08 مارس 2007

سمعنا سلام الصبوحة .. سلمولي على مصر سلمولي

الخارجية المصرية تستدعي سفير إسرائيل بالقاهرة على خلفية إذاعة تليفزيون إسرائيل فيلماً تسجيلياً عن قتل الجيش الإسرائيلي لأسرى المصريين


وتم اللقاء في وزارة الخارجية المصرية كاللقاءات السابقة بالضبط .. تعالوا نشوف

أحمد أبو الغيط : فيه إيه يا سي كوهين؟ كده تفضحونا في تليفزيونكم ؟

كوهين : فضيحة إيه يا أبا الغيط ؟ أصله بيعرف عربي أحسن من أبي الغيط

أبو الغيط : الكلام الفارغ اللي انتم أذعتوه ده عن قتل الأسرى المصريين .. إحنا ناقصين فضايح ؟

كوهين : يا سيد ابو الغيط إحنا عندنا إعلام حر والدولة لا تتدخل فيه

أبو الغيط : طيب يا سيدي عارفين .. وبلاش كل شوية تقطمنا بالكلمتين دول .. ما حنا برضه عندنا الواد ابن الدمرداش كل يوم بيطلع على المحور ويقول ويتكلم براحته

كوهين : يضحك .. يقهقه .. ينسدح للخلف .. قصدك برنامج الساعه ونص ده ؟ جرى إيه يا سيد أبو الغيط ما احنا دافنينه سوا .. ولا نسيت ؟ مش دي قناة اسمه إيه ده بتاعكم بتاع سما العريش اللي مشاركينه في ....ال ال

أبو الغيط مقاطعاً : شوف بقى .. من فضلك ما لكش دعوه بسياستنا الداخلية .. خلينا نرجع لموضوعنا

كوهين : موضوع إيه يا معالي الوزير ؟

أبو الغيط : موضوع الأسرى يا سيدي .. بقى ده كلام ؟ كل ما نقول يا هادي والشعب يبقى في إيدينا زي الملبن تيجوا حضراتكم وتضربوا كرسي ف الكلوب كده ؟

كوهين : والشعب المصري ماله ومال ده يا معالي الوزير ؟

أبو الغيط : انته يا راجل انته حاتجنني ؟ الأسرى دول ولادهم اللي انتم موتوهم دول

كوهين : طيب وإيه يعني يا معالي الوزير ؟ ما حضراتكم موتوا قدهم ألف مرة في المعتقلات والأسفلت والطيارات والعبارات ، كان الشعب حاسبكم يعني ؟

أبو الغيط : دول شعبنا واحنا أحرار فيهم .. ندبحهم نفجرهم .. نعذبهم .. نغرقهم .. نقطعهم حتت ما لكمش دعوه .. دي سياسه داخلية وافتكر انك بتتدخل في سياستنا الداخلية

كوهين : يا معالي الوزير سياسة إيه بس ؟ أنا مش شايف حكاية السياسة اللي انته بتتكلم عليها وفلقت دماغي بيها دي .. روق كده واشرب القهوة بتاعتك

أبو الغيط : شكرا على القهوة يا سيدي .. الله .. يتلعثم أبو الغيط ويتذكر أنه في مكتبه هو وليس في تل أبيب ويحدث نفسه .. جرى إيه يا سي كوهين .. انته في مكتبي أنا ودي قهوتي .. تكونش جاي في التشكيل الوزاري القادم ولا إيه ؟ يادي النيله .. الواد جمال واطي زي أبوه ويعملها والواحد لسه ما ظبطش نفسه بكام مليون

كوهين : مالك ؟ سارح في إيه يا معالي الوزير ؟

أبو الغيط : هاه ؟ لأ ولا حاجه .. دماغي لفت شويه

كوهين : قوم روح يا أبو الغيط وسيبك من الكلام الفاضي ده .. ده بقى تاريخ يا راجل .. وعندنا القانون الإسرائيلي بيسقط التهم دي بالتقادم.

أبو الغيط : أنا ما ليش دعوه بقوانينكم يا كوهين .. وما تنساش إنها من القضايا التي لا تسقط بالتقادم في القانون الدولي ولا نسيت ؟

كوهين غاضباً : ما تنساش نفسك يا أبو الغيط .. أنا لسه ماسك أعصابي معاك .. ويقضم كوهين شفتيه في غضب

أبو الغيط مبتسماً ومريلاً في هبل واضح : فيه إيه يا راجل أنا كنت باهزر معاك ؟ انته برضه صدقت إننا ممكن نوصل الموضوع لمحكمة دوليه ؟ يا راجل عيب ؟ إخص عليك أنا كنت فاكرك ابن نكته وباهزر .. باهزر يا كوكو

كوهين غاضباً : كوكو إيه دي يا أستاذ .. لم نفسك شويه .. والله لولا خالتي كوندي وصتني عليك وقالتلي الولد أبو الغيط ده نمره وييجي منه .. كنت بهدلت أهلك دلوقتي

أبو الغيط مبتسماً ومريلاً برضه : الله .. إلا من حق ازيها كده ؟ وازي كلبها اللولو ؟ انته قابلتها إمته ؟

كوهين : ما تغيرش الموضوع يا أبو الغيط .. إنته أهنتني وده معناه خطير جدا .. ويشير إلى الموبايل قائلا : أنا عملت ميسد كول للزفت بتاعكم اللي باينه خرف وما بقاش يعرف يعين وزرا زي الناس

أبو الغيط مستعطفا : ميسد كول لمين يا كوهين ؟

كوهين : وهو فيه زفت غيره ؟ الخرفان بتاعكم ده اللي اسمه حسني

أبو الغيط متنهدا في راحة ومحدثا نفسه : الحمد لله .. كنت فاكرك عملت ميسد لخالتك كوندي يا ابن الهرمه

كوهين : بتقول إيه يا أبو الغيط ؟

أبو الغيط : هاه ؟ مين ؟ لأ ولا حاجه .. كنت بادعي في سري لخالتك كوندي ربنا يخليها الست الطيبة دي

كوهين : أنا ماشي .. لكن أحب أفهمك حاجه .. بلاش الأسلوب ده معايا مره تانيه يا أبو الغيط .. فاهم ؟

أبو الغيط : مبلم .. ومتردداً يقول : ممكن أطلب من سعادتك طلب يا كوهين ؟

كوهين : عارفه يا مان .. هتقولي كالعاده إنك راح تطلع تصريحات وشوية همبكه .. مش كده ؟

أبو الغيط مبتسماً ومريلا : ياه .. دايما فاقسني يا كوهين

كوهين يضرب الباب ويخرج بدون أن يمد يده ليد أبو الغيط الممدوده



أبو الغيط يسلم على نفسه وينادي على مدير مكتبه قائلاً : ناديلي العيال بتوع الصحافة يا بني ، ولا أقولك بلاش اتصل بعبدالله كمال وكرم جبر في روزا وأحمد موسى في الأهرام والعيال دي يعني وبلغهم إننا استدعينا السفير الإسرائيلي ..
الموظف : حاضر .. بس سعادتك .. هم زعلانين شويه لأن الباشا المسئول عنهم اتأخر عليهم في الأوبيج بقاله أسبوعين

أبو الغيط : وأنا مالي ؟ هو أنا بتاع المالية ؟ اتصل ليهم بالزفت بتاع الأمن وبلغه إننا محتاجين ليهم أوي الأيام دي وخليه يزود ليهم المعلوم

الموظف : أمرك يا فندم

أبو الغيط : ما تنساش توصي العيال دي تكتب كلام سخن شويه ويبلغوا بيه الصحف التانيه ووكالات الأنباء

الموظف :مفهوم سعادتك


اليوم التالي
المانشيتات الحمرا والخضرا والبحلقي طالعه تلالي بأبو الغيط الهلالي سلامه واللي عمله في سفير إسرائيل .. وسلمولي على مصر سلمولي .. وسمعني سلام الصبوحه

هذه مصر تحت حكم الواطي مبارك وعصاباته الأوطى منه .. ولا حد ليه رأي تاني ؟ أو تصور تاني عما دار في مكتب هلفوت الخارجية زفت الطين ملوخية؟

تمخض الجبل فولد فأراً إبن ستين كلب كمان .. قال إيه ؟؟؟!!! نطالب إسرائيل بفتح تحقيق في الوقائع التي فضحوها وفضحونا معاها .. والنبي يا عم أولمرت افتحلنا تحقيق .. سايقين عليك النبي وأهل بيته .. آه صحيح دا انته ابن كلب كافر .. طيب سايقين عليك الشيطان وأهله وكل عيلته من هرتزل لبن جوريون لجولدامائير لكوندي وبوش .. افتح والنبي يا عم أي تحقيق كده وخلاص .. إن شالله حتى تكون نتيجة التحقيق أن الأسرى عضوا نفسهم وماتوا من العض مش بإيد أليعازر .. طيب أقولكش يا عم أولمرت .. ممكن إحنا نفتح تحقيق ونبعته ليكم مفتوح جاهز وفيه بأن أليعازر كان مختل عقليا برضه زي ما بنعمل هنا .. أهو نوايه تسند الزير وخلاص ..

