15 مارس 2007

مقامـــــــــــــات أبـــوقـــــــــــــــردان

لماذا كفوا الصياح وسكت الجميع عن الكلام المباح في ازدواج الجنسية للمناصب السياسية في بلدنا المبتلية ؟ هل أدركهم الصباح ؟ أم لاح في الأفق ما لاح ؟ رد أبو قردان .. صائد الديدان .. حبيب الفلاح الجعان بعد أن أصيب كلاهما بالهم والغم والسرطان ، يا هذا صمتاً جميلاً .. قلت يا أبا قردان يقولون صبراً جميلاً وليس .. قاطعني أبو قردان العيان بداء السرطان .. صائحاً : اسمع يا مان .. يا جاهل وعامل لقمان .. قلت تفضل يا ورمان .. قال : لا تسخر من علتي يا جربان .. قلت : عذراً .. أغضبتني كلمة مان .. أكرهها وأكره من يحشرها قسراً في البنيان .. بكى أبو قردان وأنشد في هزيان .. يال بني آدم العميان .. تغضبهم كلمة مان ، ولا يحركهم السرطان ! يا أبله .. لقد حشروها مع الطين في فمي فسرت منه إلى دمي .. سرطنوا الديدان مع البقر والخرفان حتى أبو قردان .. ملعون أبو اللي يعرفكم ولا يصاحبكم يا فلاحين مصر.


فيه إيه يا عم أبو قردان ؟ حيلك حيلك .. حلمك شويه يا عمونا .. خرجنا عن الموضوع خالص ، كفكف دموعه وقال : أنت السبب يا دهل .. تشوف البصل تشمشم وتقول فل يا فل .. بصل إيه يا عم ؟ هو حد طايل يشمه ؟ وعموماً صبراً جميلاً .. أو صمتاً جميلاً مش فارقه معايا وحياة راس الدودة اللي في حلق جدك .. خلينا في الموضوع .. أحسن طهقت من المقامات وراح أسبلك وأسب للريحاني في تربته .. إيه بقى الحكاية ؟ خلصني ؟ ليه سكتوا خالص عن موضوع ازدواج الجنسية؟


قال أبو قردان العيان : زمان .. قبل أكتر من ربع قرن قتل السادات يوم الثلاثاء السادس من أكتوبر عام 1981م ، وفي صباح يوم الخميس 8 أكتوبر سنة 1981م ، تالت يوم اغتيال السادات نشرت صحيفة ويسترن ميل البريطانية تحقيقاً مطولا بعنوان ((الأقارب في انتظار أخبار نائب الرئيس)) .. وهؤلاء الأقارب هم عائلة الست سوزي مبارك القاطنون بمنطقة تريفوريست ، شارع لورا ستريت بمقاطعة ويلز وذكر منهم التحقيق السيد جون بالمر 74 سنة وأخته السيدة ليللي 73 وهما خال وخالة الست سوزي مبارك وهما أكثر أفراد العائلة ارتباطاً بسوزي وإبناها ، حتى أنهما كانا في زيارة لها في القاهرة قبل حادث المنصة بأشهر قليلة . وذكر التقرير على لسان السيد بالمر والسيدة ليللي كيف تزوجت أختهما الممرضة التي كانت تتدرب في مستشفى كارديف قبل الحرب العالمية الثانية بالدكتور المصري صلاح ثابت وأنجبت منه طفلين هما طوني وسوزي ، وقد كانت سوزي تدرس بالجامعة الأمريكية بالقاهرة حين التقت الطيار الشاب حسني مبارك أو جورج ((حسبما تطلق عليه عائلته البريطانية)) وتزوجا عام 1959م وأنجبا طفلين هما جيمي 19 سنة ((جمال)) وإيلي 17 سنة ((علاء)) البريطانيين بحسب جنسية والديهما ، سوزي بنت أختهما وزوجها جورج أو حسني مبارك البريطاني بالتبعية لزوجته حسب القانون الإنجليزي.


