء هىء بتاعة الاخ مومتاااااااااذ القوط شايف الصورة الحلوة اللى راسمها الاخ عمرو فهمى فيها سيدنا كدة شباب وحلاوة ووسامة ولا جعر زيك ف ال 30 من عمرة وراسم الاخ صفوت الشريف شباب ووسامة وجمال اى والله بسم الله ما شاء الله هىء هىء هىء ناس عارفة مصلحتها ان كانت عند سيدنا او عند الاخ صفوت .... اعقل وتعالى يا ابن بهية نقابل الاخ صفوت لجل تمسك مجلة ولاجرنال وان كنت خايف ما تعرف تعمل زيهم هىء هىء هىء هقعدك مع الاخوة موممممممممتاذ القوط واوسامة سارايا وعبداللة كمال بتاع روز اليوسف وابراهيم نافع وسيبك من العيال دول ال تداول سلطة ال جاااااااااى يا متر شفيق

غير معرف يقول...

سليمان باشا غانم العمدة
يا ابن بهية تعال انا عاوزك ضرورى اى والله طالما انت باذن الله هتمسك مجلة ولا جرنال من بتوعنا بمعاونة الاخ صفوت الشريف وهتتعلم من هىء هىء هىء السيد عبدالله كمال بتاع روز اليوسف وموووومتاذ القووط بتاع اخبار اليوم وامثالهم يعنى كما اتفقنا ف حديث سابق

المهم انا ف غاية القلق على استفتاء بكرة وعايزك تعالج الامر دة انت والاخوة بتوعنا اللى ذكرتهم والحكاية انى كنت ماشى وسمعت 2 محترمين بيكلموا عن الاستفتاءوكان حديتهم كالتالى

الاول بيقول بحدة وصوت عالى : يعنى انت لو فى واحد كداب وغشاش كدب وغش عليك تصدقة حتى ف حاجة ما فيها كدب اوغش ؟ طبعا مش هتصدقة وهتقول ف نفسك اكيد بيغش او بيكدب كعادتة صح ؟
التانى رد وقال صح بس اية علاقة دة بالاستفتاء بتاع بكرة ؟
الاول قال انا جاى ليك علاقتة ان مبارك غشنا وكدب علينا بفجر وبجاحة لانة استغل سلطتة وشهوة النفاق للى حوالية لمصلحة شخصية عائلية فحط ابنة
جمالف الشكل اللى انت شايفة دة يعنى بالبلدى لو اسمة جمال اى حاجة تانية غير مبارك ولا كان حد سال فية ولا عرفة من اصلة ولا لجنة سيلسات ولاغيرةولا قال السيد جمل ولا يلتقى السيد جمال فهمت قصدى اية ؟ يعنى غش الشعب وكدب علية وخانة لانة عمل لمصلحتة العائلية وما عمل لمصلحة الشعب يكون لو جاب لنا اى حاجة وقال دى لمصلحتك حتى لو هو صادق مش كل واحد هيقول ف سرة هو انتى يجى منك مصلحة لينا يا شعب يا مسكين دة انت بتعمل كل حاجة لمصلحة عيلتك وبس صح الكلام ؟
التانى رد وقال والله معاك حق يبقى المفروض كلنا نروح ونقول لأ ونكشفة ادام العالم

دة الحديت اللى اتقال يا ابن بهية وعلى ما جريت وراهم علشان اادبهم وافهمهم كانو فص ملح وداب

هىء هىء هىء ال يقولو لا ال مهو احنا ممكن مهما قالة لا نطلعها نعم هىء هىء هىء

المهم برضوة الاحتياط واجب يا ابن بهية ربما العيال دة تفرض كلمتها والعالم يسمعهم فانا عايزك انت والاخوة موووممممتاذ القووط وعبدالله كمالى واوسامة سارايا وبمشورة الكبير ابرااااااهيم نافع تعملو غسيل لمخ العيال دى

ال تداول السلطة ال جااااااى يا متر شفيق

غير معرف يقول...

سليمان باشا غانم العمدة

يا ابن بهية خد بالك من كلامى لان ف جول بعدة لمصلحتك اى والله

انا يا ابن بهية مقدر تعبك امبارح بس تجول اية للشعب بتاعنا هو كدة واحنا عارفينة علشان كدة كنا محضرين زى كل مرة هىء هىء هىء مع الناس اللى بتارف من اسمايهم عناوين
اقبال غير مسبوق واجماع ساحق
انا كمان بجولك احنا عارفين ان الناس دة اكتر من اللى انت بتجولة بس هما دعائم نظام سيدنا وابن سيدنا الممتد بفضل مجهوداتهم مع الناس الغلابة بالرغم من جول الاخ عاجل ال اية النظام بهترا ولا جول الاخ بتنجان عن الشيخ طنطاوى ولا جول الاخت شهروزة اللى بتشلح جيشنا المغوار ولا جول الاخ فارس اللى بيجول تغيير لا محالة هىء هىء هىء
الناس حابة حكمة سيدنا وابن سيدنا لانة بيضحى من اجلهم وهجولك اصة توضح الجول دة رغم انى لما جلتها ف الجهوة واحد جعد يضحك لغاية لما مات ياريت يا ابن بهية تفهمنى لية ضحك ولية مات
الحكاية انى كنت بحكى عن واحد سمع من كمال الشاذلى ان الرئيس جالة عقد يحكم امريكا لمدة 2 سنة ( هنا الراجل جعد يضحك ) قابلة للتمديد باجر يومى مليار دولار ( هنا الراجل مات ) بيكمل السيد كمال الشاذلى ويجول ان سيدنا رفض المليارات وفضل يجعد ف وسط الشعب يرعاه بحكمتة
فهمت الشعب بيموووووت فية لية

جال تداول السلطة جال
جاااااااااااى يا متر شفيق