رغم يقيننا بأنه لا عدالة دولية ولا بطيخ ولا قرع من ده خالص .. لكن كان واجب برضه من باب الحرص على كرامة ولاد بهيه يتم مخاطبة المحكمة الدولية .. صحيح أنها لن تأتي بأحكام ضد المؤسسين من بني صهيون ومن يدفعون مرتبات أهلها من بني ماسون .. لكن أهو شيء أحسن من لا شيء يا مبارك يا واطي .. يا أقذر كائن موجود على وجه الأرض حالياً .. لكن تقول إيه بس ؟ ((الله يرحمك يا فنان الشعب محمد طه)) ع الأصل دور .. وده خسيس واطي .. تبرأ من أهله .. اسألوا أهل قريته في المنوفية .. حسني الواطي تجاهل جنازة أباه عمك مبارك كاتب المحكمة الغلبان اللي كل جريمته في حق بلده أنه أنجب لها ذلك القذر ..


هناك 48 تعليقًا:

smraa alnil يقول...

انت منتظر ايه يا ابن بهيه من واحد خسيس
دة الخسيس حتي ممكن يكون حسيس
بس دة ولا الهوا
اللهي يولع بنار كدة ما يلاقي ندعا مايا تطفيه
ويوم ما يلاقي يكون بنزين 92 سوبر يعني
عشان يولعها زيادة

والتصريحات اللي بتطلع من الوزرا ان شالله يكون وزير الصرف الصحي كلها معروفة انها متفبركة
لا مصر هتقف ضد اسرائيل ولا هتطالب بحقوق شعب اخرس
ويوم ما ينطق يكتب ويشتم ويشجب

شعاااااااااااااراااااااااات

وبيب بيب اهلي

ودة اللي احنا فالحين فيه

قضايامتفبركة وناس ضحايا واموات علي رصيف الحياه جنب ركن زباله
اه يا مصر
واه يا بلد محتاجة ولد
والولد فيكي ضعيف

ماشي يا ولداه من غير سند
شايف بس لازم يكون كفيف

وقد خلقنا الانسان في كبد
بس كبدنا مش باختيارنا دة بايد نظيف

وسمعني اجدعها سلامة
الله يرحمك يا طه

محمود سعيد يقول...

يا راجل ده حتى ابو الغيط ده طالع ومش مكسوف وبيقول مصر لن تقطع العلاقات مع اسمها ايه ديه

كأنه مثلاً بيرسى أنهم اخوات مينفعش يقطعوا
حاشا لله

ولا الكلاب اليهود اللى طالعين يقولوا والقاهرة هى التى ستكون خاسرة اذا اتخذت اى إجراء

قولت للمذيع لأ وانت الصادق
مبارك هو اللى خسران
مش القاهرة

غير معرف يقول...

واحد قرفان

العنوان المفروض يا ابن بهية يكون كوهين يحاور كوهين

انت فاكر ان لنا حكومة مستقلة اللى عندنا تبع اللى هناك حكومة واحدة بتتلقى الاوامر من البيت الاسود الوزراء اللى تبع اولمرت عايزهم يحتجوا دول اكتر من اليهود
ام عجوزة فلاحة ابنها من الاولاد دول اللى اليهود داسوا عليهم صاحيين بالدبابات بعد ما حفروا قبورهم بايديهم امة لسة لابسة السواد علية
الحكومة تحتج الحكومة مبسوطة واخر تمام طيب ماليهود من شهرين تلاتة موتوا 3 عساكر على الحدود غدرا عملت اية الحكومة
ولما سليمان خاطر موت من اليهود تلاتة او اربعة الحكومة المصرية اليهودية قتلتة داخل السجن

شالوم يابن بهية

غير معرف يقول...

زهرة الرمان


انا صعيدية فى تركيبة الخلايا جين لم يكتشف بعد فى عرفنا نحن الصعايدة اسمة الثأر الثأر ألثأر ترضعة الام الصعيدية فى حليبها ليظل اجيال ترضعة اجيال حتى يأتى الولد الفارس ليطلب الثار
الم يقل شاعرنا الصعيدى امل دنقل
غدا سوف يولد من يلبس الدرع كاملة
يوقد الحرب شاملة
يطلب الثار
يستولد الحق من اضلع المستحيل
انما الثأر شعلة فى الضلوع
اذا ما توالت علية الفصول

والى ان تأتى الامهات بالولد الفارس من البطون ليغرز السيف فى جبهة الصحراء الى ان يجيب العدم
لا تيأسوا لا تيأسوا لا تيأسوا
ولا تطلبوا من اشباة الرجال ان يكونا فرسانا تجرى فى دمهم العروق انهم العار وعار مصر واولى بهم ان يكونوا صبيانا ذوى اخلاق مثل العبيد
ثم تجىْ الانباء بأن شيخ الازهر سوف يركب جحشة الابيض ويذهب الى الفاتيكان ليقوم البابا بتعميدة هناك وينال البركة منة
الا يصيبنا ضغط وفشل كلوى وكبد وانجارات فى المخ مما نشاهدة من مهزلات هذا العصر الكئيب
انما ابث همى وحزنى الى اللة

Nikolay Gogol يقول...

سلام عليكم
الاول ربنا يرحم الاسرى دول
وياريت الناس تقرا الفاتحة على روحهم
انا رغم انى مشفتش النكسة شفت بس الاوسخ منها و هوه عصر مبارك كاملا
بس مشاعرى نحيتها غير اى شى تانى غير اى جريمة يهودية تانية
مش لانها هزيمة عسكرية مذلة و مش علشان اثارها علينا لغاية الوقتى
و حته مش لخسائر الجيش فيها فى الارواح
لكن علشان الغدر اللى اتعرض له الجيش المصرى
اللى اتهزم من غير حرب و من غير مايلحق يفهم او يعرف ايه اللى حصل لقوا نفسهم بيجروا فى الصحرا و اليهود بيتسلوا عليهم
و يلعبوا بيهم
يمكن لانى بحط نفسى مكانهم لو كنت موجود ايامها و بعد ماكنا رايحين نرمي اليهود البحر
لقينا نفسنا فجاة وسط النار
وسط يهود من ناحية و قيادة نايمة متخاذلة و قيادة تانية جات بعد الاولى مش فى دماغها ارض و لا عرض و لا بتفكر حته انها تحاول تجيب حق الناس دى
يعنى غدرو خيانة من كله من عدوك و من ناسك اللى المفروض يحموك
و ربنا يرحمهم و يرحمنا

IBN BAHYA - إبــن بهيـــــــــــــة يقول...

smraa alnil

ربنا يسمع منك يا رب
ربنا يحرقه قريبا .. بس ربك يسترها على لاقاهرة ما تتحرقش كلها ولو أن الواطي الخسيس ده ما يهموش تغور في داهيه .. أصله مرتب كل حاجه مع نسايبه في ويلز ببريطانيا أخوال جيمي وإيلي

قريبا سأوافيكم هاهنا بشجرة العائلة النجسة في ويلز واللي مش مصدق أن الواطي إسمه جورج عند أهل مراته في لندن يبقى يروح شارع كذا نمره كذا ويسأل .. ولو ما عرفش راح أدله على الجهة اللي ممكن يحصل منها على المستندات الدالة على ماسونية ذلك الحقير الواطي مبارك

أصلها كده فعلا يا جماعه .. مش ممكن الكلب ده يكون مصري أبدا .. حد يفهمني ازاي ؟ وبأمارة إيه؟

صبرا يا سي جورج يا واطي

أختي الحبيبة سمراء النيل
كلامك كله جميل ومعبر كعادتك .. سامحينا على انفعالنا .. أصلها حاجه تخنق بجد

أرق تحياتي

micheal يقول...