لم أعبأ كثيراً حين سمعت ذلك منذ أعوام ممنياً النفس بأن ذلك الزعيم المزعوم غير مخلد وسيرحل عما قريب ونخلص بلا خوتة دماغ ، لكن الواطي عصلج مع عزرائيل ((أستغفر الله)) وتنح وقعد على قلبنا .. لأ والأكاده عايز يسيب وراه بلوة أوطى وأخس وأنتن منه لأن الحنظل لا يطرح التفاح .. ومن شابه أباه فما ظلم ، وإن كان الأب واطي فالجرو الصغير هيكون أوطى وأخس وأنجس من الكلب اللي خلفه .. لأ وإيه كمان ؟ ماسوني قح .. شارب الماسونية من بز أبوها .. من مامته الست سوزي أخت طوني وبنت أخت بالمر وليللي أعضاء أكبر محفل ماسوني في العالم وأشهرها على الإطلاق بلندن ، وإيه كمان ؟ خلص الجامعه الأمريكية وطيران على لندن عند خواله يشتغل هناك أربع سنين عشان يتودك في الماسونية ويتعمد هناك قبل ما يهل علينا بشركات عابرة للقارات مش عارف منين جاب رؤوس أموالها اللي بالمليارات ؟! يمكن من المصروف ، ولا من الورث اللي ورثه عن جده الغلبان الكحيان المعدم عم مبارك العرضحالجي كاتب المحكمة اللي إبنه حسني الواطي تنكر له ولم يحضر جنازته .. انت الغلطان يا عم مبارك .. إبنك كان يستحق الوأد في المهد .. بس كنت تعرف منين يا مسكين إنك بتربي في حنش قذر!


المهم ما دفعني لإعادة الحديث عن الواطي جورج هو التحقيق المنشور في صحيفة العربي الناصري عدد 972 بتاريخ 14 أغسطس 2005م ، وهو يتطابق تماماً مع ما سمعت به قبل سنوات ، وأسجل هنا أنني استعنت بتحقيق الأستاذ محمد عبدالحكيم دياب هذا في استعادة الأسماء والتواريخ التي طمست في الذاكرة . والسبب الآخر والأهم هو رغبتي كمواطن مصري في طرح هذا الموضوع للنقاش مع القانونيين في بلدنا لبحث إمكانية مقاضاة ذلك الواطي جورج أو مبارك لإسقاط الجنسية المصرية عنه ومحاكمته على جريمة التزوير وبخاصة أنه عسكري والعسكرية كما نعلم حتى اللحظة تمنع ازدواج الجنسية نهائياً ((ده قبل تغيير المناهج .. الله أعلم بقت إيه دلوقتي)).


إن لم نستطع فعل هذا مع الواطي الأول لقرب أجله بطبيعة الحال لأنها سنة كونية لله في مخلوقاته جميعها ما كان منها طاهراً أو على شاكلة مبارك ، فلا ريب أننا قادرون على منع الواطي الثاني الإنجليزي بلا ريب (مهما أنكر واستنكر لأنه يتبع جنسية أمه وخاله توني) من استغفال شعبنا الطيب والجلوس على الكرسي الهزاز الذي يريد أن يورثه إياه الواطي الأول.


فمن كان هناك في لندن أو لديه القدرة على السفر إلى لندن أو كان له أحد الأقارب هناك وأراد الحصول على نسخة من تلك الصحيفة فهي محفوظة في متحف الصحف شمال لندن. والأهم من ذلك العثور على صورة قيد الميلاد لجيمي البريطاني .. هيا نبحث .. كل بطريقته.

هناك 43 تعليقًا:

الأغاني للرأفتاني يقول...

ابن بهيه
موضوع ازدواج الجنسيه ما هو الا سلاح تستخدمه الحكومه عندما تريد..
رامى لُكح فضل عضو فى مجلس الشعب مده معينه ولا احد يعلم انه فرنسى الجنسيه..
واقسم لك يا صديق ان نصف اعضاء مجلس الشعب والوزراء مزدوجى الجنسيه..حتى اسأله يوسف بطرس غالى..