الاخ الغالي ابن بهيه
صدقني و الله انا طول عمري بضرب اخماس في اسداس علي موضوع أسري 67 و شايف أنه حتي من قبل الفيلم ده أو غيره كان المفروض- لو عندنا حكومه محترمه همها الاول و الاخير مصلحه المواطن المصري- أنها تحرك دعوي لمحاكمه السفاحيين الذين ارتكبوا هذة الجريمه التي لا تقل باي حال من الاحوال عن محرقه النازي التي طالما ابتزوا العالم بها و اخذوا و مازالوا يأخذون بها التعويضات بكل الاشكال حتي الان...و لكن تقول ايه
قد اسمعت اذ ناديت حيا.....و لكن لا حياه لمن تنادي
تحياتي لك علي مواضيعك الممتازه

IBN BAHYA - إبــن بهيـــــــــــــة يقول...

محمود سعيد

طبعا كلامك صح ألفين في الميه .. إحنا عندنا واطي خسيس ماسوني كلب حاطينه على دماغ أهلنا وجايب معاه كل الكلاب القذرة في حكومة خنازيري خالص زي ما حضراتكم داريين

بقى حتة خنزور صغنن نجس حفظونا اسم اللي جاته من كتر التكرار كل يوم مئات المرات ((جعان شلوط)) الخنزير اللي اصطادوه أبطال فلسطين أشرف من دم 65 ألف مصري ؟ يا دي النصيبه

أتمنى أن تكون هذه هي القشة التي تحرك صغار ضباطنا الأشاوس للثأر من الواطي أولاً وغسيل عار مرمطة البدلة الكاكي وذبح اللي لابسها كالغنم

مش زملائك دول يا حضرة الملازم أ ح .. وحضرة الرائد أ ح؟
طبعا مش هقول لواء .. لأن جيشنا ولله الحمد ما فيهوش لواءات خلاص .. مبارك الواطي خلاهم رقاصات مومسات سمسارات شرف وووطن ..

أمانه يالي تشوف لواء في طريقك تتف عليه

اتفو اتفو على اللبس العسكري اللي انته مش قده يا مره

سامحني يا أخ محمود .. والله شكلي كده لازم أقوم وما أكملش رد على بقية الإخوة لأني راح ألبخ زياده

مش عامل عليهم طبعا لأنهم صرم ولا يستاهلوا غير ضرب الصرم كلهم من أصغر لأكبر لواء في بلدنا عشان سايبين الواطي ده يبرطع ويبيع في لحمنا وعظمنا للصهيوني

لكن عشان خاطر الناس المحترمه اللي ممكن تقرأ الكلام ده ويضايقها أي لفظ خارج

مع إني مش شايف أي كلام ممن يكون خارج مع الكلاب السعرانه اللي بتنهش في لحم مصر ولحم إخوانها الأحياء والأموات



أرق تحياتي

IBN BAHYA - إبــن بهيـــــــــــــة يقول...

واحد قرفان


على رأيك

يعني هو الواطي بيتحرك لما ولادنا عاملينهم أهداف يتعلموا فيهم الرماية وكل يوم يصطادوا منهم ثلاثه زي الأرانب البرية تمام

ياه .. يا رخصك يا مصري

طيب إحنا عندنا جيش ولا لغوه ؟ شكله كده لغوه .. أو خللوه .. يمكن يكونوا شووه .. طيب هو ساكت ليه ؟ مش قصدي والله يقوم يضرب الصهاينه .. لأ لأ مش قصدي .. دي حاجات بتاعة الرجاله زي حسن نصر الله ورفاقه الأبطال

أنا بس قصدي يقوموا يطردوا الواطي الخسيس ده من مصر ويودوه عند أهل مراته في ويلز هناك ويطهروا البلد من زفارته الحقير ده بدال ما هم قاعدين يحموه

بس تقول لمين؟ خلاص الجيش بتاعنا بقى ... ولا بلاش احتراما لمشاعر الناس اللي هنا بس


ربنا يوفق العيال الصغيرين بقى ويغاروا على البدلة العسكرية اللي اتمرمطت في التراب كده .. التار يا شباب .. التار أولا من الكلب الواطي مبارك وعيلته وعصاباته

تطهير البيت أولا قبل مطالبة الغير بحقوقنا

أرق تحياتي

IBN BAHYA - إبــن بهيـــــــــــــة يقول...

زهرة الرمان

مش عارف أقولك إيه؟ بس تسلمي ويسلم اللي جابوكي كده حره وشريفه وعارفه وشايفه كويس مش زي العميان الباقيين

تعرفي يا أحلى زهرة رمان يا بنت الصعيد العظيم الشجاع .. إحنا حاليا محتاجين ده بشده .. صدقيني .. يا ريت تعلمي ولادك وولاد إخوانك وكل طفل تقابليه إننا على موعد .. كلنا منتظرين التار .. تار ولادنا وإخوانا وأهلنا .. ما فيش بيت فيكي يا مصر ما لوش شهيد ضحى بدمه فاء لهذا الوطن

يعني لينا إحنا مش للواطي مبارك وعيلته القذره وعصاباته

وعيب علينا أوي نشوف دم الشهداء دول بينداس بالجزم كده ولا يكونش ليهم أي كرامه حتى بعد موتهم

طيب لسه هنتكلم على الولاء و الانتماء والبطيخ؟

بأمارة إيه هيطلع عندنا شباب عنده ذرة انتماء لهذا البلد ؟ طبعا مش باسأل الواطي ولا حكومته لأنهم واطيين وأنجاس وأخس مخلوقات ربنا

لكني باسأل شباب القوات المسلحه الصغيرين .. يا ترى لسه عندكم أمل ؟ ورونا ازاي

أرق تحياتي

IBN BAHYA - إبــن بهيـــــــــــــة يقول...

Nikolay Gogol


الله يسمع منك ويرحمنا إحنا .. هم مش محتاجين لا دعاء ولا قراءة للفاتحة لأنهم شهداء أبرار أحياء في جنات النعيم

إحنا اللي محتاجين للدعاء وبركة القرآن الكريم عشان نخلص من الواطي وعصاباته

على فكره أنا عايزك تعيد النظر شويه في الزعيم الراحل عبدالناصر

وتذكر وأنت تعيد ترتيب أفكارك عنه أنه كان يحارب الجميع .. في الداخل والخارج

وما تعرض له بعد موته أو قتله من شائعات عن الهزيمة كان مضللا إلى حد بعيد جدا .. يا أخي الكريم برغم تلك الهزيمة أو النكسة التي نلناها فقد أسقطت مصر قرابة الخمسة وسبعين طائرة صهيونية في اليومين الأولين للحرب .. إننا لم نكن بهذا السوء الذي يصورونه مطلقا

وحرب الاستنزاف

ثم التجهيز لحرب أكتوبر
من قام به غير ناصر ؟ حتى خطة الهجوم في اكتوبر كان الفريق محمد فوزي يناقشها مع عبدالناصر في الاسكندرية قبل وفاته بأشهر قليلة والتدريبات على اختراق خط بارليف كان ل هذا قبل أن يضعوا السادات في المقدمة .. ستقول لي كيف يضعونه ليهزمهم ؟ الماسونية هي التي ترتب وتخطط ، ولا ضير من هزيمة خفيفة للصهاينة لتمكينهم لاحقا من كل شيء بلا حرب ولا دياولو


يعني هزيمه صغنونه محددة .. كام متر داخل سيناء

ثم التلميح بالسلام
ثم القيام بأعمال إجرامية بيد حركة فتح لخلق شق واسع بين مصر وفلسطين كعملية اغتيال بعض رموز الحكومة المصرية آنذاك