المهم يا مان..ياريت توضح متحف الصحف البريطانى ده فين فى لندن بالضبط..ولو فى عنوان يبقى تمام..

غير معرف يقول...

ابو فصادة

حلو قوى مادام فى العملية جورج وتونى بلير يبقى نفهم يامعلم لية الطيران انضرب على الارض سنة 67
ابو فهد

غير معرف يقول...

عزيزي ابن بهية
على ذكرك لموضوع ازدواج الجنسية اللى الحكومة الذكية بتاعتنا مغمية عينها عنه احب ااكد لك فعلا ان اغلب اعضاء مجلس الشعب مزدوجى الجنسية وتاكيدا علىكلام الاخ المهاجر المصري ,, احنا نائب الدايرة بتاعتنا فرنسي الجنسية .. كيف نجح الله اعلم .
بالنسبة للموضوع اللى انت عايز تبحث عنه وتثبته هو صحيح مش سهل لان زى ما قلت قبل كده , صحيح ان مبارك الواطى كبر ويمكن يكون كمان خرف بس ما اعتقدش ان بعد التعديلات الكستورية والطريق الممهد اللى بيحاول يصنعه للجرو الصغنن من بعده , ما اعتقدش ان نقطه زى دى تفوت عليه وميعملهاش حساب . مبارك صحيح كبر فى السن بس ده زى التعلب العجوز مكار ليوم مماته .
شكرا ليك على الموضوع فتحت عنينا على نقطة مهمة
تحياتى
فارس

غير معرف يقول...

اية دة؟؟
دة 90%من كبار رجال القصر الحاكم مزدوجى الجنسية

وتلت أربع أعضاء البرطمان المخلدين من كام وعشرين سنة وبرضة مخرجوش مزدوجى الجنسية

جرى ياة يا غالى يا ابن الغالية؟؟
أنت عاوز تطربق البلد على كباراتها؟؟

على كدة شعبك يقول علي اية؟؟
انك نضفت البلد؟؟

دى تبقا خياااااااانة

نيااهاااهااااا


معلش ضحكت غصب عنى
ماهو صلاة الجمعة حتبقا يوم التلات بعد العصر
بعد ما غيروا المناهج
ومحدش ضامن اية تانى اللى حيتغير

على رأى القرموطى

مقولتاناش اية رأيك فى الطريق الجديد؟؟

رأيك يهمنى

تحياتى

غير معرف يقول...

بوست اكتر من رائع في طبعا ازدواجيه علشان لو حصل حاجه يبقي علي بره عدل احييك اوي وياريت تشرفني علطول عندي بحب اسمع ارائك

IBN BAHYA - إبــن بهيـــــــــــــة يقول...

المٌهَــــاجِر المَصْـــــــرى

كلامك صحيح طبعا وهو يستخدم وقت اللزوم مع أشخاص معينين ومحددين للضغط عليهم أو لطردهم من اللعبة خالص .. لكن يجب أن نتحرك ونتكلم عن هذا الموضوع بصوت عالي ونحاول بالفعل اللجوء إلى القضاء .. قضاء مصر عادل كما نعلم باستثناء بعض قضاة السلطة المعروفين بالقوادة للنظام

عموما هو موضوع مفتوح لمن أراد أن يدلو بدلوه فيه


أما المتحف فسوف أوافيك لاحقا بكل التفاصيل عنه وعن موقعه وعنوانه وكل ما تريد

أوامرك يا ابن بهيه

أرق تحياتي

IBN BAHYA - إبــن بهيـــــــــــــة يقول...