واديها يا إعلام الخيانة والعمالة سب وشتم ومرمطة في الفلسطينيين لغاية ما المصري يشوف العمى ولا يسمع كلمة فلس وطين التي اخترعوها

وخش على السلام يا ريس واديها رشه جريئة يا سوسو على الصهاينه وبيع يا معلم

وباع الرئيس المؤمن

وجاب قبل ما يرحل الرئيس الواطي اللي راح يكمل على كله

وفعلا استعجلوا موته وخلصوا منه عشان يفتحوا الطريق للواطي الموجود دلوقتي

ولسه مازلنا نعيش عصر الواطي

لإمته بقى؟

يعني .. مش كتير
هانت بإذن الله


أرق تحياتي


على فكره أنا لا أدافع عن ناصر ولكنها الحقيقة التي يطمسونها بإعلام الخيانة والعمالة الماسونية

أرق تحياتي مرة أخرى

IBN BAHYA - إبــن بهيـــــــــــــة يقول...

micheal

تسلم يا مايكل الغالي

والله كلامك صح وهو أقل ما يمكن .. أقل القليل .. لكن ده لو عندنا حكومه وطنيه مش ماسونية

سألتني مرة يا مايكل عن كلمة ماسوني وليه مبارك ماسوني؟

قريبا جدا بعون الله سأكتب عن هذا لتتأكد يقينا من أن الذي يحكمنا هو مجرد واطي ماسوني قذر لا يستحق أن يحيا في مصر أصلا وليس يحكما

أرق تحياتي

غير معرف يقول...

الموضوع قديم قوي وحلقة برنامج سري للغاية بتاع قناة الجزيرة موجوده وشفناها من سنين طويله
الحلقه بعنوان الطريق الى عتليت
واكيد الناس دي كلها شفتها
مش ممكن اكون انا بس اللى شفتها
واى واحد من ولاد بهيه شافها اكيد اتوجع زى ما انا اتوجعت وفيها الاكتر والاصعب وشرح تفصيلى كانوا بيموتوهم ازاى والدبابات كانت بتفعصهم ازاى وشهود عيان وناس شافت كل حاجه بعنيها
لسه جايين النهارده لما ولاد عمهم قالوا احنا عملنا وسيونا فى ولاد بهيه
يا حسرة قلبي على ولاد بهية

ذو النون المصري يقول...

فعلا يا ابن بهيه
الراجل ده بيضحك علينا
مصر استحاله تاخد حقها في الموضوع ده لان الحقوق لا تعطي بل تنتزع انتزاعا من افواه ااكليها

david santos يقول...

Hello, Ibn Bhaya!
This work is very good, thank you
have nice wkend

عمر عاشق القرآن يقول...

ابو الغيط زى ابو قردان بالظبط
" كان ابو قردان نايم على ضهره و رافع رجليه لفوق فقالوله ايه ده يا ابو قردان قالهم بسند السما لحسن تقع"

وبعدين هو ابو الغيط لا يعدو ان يكون مجرد عروسة بيحركها مبارك اللى هو اصلا بيحركه بوش اللى هو اصلا بيحركه الشيطان

غير معرف يقول...

عزيزي ابن بهية , السلام عليكم ورحمة الله وبركاته
وكمان صباح الخير عليك وعلى كل الاخوة الشرفاء المعلقين اصحاب العقول والقلوب التى ما زالت تنبض بحب بهية ,
اولا احييك على السيناريو الرائع بين كوهين وبين ابو قردان بتاعنا , , ومن بين التعليقات عجبنى تعليق الصعيدية بنت الصعيد زهرة الرمان وبعد اذنها اخدت منه سطرين وهم كافيين فعلا لما اردت ان اقوله واعلق بيه على الموضوع ده وهم :
"لا تطلبوا من اشباة الرجال ان يكونا فرسانا تجرى فى دمهم العروق انهم العار وعار مصر واولى بهم ان يكونوا صبيانا " فعلا الكلام اللى اتقال على لسانها ده صحيح 100% لان طالما احنا مازلنا نشجب وندد ونتحسر على رجالة زمان وشرف وكرامة زمان ونمصمص فى شفايفنا ,, وسايبين كلب زى الواطى مبارك ده وشوية الرعاع اللى حاكمين البلد ومتحكمين فى مصاير العباد . يبقي للاسف مفيش املا يكون لينااى كرامة او عزة اومجد ,,و ياريت نفكر الاول ازاى نتخلص من الواطى ابن الكلب "مبارك " وعصابته وبعيدن ان شاء يولد من ظهر بهية ناس شرفاء نستعين بهم علوى اليهود ونستعيد بهم شرف المصريين اللى ضاع فى سكة البحث عن لقمة العيش .....
عموما الكلام كتير والمرارة اللى الواحد حاسس بيها تغطى الكون بحاله شكرا على مجهودك والله يرحم موتاناوموتى المسلمين والمصريين جميعا ...
واسف لو صدرمنى اى لفظ جارح
تحياتى ليك
فارس

غير معرف يقول...

برضه ابن بهيه


أهلا أخي الكريم

كلامك صحيح .. كلنا تقريبا شفنا وغلينا وانقهرنا ومازلنا .. لا جديد غير اعتراف العدو الصهيوني بجريمته اعترافا صريحا في تليفزيون الصهاينة

وده مش جديد بس نكأ الجرح

وكلامي لو ركزت فيه هتلاقيه يصب في ذات السياق تقريبا

الواطي مبارك وعصاباته بيطرمخوا على الموضوع والمجرم ذات نفسه هو اللي بيفضحهم ويكشفهم أمام الرأي العام

يبدو أن في الأفق تغيرات قادمة تستعجلها الصهيونية بما تقدم من مبررات للتخلص من الواطي مبارك

أرق تحياتي

غير معرف يقول...

ذو النون المصري

أشكرك أخي الكريم على الزيارة والتعليق

كلامك صحيح وفي كل الأحوال لن يحصل المصريون على حقوقهم لا بمحكمة دولية ولا بطيخ

بس حلوة الحركة الجريئة من الواطي أبو الغيط اللي طالب إسرائيل بفتح تحقيق

والحركة الأحلى طبعا هو تصريحه بأننا لن نقطع علاقتنا بالصهاينة لأنهم أسياد أبوه هو وحسني الواطي وطظين تلاته عشره في الشعب المصري ودم شهداءه

يعني ببساطه كده وبكل وضوح بيقولوا لنا

ملعون أبو أي واحد يفكر بعد كده يضحي عشان البلد دي

آدي مصيره يا جزم

هيموت فطيس

دي الرسالة الماسونية التي يريدون منا أن نعيها ونحفظها وننفذها

طيب ملعون أبوكم كلكم يا واطيين يا أنجاس يا ولاد الكلب .. كل رسائلكم اشربوها

والمصري سيظل رغم أنف أبوكم حامل روحه على كفه ومستعد لتقديمها لبلاده وأمته وعقيدته وغدا لناظره قريب


الرسالة وصلت يا كلاب الصهاينة ويا كلاب مصر من عملائهم وعبيد الماسونية

لكن تنفيذها سيفاجئكم بعون الله .. والله سيفاجئكم قريبا .. أقرب مما تتصورون يا أنجاس

عذرا يا أخي
وعذرا لكل الإخوان الموجودين
بس الواحد بجد بيغلي من اللي بيعمله العملاء سمسارة الأوطان

أرق تحياتي

غير معرف يقول...

david santos

ألف شكر على الزيارة والتعليق

أرق تحياتي

thank you and best regards

غير معرف يقول...

أهو أسخف نكتة اتقالت هى مطالبة التحقيق واستدعاء السفير

يا سااااااااتر

الناس دى مزهقتش استهانة بعقولنا وبأرواحنا وبمقدراتنا؟؟؟
للدرجة دى شايفينا أغبياء ومهاطيل؟؟

انا قلت قبل كدة
أن الاستحمار داء
ويبدو اننا بقينا موبؤين بهذا الداء

الاستحمـــــــار

الكلام ميبردش نار يا عزيزى
مش لاقية كلام تانى

تحياتى العميقة

Unknown يقول...