Anonymous


ابو فصادة


والله مش بعيد .. ليه لأ ما هو الواطي متزوج من سوزي البريطانية بنت الماسونية بنت أخت الماسونيين دول من سنة 1959 وهو كان ضابط في الطيران .. مش بعيد
ليه لأ ؟ وخصوصا أنها كانت حربا مليئة بالخيانات والرزائل

أرق تحياتي

IBN BAHYA - إبــن بهيـــــــــــــة يقول...

fr_فارس

كلامك كله صحيح
معظمهم فعلا مزدوج الجنسية سواء كانوا نوابا أو وزراء وكلامك برضه صحيح بخصوص الجرو الصغنن إبن الكلب الكبير مبارك الواطي الأول

لابد أنه ضبط أموره طبعا .. لكن هذا لايمنع أن نحاول ونسلك أي وكل طريق يمكن أن يوصل إلى بلد نظيفة من تلك القذارة

لو أن لذاك الجرو مستند قيد ميلاد هناك .. شهادة ميلاد يعني كما علمت من البعض .. من أكثر من مصدر فهذا معناه أنه سيكون لدينا أسباباً قانونية لطرده من أي منصب سياسي بحكم القانون .. أعلم أن القانون لا ينطبق عليهم ولكن على الأقل يكون لنا شرف المحاولة التي نضيف بها مسمارا في نعش عائلة مبارك الواطي

أرق تحياتي

IBN BAHYA - إبــن بهيـــــــــــــة يقول...

شــهــروزة

أهلا يا غالية يا بنت بهيه الغالية
كلامك كله صحيح برضه .. بس برضه لازم نتكلم ونحكي ونقول .. ولو حتى جابوا صلاة الجمعه يوم التلات العصر على رأيك أو رأي القرموطي .. برضه لازم نحكي يا شهروزة

لن نمل أو نكل من فضحهم وفضح ضربهم للقانون والشعب على قفاه .. هم يمارسون التعمية الإعلامية والطرمخة على المواضيع ولكن يجب أن نكون نحن متيقظين ونثير ما يريدون هم تعمية الناس عنه .. ولا إيه؟

أرق تحياتي

IBN BAHYA - إبــن بهيـــــــــــــة يقول...

fares

ألف شكر على الزيارة وعلى كلامك الطيب .. هذا فقط من كرم أخلاقك .. وشكرا على دعوتك الكريمة لزيارة مدونتك التي تشرفني زيارتها

حالا سأكون هناك

أرق تحياتي

جبهة التهييس الشعبية يقول...

اتقبض على ناس في مظاهرة
اظن التظاهرة التدوينية مش شغب ولا حاجة
رجاء من كل المدونين وضع هذه الأغنية في مدونتهم:
يا قبضتي دقي على الجدار
لحد ليلنا ما يتولد له نهار
يا قبضتي دقي على الحجر
لحد ما تصحي جميع البشر
مش فاهم اللي حاصل
لكن بقلبي واصل
واللي مش فاهمه عقلي
بتشرحه السلاسل
يا قلوب بتنزف دم في العتمة
يا قلوب بتنزف دم وتغني
سجنوكي والكلمة
غصبن عنها وعني
طلعت من القضبان وم الاسوار
الاكواد بتاعة الاغنية اهه
رجاء تبقى شعار المدونين في الوقت اللي بيتعرض فيه كل صاحب رأي - على اختلاف انتماءاتهم - للظلم
الاكواد بتاعتها في الموقع ده






كنت اخدتها من غزالي
http://www.macromedia.com/go/getflashplayer

جبهة التهييس الشعبية يقول...

تصحيح اللنك



http://www.mp3asset.com/swf/mp3/minime.swf?myid=1575758&f=3

david santos يقول...

جيد الاسبوع

IBN BAHYA - إبــن بهيـــــــــــــة يقول...

جبهة التهييس الشعبية

شكرا على الزيارة الكريمة
عفوا لم أفهم الموضوع .. هل هو مظاهرة على الدونات مثلا أم ماذا؟

تقبل تحيايتي

IBN BAHYA - إبــن بهيـــــــــــــة يقول...

david santos

شكرا على الزيارة الكريمة والتعليق

كما أن كلماتك الجميلة عن القلب الطيب وأثره على صاحبه والمحيطين به كانت رائعة

تقبل تحياتي

Nikolay Gogol يقول...