جميل الحوار
بس صدقني ابن بهية ان لظهور هذا الفيلم في هذا الوقت له مبررات عديدة اهمها رسالة عاجلة للشعب العربي ...انظروا فيما حدث لشعب مصر هذا مصيركم
الرسالة الثانية اضعاف حركة الفكر الثوري لشباب مصر المتطلع للحرية الرافض للظلم والاستعباد والفساد وهذه رسالة خطيرة
وبعدين هذا الفيلم يا ولاد بهية الشرفاء خير دليل علي ان منظومة الحكم باكملها تابعة وان لم تكن جزءاً من الدولة اليهودية
وبخصوص اسرائيل ..ماأخذ بالقوة لن يسترد الا بالقوة ورحمك الله باذن الله يا صلاح الدين والسادات ...رغم اعتراضي علي اتهامك له بالماسونية فقد لعب الرجل عليهم جدميعا وماذا اخزوا ولا شيئ وانظر سوريا والادن والمنظمة ماذا حرور لا شيء.. وربنا اخد صدام اللى كان بيقويهم على مصر وسبب النكابات الكبري للعرب سؤال اخير . هي لو دامت كانت وصلت اليك ؟؟؟ افهم بقي ياعم وبلاش استعباط واعمل حاجة واحدة لبلدك ترد بيها كرامتها وكيانها

غير معرف يقول...

الوحيد اللى مردتش على تعليقي النهارده ,, ليه ؟؟؟ مش بعادة يعنى .. زعلن منى ولا ايه ؟؟

Unknown يقول...

اهداء خاص لاولاد بهية الشرفاء وخاصة ابن بهية العزيز وارجو الاستفادة للجميع
هذه بعض المواقع التي تتناول الحديث عن الماسونية
http://www.moon15.com/index.php?action=file&id=896 كتاب برتوكولات صهيون

http://rania.madarat.info/archives/4 ملف جيد وسريع عن الماسونية

http://www.alkashf.net/mthahb/65.htm ودهه كويس كمان

http://www.safita.cc/VB/showthread.php?p=16092#post16092 ودهه كويس قوي مع صور

http://www.diwanalarab.com/spip.php?article4517 ودهه عن الماسونية العربية ... هام جد...
http://www.masonia.org/ ودهه موقع رائع مع وصف لحلقة يسري فودة

http://www.sabeely.net/vb/viewtopic.php?p=13207 ودهه كاتب تعريفه كويس جد

(أحجار على رقعة الشطرنج)، للأدميرال البحري الكنديّ (وليام جاي كار).. كتبه بعد الحرب العالمية الثانية ودهه كتاب مهم وممكن تبحث عنه في النت
http://72.232.229.18/~fatehtv/showthread.php?t=9731 ياريت تتصفح هذه الصفة وتعمل اشترك في الموقع وتنزل الكتب اللى عايزها وطبعا فيها عن ابناء الارملة

http://www.dardasha.net/montada/archive/index.php/t-36619.html
ودهه موقع خطير وبيذكر فيه الماسونية في العالم العربي
وبكا اسف هناك العديد من الموقع التي حزفت التي تناولت تاريخ الماسونية وموثقة بكل اسف
وسؤال لاولاد بهية ماذا فعل ربنا سبحانه وتعالي للقضاء علي هذه الحركة الشيطانية؟؟؟والاجابة ان شاء الله المرة القادمة

Nikolay Gogol يقول...

سلام عليكم
انا مقصدتش فى البوست بتاعى ان اهاجم عبد الناصر
كل اللى اقصده لما قلت ان عساكر و ضباط الجيش السكان الاصليين لمصر
اللى كانوا موجودين فى سينا سنة 67
اتغدر بيهم
انى بحط نفسى مكانهم و اشوف انى الكل باعنى و محدش عبرنى و لا طالب بحقى و لا اهتم بيا
سواء
من اليهود او من حكوماتهم اللى كانت موجودة و اللى جات بعد كده
ده كاحساس عسكرى غلبان ملوش فى التور و لا الطحين كان على خظ النار و حصله اللى حصل فى النكسة
دون الدخول فى تفاصيل مين المسئول و مين السبب و ايه اللى حصل تحديدا
و تحياتى ليك

لكن بالنسبة للكلام اللى انت قلته عن السادات وانه عمل حرب صغيرة تهدف الى الوصول الى سلام يعنى انت رايك ان حسين الشافعى الله يرحمه كان بيتكلم صح و لا ايه ؟خاصة على موضوع الثغرة؟؟؟؟

صــ خ ـــب شـــيماء يقول...

ابن بهيه

بجد والله الواحد كل مايقول يا سياسه كإنه بيقول يا إكتئاب ..
وكل مايقول العيب فى الحكومه .. يلاقى الحكومه هى الشعب ويلاقى شعب متخاذل ومتكاسل
إكتفى بالفرجه يقوم ويقول لا وبسرعه تلاقى ال لا انكتمت وسكتت

وبعدين اسرى ايه اللى يهتموا بيهم.. هما من بقيت عيلتهم مثلا ولا حاجه!!! ؟

كل شئ فقد مصداقيته حتى القنوات الدينيه.. واغلب الشعب وانا منهم مابقتش اصدق اى شئ

بس تفتكر .. حيفضل الوضع انتقاد لأوضاع موجوده لحد امتى الناس قربت تكون نسخه بكربون من الحكومه
وإنعدمت الشفافيه وأصبحنا ناس متلونه على كل لون يا "باطيستا "!!..؟

غير معرف يقول...

اللي يبكي اليومين دول إن الوزير الحقل أحمد أبو الغيط بيقول لك إننا لن نقطع العلاقات مع لإسرائيل بسبب فيلم !!!!!!!!!!!!!!!!!!!!!!
إيه فيلم
طب و حياة 250 واحد

يا مصوَّر الخيانه عيشه جنَّه
يا كاتم الحقيقه بالضلام
ولادنا مدبوحين وراس يوحنا
بِليرَه في الجليل والحفل عام

يا مُبدع الحروف بميم وجنه
يا منشد الحقيقه والسلام
تزخرف القوافي بالأسنَّه
تتفتح المسامع للكلام

سنابل الصهاينه سهم طايل
وبسمة الصهاينه بالزناد
أعوذ بالسناكي من هوايل
من بحر دم قاتل البلاد

وانطلقت الأفاعي في المدينه
والخوف على العيال المولودين
ياتفضوا ميَّة بحركم
.. يا تمسكوا السفينه
المجد بالسلاح يا شغالين

غير معرف يقول...

omar مشروع بطل

إيه بقى حكاية أبو قردان دي ؟ لأ لأ ما لكش حق .. أبو قردان أشرف من عصابات مبارك .. يا راجل ده صديق الفلاح .. يعني صديقي وصديق كل ولاد بهيه وهو معانا على الخير والشر زي ما انته شايف

يعني يسرطنوا الأؤض والسماد يتسرطن معانا برضه ويورم زينا

عصابات مبارك الخونة ليس لهم وصف مطلقا يا عمونا

أرق تحياتي

غير معرف يقول...

fr_فارس

شكرا أبو الفوارس

وكلام أختنا زهرة الرمان طبعا يعجب أي راجل وأي بنت أرجل من رجاله كتير .. ربنا يحميك ويحميها ويحمي ولاد وبنات بهيه الجدعان

بس أنا زعلان على رفيق الدرب أبو قردان .. ظالمينه معانا ليه؟

عموما أرق تحياتي

غير معرف يقول...

شــهــروزة

والله يا شهروزة مش عارف الناس دي بتفكر ازاي ؟ أعتقد أنهم هم المهاطيل لأنهم يتصورون بعقولهم المريضة أن الناس كلهم أغبياء

بس تعرفي المشكلة فين؟

المشكلة أن عصابات مبارك محاطة بعصابات أخرى من عيال الصحافة والإإعلام من عينة عبدالله كمال وشح كسر أو ما يسمونه كرم جبر في روزا والدقاق في دار الهلال وأحمد موسى في الأهرام وعلى شاكلة هؤلاء عشرات وعشرات

هؤلاء من يزينون لعصابات مبارك كل ما يذهبون إليه من جرائم في حق المصري

واعتمادهم على هذا الجيش الجرار من القوادين الإعلاميين وثقتهم في قدرة هؤلاء البهلوانات الإعلامية على قلب الحقائق وتزويرها هو ما يدعوهم إلى الاستهبال الزائد لأن ورائهم من يسند ويدعم ويقلوظ ويلمع إعلاميا

بس لأ طبعا

الكلام ده كان زمان خالص

قريبا سيفيقون على كارثة تلمهم جميعا ومن معهم

أرق تحياتي

غير معرف يقول...