حقيقة موضوع كبير قوى و الواحد مش لاقى حاجة يقولها غير
انى عايز اشتم محمد على الله يفحمه مطرح ماراح
لانه اللى بدا الحكاية دى
تحت اسم التنوير و الاصلاح

بس كده مفهومة

عايز ولادك يتعملو صح ؟
ابعتهم للخارج او للجامعات الاجنبية فى مصر
و كده يبقى صفوة المتعلمين فى مصر اللى يتولوا المناصب القيادية و يبقوا مفكرين ومثقفين فى البلد لعبة فى ايد الغرب
زى مالشيخ الغزالى قال عنهم
و سماهم مملكة البغال
ياما يبقوا محاسيب الغرب و تحت امره ياما على اقل تقدير يبقوا منبهرين بالغرب
و لو شفت هتلاقى ان الناس اللى ماسكة البلد الوقتى و الناس اللى بيقودوا اللى همه بيسموه الفكر و الثقافة و التنوير فى مصر الان و قبل الان كلهم اتعملوا فى الخارج و جنسيتهم خارج و افكارهم خارج
و ملهمكش علاقة بينا غير انهم شكلهم زينا و لغتهم زينا

و كده الموضوع مش مؤامرة و لا غيره و لا نقول انهم خططوا لحسنى مبارك و هوه فى اللفة انه يبقى تبعهم و ماسك البلد و لكن همه يرموا بذرتهم النجسة فى كل حته و على حسب بقه حظها تطلع فى المكان اللى تبقى فيه

micheal يقول...

ابن بهيه
أنت قاعد تتكلم عن الماسونيه في كل بوست و سألتك قبل كده ايه المقصود بها و وعدتني بالتوضيح....أمات بخصوص المعلومات الموجوده عن مبارك فأنا شاكك فيها بصراحه و طبعا هذا لا يعني أني أؤيده...حاشا
بس عاوز أقولك كلمه من صديق عاوزلك الخير...حاول تخفف حده الكلام في البوستات بتاعتك عشان الفترة دي المدونات متراقبه جامد و مش بعيد يتلككوا لاي حد علشان يكون كبش فداء يرهبون به الجميع
تحياتي لك و أرجو أن أكون أوضحت وجهه نظري جيدا

Eng.Mostafa Masoud يقول...

ابن بهية اشكرك علي الجهد وأشعر انه ليست القضية في جورج ولا جمال القضية هي الفساد والأستعباد والظلم وبالتأكيد أنت تدرك ذلك ولكني احببت أن نوفر جهدنا في القضية الأساسية وهي تحرير الوطن
يسعدني زيارتك لي -أنا حر

IBN BAHYA - إبــن بهيـــــــــــــة يقول...

Nikolay Gogol

كلامك مليون في الميه صح .. هي دي العله .. بس ده ما يمنعش وجود المؤامرة برضه .. يمكن ده جزء منها وهو الواضح لنا .. لكن حبال المؤامرة كما بيت العنكبوت مع الأسف

أحييك جدا على هذا الوعي وأتمنى نقله لأكثر عدد ممن تعرف حتى نفيق عاجلا أو آجلا .. المهم في النهاية نفوق ولا ننفق كالبهائم حسب ما يريدون لنا

أرق تحياتي

IBN BAHYA - إبــن بهيـــــــــــــة يقول...

micheal

أهلا مايكل

بداية أشكرك شكرا عميقا على نصائحك الأخوية التي خرجت من قلبك المحب الحبيب إلى نفسي ككل ولاد بهيه الطيبين

أكرر شكري العميق

أما موضوع الماسونية فإنني أعتذر لك بشدة عن التأخير والأصح عن النسيان لأسباب خارجة عن إرادتي تماما

الماسونية ببساطة شديدة جدا هي جماعة وتنظيم عالمي خفي بدأ منذ ألفي عام تقريبا حين أسس أحيرام اليهودي جماعة القوة الخفية لكي يواجه بها القوة الخفية التي كانت لدى سيدنا عيسى عليه الصلاة والسلام والتي كان يمده بها الله سبحانه ليأتي بالمعجزات

تأسست عام 43 م ومرت بفترات كمون واضمحلال كثيرة حتى بدأت بعد اللوثرية تعبر عن نفسها بقوة في بريطانيا بعد أن عزل جورج الثامن المملكة البريطانية عن كنيسة روما وجعل لبريطانيا كنيسة خاصة بها

المهم أسست الماسونية في إبان ذلك أكبر محافلها على الإطلاق وبدأت تنتشر وتتوغل في العالم تحت مسميات مختلفة بالطبع ولكن جميعها يتفق في السمة الإنسانية وحقوق الإنسان والكلام ده وهي في الأساس تدعم بقوة المشروع الصهيوني

باتت الماسونية اليوم في كافة أرجاء الأرض وممثة بصورة شبه علنية في نوادي الروتاري والليونز وما شابهها من جمعيات ونوادي دولية ذات طابع معين وإنساني وهو عكس ذلك في الحقيقة

حين يقومون بتعميد أحدهم ليكون معلما فإنه يقسم على التوراة والإنجيل والقرآن معا ثلاثتهم .. لماذا ؟ لكي تلغي من نفسه أي عقيدة لتزرع عقيدتها هي فقط والتي تتظاهر بالإنسانية وتضمر الدمار للعالم ولنا نحن بخاصة لدعمها المستمر لبني صهيون

بالطبع هذا كلام سريع وغير شافي عنها ولكني سأحاول تزويدك بملفات بها شرحا مستفيضا عما قريب


أخي مايكل .. كان أحد الإخوة في تعليق له على موضوع سابق يضع وصلات كثيرة تتحدث عن الماسونية سأحاول جلبها إليك حالا

لحظة

مذكرات حاحا مصر said...
اهداء خاص لاولاد بهية الشرفاء وخاصة ابن بهية العزيز وارجو الاستفادة للجميع
هذه بعض المواقع التي تتناول الحديث عن الماسونية
http://www.moon15.com/index.php?action=file&id=896 كتاب برتوكولات صهيون

http://rania.madarat.info/archives/4 ملف جيد وسريع عن الماسونية

http://www.alkashf.net/mthahb/65.htm ودهه كويس كمان

http://www.safita.cc/VB/showthread.php?p=16092#post16092 ودهه كويس قوي مع صور

http://www.diwanalarab.com/spip.php?article4517 ودهه عن الماسونية العربية ... هام جد...
http://www.masonia.org/ ودهه موقع رائع مع وصف لحلقة يسري فودة

http://www.sabeely.net/vb/viewtopic.php?p=13207 ودهه كاتب تعريفه كويس جد

(أحجار على رقعة الشطرنج)، للأدميرال البحري الكنديّ (وليام جاي كار).. كتبه بعد الحرب العالمية الثانية ودهه كتاب مهم وممكن تبحث عنه في النت
http://72.232.229.18/~fatehtv/showthread.php?t=9731 ياريت تتصفح هذه الصفة وتعمل اشترك في الموقع وتنزل الكتب اللى عايزها وطبعا فيها عن ابناء الارملة

http://www.dardasha.net/montada/archive/index.php/t-36619.html
ودهه موقع خطير وبيذكر فيه الماسونية في العالم العربي
وبكا اسف هناك العديد من الموقع التي حزفت التي تناولت تاريخ الماسونية وموثقة بكل اسف
وسؤال لاولاد بهية ماذا فعل ربنا سبحانه وتعالي للقضاء علي هذه الحركة الشيطانية؟؟؟والاجابة ان شاء الله المرة القادمة


تقبل تحياتي

IBN BAHYA - إبــن بهيـــــــــــــة يقول...

Eng.Mostafa Masoud

طبعا كلامك صحيح يا أخي

القضية ليست في جورج وحده ولا جيمي وحده

نعم القضية يف الفساد

لكن ذا هو رأس الفساد ولا يمكن إصلاح الفساد بغير قطع هذا الرأس نهائيا

سيقطع قريبا بإذن الله

أرق تحياتي

IBN BAHYA - إبــن بهيـــــــــــــة يقول...