مذكرات حاحا مصر

أولاً ألف ألف شكر على الروابط الجامده دي

باتمنى من الجميع زيارتها والاستفادة مما فيها من معلومات .. وأدعو جميع الإخوة والأخوات هنا إلى السؤال وطرح موضوع الماسونية بصوت عال ومناقشته لخلق جو من المعرفة يساعدنا على فهم بعض الأمور الخافية عنا

وأما كلامك يا أخي فلا غبار عليه مطلقا بالطبع

لكن طلبك من الواطي مبارك فعل شيء لا أعتقد أنه في محله .. الواطي لا ينتظر منه غير الخسة والنذالة .. لا تمني النفس بأكثر من هذا من ذلك الواطي

ربما كنت أصبت لو تمنيت من صغار ضباط الجيش الثأر لإخوانهم وزملاء السلاح

يثأروا ممن باع دم إخوانهم

يثأروا من مبارك الواطي

أرق تحياتي

غير معرف يقول...

Nikolay Gogol

أولا أعتذر إن كنت قد أسأت فهم حديثك الطيب .. سامحني .. هذا ربما مما نعانيه من غضب يعمي القلوب والأبصار إلى حين .. أرجو المعذرة وأشكرك على التوضيح

أما موضوع حسين الشافعي رحمه الله ، فلم أقرأ ما قاله أو كتبه عن أن أكتوبر حرب صغيرة وخلاص لسبب بسيط جدا وهو يقيني بكراهية حسين الشافعي للسادات كراهية كبيرة جدا وربما تقف تلك الكراهية وراء رأيه في الرجل ولكني أخذت الكثير من آخرين وقارنته

التعامل مع التاريخ يجب أن يكون بهذه الطريقة

نأخذ من مصادر كثيرة جدا ونقارن ونقيس ونستخلص الحقيقة من بين ملايين الأكاذيب التي يجمل بها كل واحد صورته في مذكراته

معرفة الحقائق شيء مرعب ومزعج ومرهق إلى أقصى وأقسى حد لكنه متع في النهاية حين تشعر بعمق من داخلك أن تملك بعض الحقيقة


أرق تحياتي

غير معرف يقول...

شــــيماء

والله كلامك مؤلم وموجع لكنها مع الأسف حقيقة نحاول أن نداريها

إن أبشع ما صنعه نظام مبارك الواطي في مصر أن أضاع هوية الشخصية المصرية وباتت لا تدري ما معناها

كلام أجوف خالي من أي مضمون يردد عبر الإذاعات والتليفزيونات عن المصري ولوني قمحي وما شابه والحقيقة على الأرض عكس ذلك تماما تقريبا

حقيقة تغيرت الشخصية المصرية أو لنقل خربت أو تخربت على يد ذلك الواطي وعصاباته

بات الكل ينهش في الكل والشاطر اللي يطول حته والشاطر اللي يعرف يحمي نفسه من اللي جنبه .. ودي للأسف بعض تجليات حكم الواطي القذر مبارك وعصاباته

ربنا ينجي مصر وأهلها من ذلك البلاء

أرق تحياتي

غير معرف يقول...

مصرى

الله يرحم الشيخ إمام ويبشبش الطوبه اللي تحت راسه ويطول لنا في عمر عمنا الفاجومي يا رب .. تفتكر إننا عندنا حكومة ؟ ولا دي عرايس من بتاعة الليلة الكبيرة وبوش ماسك الخيوط من فوق ومن الجناب ماسكها عفاريت تل أبيب ؟

الله يلعن دي حكومة قذره وواطيه وخسيسه

تقبل تحياتي

ROMIL يقول...

الله يرحمك يا أمل يا دنقل

لا تصالح على الدم حتى بدم
لا تصالح ولو قيل رأس برأس
أكل الرؤوس سواء؟؟؟؟؟؟
وهل تتساو يد سيفها كان لك
بيد سيفها أثكلــــــــك
لاتصالح

ROMIL

Unknown يقول...

بعد اذنك بخصوص طلبي من مبارك انه يعمل حاجة لبلده اللى حضرتك معترض عليه؟؟
الاسبوع الماضي اعطي اوامر بان كل الشباب المتقدمين للحصول على قطعة ارض با نيحصلوا عليها بدون قرعة وتوفير القطع الكافية لكل المتقدمين
وبعدين امبارح اصدر قرار بعلاج القاضي الشاب علي حساب الدولة ... وهنا سؤال لماذا يفعل ذلك ممكن البعض يقول انه حاسس بالاخرة وخايف من الحساب التقيل ولكن احب اقولك ان اصوات ولاد بهية الشرفاء اصبحت مسموعة وذات شأن يعني بيتعمل ليها حساب ولكن بشكل جزئي ولكن دهه امر مبشر يعني ان شاء الله مع الوقت هيبقي لولاد بهية صوت عالي ومسموع وله شأن اكبر مما يتخيل اعدائنا مصممون على حقوقهم المنهوبة حافظون لكرامتهم وعزتهم الضائعة ..وبعدين نار الثورة تبداء بشعلة بسيطة وعلى ما اظن ان نار الثورة مسكت في خيوط الفساد وبكرة نشوف رمادهم ونتحدث عن ماضيهم لابنائنا لكي يتخذزهم عبرة لهم ولتاريخنا
يعني خلاصة الكلام ان لصوتك وجميع الشرفاء اصبح له تأثير يخوف اصحاب النفوذ والسلطة تعمل له الف حساب
والايام القادمة سنري المزيد باذن الله

غير معرف يقول...

أهلا بالعزيز

ROMIL

الله عليك وعلى كلامك وعلى الراجل اللي قاله .. راجل حقيقي من ضهر راجل

بس فين الرجال دلوقتي؟

ما عاد عندنا غير الهفوات ((يعني هفيه)) فاكر الشيخ إمام وعمنا الفاجومي؟

حكام هفايا

بجد هفايا وبلايا داهية تلم العفش بعيد عنك وعن السامعين والزائرين هنا


أرق تحياتي

غير معرف يقول...

أخي العزيز

مذكرات حاحا مصر

أنا معك والله .. كلامك صجيج تماما ولا غبار عليه مطلقا .. وصوت ولاد بهيه بقى معقول وكويس .. لكني أعلم يقينا كما تعلم مثلي بأننا شعب طيب وغلبان .. تقدر تقول عبيط .. عبيط بينضحك عليه بحتة حاجه فارغه من المسروقات

يعني الواطي مبارك وعصاباته يسرقوا البلد كلها ويرموا للشعب ربع في المائة من المسروقات نقوم إحنا نهيص ونفتكر بأن الواطي انصلح حاله

طيب منين ؟ منين ينصلح حال الواطي الخسيس؟ إذا هو واطي وخسيس وحرامي ؟ دي مسكنات ما لهاش لازمه والمطلوب حاليا بتر وقطع لذلك النظام الملعون تماما

بلدنا مليانه خير والكلب الواطي من أول يوم هل علينا بسحنته القذرة عمال يشتكي من الفقر والعلب وقلة الحيلة

طيب ما تسيبها يا واطي طالما هي كده فقرانه؟

يا عم إحنا فقرا سيبنا في حالنا وحل عنا

فالقنا ليه شكوى من الفقر؟ ريح نفسك لو عندك دم

وريحنا معاك

لأ .. عايز يورث العزبة للجرو الصغنن

إلهي ما يوعى يورث وبنت الحاج الجمال الحلواني تترمل قبل ما تدخل

أرق تحياتي

غير معرف يقول...

لم يجد الأغبياء الذين قذفت بهم أيام سوداء لقيطة فتربعوا على عرش مصر ما يمكن أن يلوثوا به سمعة الشرفاء ، الفرسان ، الشجعان ، الأبطال ، من أبناء مصر الحرة ، مصر الثورة ، مصر الأزهر ، مصر عبد الناصر ، مصر العروبة ، مصر الحضارة و التاريخ ، مصر الدور .