إلى

المٌهَــــاجِر المَصْـــــــرى

وجميع الإخوة فيما يلي عنوان وتليفون متحف الصحافة بشمال لندن

Anchor Press Museum
c/o 4 Elwin Road
Tiptree, Essex, CO5 0HL
UK England
Tel 01621 816621

يمكنك طلب صورة من الصحيفة ولا تنسى صحيفة ويسترن ميل يوم الخميس 8/10/1981

ستجد التحقيق بالصفحة الحادية عشرة

تقبل تحياتي

مدونة الغلبـان يقول...

هم بيستنخدموا الحاجات دى وقت ما هم عاوزين ما نص الحكومة مزدوجى الجنسية
أنا اول مرة اعرف ان الراس الكبيرة أسمها جورج
وشكرا على القال الحلو

IBN BAHYA - إبــن بهيـــــــــــــة يقول...

الغلبان

كلامك صحيح .. يستخدمون القانون للضرورات الخاصة بهم هم فقط وربنا يا أخي جعلنا في كل قانون ثغرات وممرات ودهاليز للي عايز يمشي على حل وطنه

ربك يعدلها وينقض ولاد بهيه على المجرمين قريبا بعون الله

وساعتها ولاد بهيه راح يحطوا القوانين الحقيقية المحترمة اللي ما فيهاش دهاليز ودروب وتعابين

أرق تحياتي

عاشقة الوطن يقول...

رحمتك يارب
امتى هنخلص بقي من اللى احنا بقينا فيه

والله اعلم ايه تانى اللى ممكن يحصل

غير معرف يقول...

عزيزي ابن بهية ,, تحياتى ليك ولكل الاخوة المعلقين
حبيت انى ,, مش اعاتبك بس هو استغراب يعنى ,, انت ليه مكتبتش عن التعديلات الدستورية فى الوقت الحالى الوقت اللى اقرها مجلش الشورى .... احب اعرف رايك فيها
تحياتى ليك
فارس

غير معرف يقول...

مطالب ولاد بهية

1- تأميم كل المصانع اللى انباعت واللى اتنهبت
2- مصادرة جميع كل من تولى وظيفة عامة او وزارة هم واولادهم القصر واقربائهم
3- الغاء جميع قوات الامن المركزى وتشيكل شرطة محترفة زى زمان
4- الغاء مباحث امن الدولة وتحريم عملها داخل الدولة والاكتفاء بجهاز المخابرات العامة
4- وضع السجون تحت اشراف وزارة العدل وان يكون رئيس السجن قاضى سابق يعمل تحت امرة ضباط حاصلين على مؤهل خدمة اجتماعية

مصرى

غير معرف يقول...

عاشقة الوطن

فعلا ربك يلطف بينا

أرق تحياتي

غير معرف يقول...

fr_فارس


كلامك صحيح يا فارس .. بس مش كله لأني من زمان خالص كتبت عن الشعوذات الدستورية لمبارك الواطي وتحدثت عن رسائله التي بعثها للعسكر في طيات تلك الشعوذات

الأهم من هذا أنني قلت بأن الحديث في التعديلات الدستورية وتغيير الدستور كله حتى أمر سابق لأوانه جدا لأننا بحاجة إلى تغيير النظام أولا

فإنني أرى أولى وأجدر وأحرى بنا تغيير ذلك النظام القذر من رأسه حتى أخمص قدمه ثم بعدها يتم تشكيل لجنة وطنية لوضع دستور مصري حقيقي يعبر عن المصريين

لقد تكلمت كثيرا فيما سبق عن أن بلادنا لا تحتاج غلى دستور حاليا بقدر حاجتها إلى نظام سياسي وطني .. يعني كان حد شاف الدستور اللي فات مثلا؟

ما هو معطل بقاله أكتر من ربع قرن هي عمر ذلك الواطي في الحكم .. أليست قوانين الطواريء والأحكام العرفية تعطل العمل بالدستور .. طيب منين شفنا دستور في عهد الواطي؟


يعني بدال ما الناس شاغله دماغها بكلام فارغ عن الدستور يا ريت نركز شويه في مصلحة الوطن العليا لأن هذا الدستور وتعديلات مبارك الواطي عليه كلها ستذهب معه إلى الجحيم وسيجلس المصريون عما قريب لوضع دستور محترم تستحقه مصر

بس يا سيدي آدي الحكاية

مقاطعة يعني للسخف الذي نراه مش أكتر لأننا بحاجة إلى نظام أولا قبل الدستور


أرق تحياتي

غير معرف يقول...