فأخترعوا تهما تجدها ثابتة و متكررة من عينة الأتى :

سعد حلاوة : مجنون و مريض نفسى و تفكك أسرى

سليمان خاطر : مجنون و مريض نفسى

محمود نور الدين و رفاقه : مرتزقة و مدمنى مخدرات و خمور و نساء

أيمن حسن : مصاب بأمراض نفسية و عصبية

محمد خلف : على مدار الأيام الفائتة .. إتهموك بكل شيىء ..

كلكم أيها النجوم الزاهرة المتلألأة فى سماء أمتنا الملبدة بالغيوم أصابكم الإتهام بكل شيىء .. إلا شيئا واحدا : حب الوطن و كراهية العدو .

قلنا لكم جميعا :

هما يقولوا عليه مجنون

و إحنا نقول مقدرش يخون

ينطبق هذا الشعار على كل واحد فيكم .

كلنا معكم ، من رحلوا فهم فى قلب صفحة التاريخ الناصعة البياض ،و من لا يزال بيننا كأيمن حسن فهو قلوبنا و أرواحنا .

و كلنا محمد خلف

و تأكد أنك لست وحدك أيها الشجاع البطل الرافض لفسادهم و فجرهم و ظلمهم و عصاباتهم المتوحشة .

لست وحدك رافع راية العصيان فى وجوههم الذليلة و قلوبهم العمياء و عقولهم الأشد ضلالا من الأنعام .

لست وحدك الخارج من حظيرتهم الممتلئة بروائح الخيانة و الذل و المهانة و الفساد ، و الداخل إلى حضن وطنك الممتد من المحيط إلى الخليج ، نضعك جميعا فى سويداء القلب و نن العين و لب الروح .

لست وحدك من جاهر : لا للخيانة

لست وحدك الرافض لوجوههم الكالحة ، السوداء ، المتجهمة ، المستأسدة على المستضعفين من شعبنا ، و الراكعة للبيت الأبيض الأشد سوادا من قلوبهم العامرة بالفساد و الفجور .

لست وحدك من قال : لا

فى وجه من قالوا نعم

من علم الإنسان

تمزيق العدم

من قال لا فلم يمت

و ظل روحا أبدية الألم .

لست وحدك من كشف عوراتهم أمام العالم و التاريخ

لست وحدك من قال لهم :

التطبيع مش سياسة

التطبيع عار و نجاسة

لست وحدك الصارخ فى آذانهم :

النظام فجره زاد

و بيحكمنا بالموساد

لست وحدك من إستدعى لهم بعضا من كلمات الشاعر أمل دنقل الخالدة تقذفهم بها :






(1)

لا تصالحْ !

.. ولو منحوك الذهب

أترى حين أفقأ عينيك،

ثم أثبت جوهرتين مكانهما..

هل ترى..؟

هي أشياء لا تشترى..:

ذكريات الطفولة بين أخيك وبينك،

حسُّكما – فجأةً – بالرجولةِ،

هذا الحياء الذي يكبت الشوق.. حين تعانقُهُ،

الصمتُ – مبتسمين – لتأنيب أمكما..

وكأنكما

ما تزالان طفلين!

تلك الطمأنينة الأبدية بينكما:

أنَّ سيفانِ سيفَكَ..

صوتانِ صوتَكَ

أنك إن متَّ:

للبيت ربٌّ

وللطفل أبْ

هل يصير دمي – بين عينيك – ماءً ؟

أتنسى ردائي الملطَّخَ بالدماء..

تلبس – فوق دمائي – ثيابًا مطرَّزَةً بالقصب ؟

إنها الحربُ !

قد تثقل القلبَ ..

لكن خلفك عار العرب

لا تصالحْ ..

ولا تتوخَّ الهرب !

(2)

لا تصالح على الدم .. حتى بدم !

لا تصالح ! ولو قيل رأس برأسٍ

أكلُّ الرؤوس سواءٌ ؟

أقلب الغريب كقلب أخيك ؟!

أعيناه عينا أخيك ؟!

وهل تتساوى يدٌ .. سيفها كان لك

بيدٍ سيفها أثْكَلك ؟

سيقولون :

جئناك كي تحقن الدم ..

جئناك . كن – يا أمير – الحكم

سيقولون :

ها نحن أبناء عم.

قل لهم : إنهم لم يراعوا العمومة فيمن هلك

واغرس السيفَ في جبهة الصحراء

إلى أن يجيب العدم

إنني كنت لك

فارسًا،

وأخًا،

وأبًا،

ومَلِك!

(3)

لا تصالح ..

ولو حرمتك الرقاد

صرخاتُ الندامة

وتذكَّر ..

(إذا لان قلبك للنسوة اللابسات السواد ولأطفالهن الذين تخاصمهم الابتسامة)

أن بنتَ أخيك "اليمامة"

زهرةٌ تتسربل – في سنوات الصبا –

بثياب الحداد

كنتُ، إن عدتُ:

تعدو على دَرَجِ القصر،

تمسك ساقيَّ عند نزولي..

فأرفعها – وهي ضاحكةٌ –

فوق ظهر الجواد

ها هي الآن .. صامتةٌ

حرمتها يدُ الغدر:

من كلمات أبيها،

ارتداءِ الثياب الجديدةِ

من أن يكون لها – ذات يوم – أخٌ !

من أبٍ يتبسَّم في عرسها ..

وتعود إليه إذا الزوجُ أغضبها ..

وإذا زارها .. يتسابق أحفادُه نحو أحضانه،

لينالوا الهدايا..

ويلهوا بلحيته (وهو مستسلمٌ)

ويشدُّوا العمامة ..

لا تصالح!

فما ذنب تلك اليمامة

لترى العشَّ محترقًا .. فجأةً ،

وهي تجلس فوق الرماد ؟!

(4)

لا تصالح

ولو توَّجوك بتاج الإمارة

كيف تخطو على جثة ابن أبيكَ ..؟

وكيف تصير المليكَ ..

على أوجهِ البهجة المستعارة ؟

كيف تنظر في يد من صافحوك..

فلا تبصر الدم..

في كل كف ؟

إن سهمًا أتاني من الخلف..

سوف يجيئك من ألف خلف

فالدم – الآن – صار وسامًا وشارة

لا تصالح ،

ولو توَّجوك بتاج الإمارة

إن عرشَك : سيفٌ

وسيفك : زيفٌ

إذا لم تزنْ – بذؤابته – لحظاتِ الشرف

واستطبت – الترف

(5)

لا تصالح

ولو قال من مال عند الصدامْ

" .. ما بنا طاقة لامتشاق الحسام .."

عندما يملأ الحق قلبك:

تندلع النار إن تتنفَّسْ

ولسانُ الخيانة يخرس

لا تصالح

ولو قيل ما قيل من كلمات السلام

كيف تستنشق الرئتان النسيم المدنَّس ؟

كيف تنظر في عيني امرأة ..

أنت تعرف أنك لا تستطيع حمايتها ؟

كيف تصبح فارسها في الغرام ؟

كيف ترجو غدًا .. لوليد ينام

- كيف تحلم أو تتغنى بمستقبلٍ لغلام

وهو يكبر – بين يديك – بقلب مُنكَّس ؟

لا تصالح

ولا تقتسم مع من قتلوك الطعام

وارْوِ قلبك بالدم..

واروِ التراب المقدَّس ..

واروِ أسلافَكَ الراقدين ..

إلى أن تردَّ عليك العظام !

(6)

لا تصالح

ولو ناشدتك القبيلة

باسم حزن "الجليلة"

أن تسوق الدهاءَ

وتُبدي – لمن قصدوك – القبول

سيقولون :

ها أنت تطلب ثأرًا يطول

فخذ – الآن – ما تستطيع :

قليلاً من الحق ..

في هذه السنوات القليلة

إنه ليس ثأرك وحدك،

لكنه ثأر جيلٍ فجيل

وغدًا..

سوف يولد من يلبس الدرع كاملةً،

يوقد النار شاملةً،

يطلب الثأرَ،

يستولد الحقَّ،

من أَضْلُع المستحيل

لا تصالح

ولو قيل إن التصالح حيلة

إنه الثأرُ

تبهتُ شعلته في الضلوع..

إذا ما توالت عليها الفصول..

ثم تبقى يد العار مرسومة (بأصابعها الخمس)

فوق الجباهِ الذليلة !

(7)

لا تصالحْ، ولو حذَّرتْك النجوم

ورمى لك كهَّانُها بالنبأ..

كنت أغفر لو أنني متُّ..

ما بين خيط الصواب وخيط الخطأ .

لم أكن غازيًا ،

لم أكن أتسلل قرب مضاربهم

أو أحوم وراء التخوم

لم أمد يدًا لثمار الكروم

أرض بستانِهم لم أطأ

لم يصح قاتلي بي: "انتبه" !

كان يمشي معي..
من موقع لقطات
http://rashd-karama.maktoobblog.com/?post=233083#myComments
lwvn

غير معرف يقول...

Anonymous


أشكر لك زيارتك ومشاركتك الطيبة

وشكرا على هذه القصيدة الرائعة وعلى الموقع

تقبل تحياتي

غير معرف يقول...

كوهين ده دلع راجل واعى اهه

مش زينا كده لسة مش فاهمين الفولة

غير معرف يقول...

أهلا أخي الكريم

kimexlilo

لا والله إحنا فاهمين وعارفين كل الفوله واللي زرعها كمان .. بس فيه في وسطينا خونه باعوا الفوله والكيال كمان .. وحتى احنا مررونا كده كادوه زي الهدايا بتاعة البروموشن والترويج

أرق تحياتي

غير معرف يقول...

سليمان باشا غانم العمدة
يا شوية جعرات انا شايف كدة تلميحات من بعضكم عن السيد جمال مبارك ابن سيدنا ال اية مين هو دة وكلام ماسخ ال عملو لية وظيفة اسمها لجنة السياسات ولانة ابن الرئيس دايما صورة واخبارة ف الاعلام سابقة الكبار ... امال اية يا صايع منك لة انت عاوزين ابن سيدنا يباة واحد عادى وهو اللى تجرع الحكمة والعظمة والاهام واطلاق التحذيرات من بيت سيدنا بيت الرئاسة هىء هىء هىء طب اسالو اخوانا مومتاااذ القووط بتاع اخبار اليوم و اسامة سرايا و عبدالله كمالى بتاع روز اليوسف كدة واتعلموا منهم يا بقر ياكش فاكرين ان المظاهرات اللى موضبينها هتخوف سيدنا وابن سيدنا هىء هىء هىء دا احنا عندنا امن مركزى بالملاين يا بقر يعجنكم يا شوية هجايص فنجرية بق هىء هىء هىء ال تداول سلطة ال

Manshooo يقول...

السلام عليكم و رحمة الله و بركاته

والله شر البلية ما يضحك
الحقيقة انا بحييك على الموضوعات النااااار دى الهى تصيب اللى ما يتسموش
و مين عارف يمكن يجى يوم و بهية تنضف و تحط بارفان

وأأأأه على ولد راحت دمائه هباء
و عجبى

غير معرف يقول...

Manshooo

ألف شكر على الزيارة والتعليق

ربنا يسمع منك وييجي اليوم اللي نشوف فيه بهيه أروع بلد كما تستحق وليس كما فعل بها مبارك الواطي وعصاباته القذرة

تقبل تحياتي

غير معرف يقول...

سليمان باشا غانم العمدة
اية ياد يا ابن بهية من كام يوم كدة مانتش باين وشايفك ما رديت على كلامى علشان اخدك ونقابل الاخ صفوت الشريف علشان تمسك مجلة ولا جرنال .... يعنى يا جعر انت مش عجبك العرض دة هىء هىء هىء طب انا جاى ايوم السبت 24 مارس مخصوص علشان افرجك اخبااااار اليوووم هىء هىء هىء بتاعة الاخ مومتاااااااااذ القوط شايف الصورة الحلوة اللى راسمها الاخ عمرو فهمى فيها سيدنا كدة شباب وحلاوة ووسامة ولا جعر زيك ف ال 30 من عمرة وراسم الاخ صفوت الشريف شباب ووسامة وجمال اى والله بسم الله ما شاء الله هىء هىء هىء ناس عارفة مصلحتها ان كانت عند سيدنا او عند الاخ صفوت .... اعقل وتعالى يا ابن بهية نقابل الاخ صفوت لجل تمسك مجلة ولاجرنال وان كنت خايف ما تعرف تعمل زيهم هىء هىء هىء هقعدك مع الاخوة موممممممممتاذ القوط واوسامة سارايا وعبداللة كمال بتاع روز اليوسف وابراهيم نافع وسيبك من العيال دول ال تداول سلطة ال جاااااااااى يا متر شفيق

غير معرف يقول...

سليمان باشا غانم العمدة
يا ابن بهية تعال انا عاوزك ضرورى اى والله طالما انت باذن الله هتمسك مجلة ولا جرنال من بتوعنا بمعاونة الاخ صفوت الشريف وهتتعلم من هىء هىء هىء السيد عبدالله كمال بتاع روز اليوسف وموووومتاذ القووط بتاع اخبار اليوم وامثالهم يعنى كما اتفقنا ف حديث سابق

المهم انا ف غاية القلق على استفتاء بكرة وعايزك تعالج الامر دة انت والاخوة بتوعنا اللى ذكرتهم والحكاية انى كنت ماشى وسمعت 2 محترمين بيكلموا عن الاستفتاءوكان حديتهم كالتالى

الاول بيقول بحدة وصوت عالى : يعنى انت لو فى واحد كداب وغشاش كدب وغش عليك تصدقة حتى ف حاجة ما فيها كدب اوغش ؟ طبعا مش هتصدقة وهتقول ف نفسك اكيد بيغش او بيكدب كعادتة صح ؟
التانى رد وقال صح بس اية علاقة دة بالاستفتاء بتاع بكرة ؟
الاول قال انا جاى ليك علاقتة ان مبارك غشنا وكدب علينا بفجر وبجاحة لانة استغل سلطتة وشهوة النفاق للى حوالية لمصلحة شخصية عائلية فحط ابنة
جمالف الشكل اللى انت شايفة دة يعنى بالبلدى لو اسمة جمال اى حاجة تانية غير مبارك ولا كان حد سال فية ولا عرفة من اصلة ولا لجنة سيلسات ولاغيرةولا قال السيد جمل ولا يلتقى السيد جمال فهمت قصدى اية ؟ يعنى غش الشعب وكدب علية وخانة لانة عمل لمصلحتة العائلية وما عمل لمصلحة الشعب يكون لو جاب لنا اى حاجة وقال دى لمصلحتك حتى لو هو صادق مش كل واحد هيقول ف سرة هو انتى يجى منك مصلحة لينا يا شعب يا مسكين دة انت بتعمل كل حاجة لمصلحة عيلتك وبس صح الكلام ؟
التانى رد وقال والله معاك حق يبقى المفروض كلنا نروح ونقول لأ ونكشفة ادام العالم

دة الحديت اللى اتقال يا ابن بهية وعلى ما جريت وراهم علشان اادبهم وافهمهم كانو فص ملح وداب

هىء هىء هىء ال يقولو لا ال مهو احنا ممكن مهما قالة لا نطلعها نعم هىء هىء هىء

المهم برضوة الاحتياط واجب يا ابن بهية ربما العيال دة تفرض كلمتها والعالم يسمعهم فانا عايزك انت والاخوة موووممممتاذ القووط وعبدالله كمالى واوسامة سارايا وبمشورة الكبير ابرااااااهيم نافع تعملو غسيل لمخ العيال دى

ال تداول السلطة ال جااااااى يا متر شفيق

غير معرف يقول...

[url=http://kaufenviagragenerika50mg.net/]viagra kaufen[/url] viagra [url=http://achat-viagra-pascher.net/]prix viagra[/url] commander viagra sur internet [url=http://comprarviagragenerico100mg.net/]viagra[/url] viagra 25 mg precio [url=http://comprareviagragenerico50mg.net/]prezzo viagra[/url] prezzo viagra 25 mg