Anonymous

مصري


كلنا مثلك نتمنى هذا

1- تأميم كل المصانع اللى انباعت واللى اتنهبت
2- مصادرة جميع كل من تولى وظيفة عامة او وزارة هم واولادهم القصر واقربائهم
3- الغاء جميع قوات الامن المركزى وتشيكل شرطة محترفة زى زمان
4- الغاء مباحث امن الدولة وتحريم عملها داخل الدولة والاكتفاء بجهاز المخابرات العامة
4- وضع السجون تحت اشراف وزارة العدل وان يكون رئيس السجن قاضى سابق يعمل تحت امرة ضباط حاصلين على مؤهل خدمة اجتماعية

مصرى


والله كلامك كله في غاية الأهمية لبناء وطن حقيقي وليس عزبة لمبارك الواطي وعصاباته القذرة

أرق تحياتي

smraa alnil يقول...

علي فكرة انت هتموتني ناقصة عمر بسبب تدويناتك دي


ابن بهية ولاد بهية خايفين عليك وبعهية عايزاك
انا بجد من راي انك تخفف المود شوية
لان بجد في حملة شديدة علي المدونات اللي بتتكلم عني اي شئ يمس الحقير دة

خصوصا ان بوستاتك لها فعل النار

دة خوف عليط طبعا

نيجي بقي لموضوع البوست

دي فعلا خدعه ومش بعيد يكون شرط اساسي في التعيين الوزاري او البرلماني انه يكون مزودج الجنسية خصوصا لو رجل اعمال
عشان وقت اللزوم تطير رقبته ويضحوا بيه ليله العيد

لكن دة صدقني مش موضوع جديد
دة موضوع قديم جدا وكل مصري عارف
ان اللي بيحكمونا لا يمتون بمصر بصلة
ولا ببصلة

غير معرف يقول...

samraa alnil

أهلا بالغالية بنت بهيه الغالية .. حقيقي أشكر لك شعورك الطيب الكريم نحوي بوصفي أخ لك في بهيه .. ألف ألف ألف شكر يا بنت النيل العظيمة .. أشكر هذا الشعور الجميل الطيب منك وأتمنى أن أكون أستحقه ..المشكلة إننا خلاص وصلنا لحالة سيئة جدا ولم يعد ينفع معها الحرص أو التحوط من أي شبء .. طلعونا من هدومنا يعني .. طيب هنخاف من إيه ؟ وليه ؟ ولإمته ؟ وهنخاف من مين يعني ؟ دول كما تعلمين شوية حرامية أنجاس ملاعين منزوعي الشرف .. يا ستي خليها على الله ، ثم أنه لا يوجد ما نخسره بعد كل الذي خسرناه والله .. إيش ياخد الريح م البلاط .. وغرقانه وخايفه من الرش .. وكلام كتير زي ده .. الوضع بقى أسوأ من أن نصفه .. طيب يالا بقى هنستنى إيه تاني.

لو رأيت ما حدث في مظاهرة كفاية .. وكيف كانوا يدوسون على العباد وكأنهم حصى أو لا شيء .. طيب ليه ؟ لمجرد أنهم يرفضون ما تراه الحكومة الواطية ؟! يعني مجرد الاعتراض جريمة تستوجب السحق تحت نعال العساكر .. نظام فقد عقله ولابد أن نواكب هذا الجنون بما لدينا حتى يأتي إلى هذا البلد عقلاء لإنقاذه مما هو فيه من غم وهم وكرب .. يالا ربك يعدلها ..

طبعا أنا معاك الموضوع مش جديد .. الجديد هو التدليس والطرمخة عليه .. ليه ؟ لمصلحة من ؟ أليس هذا قانوناً يجب أن يطبق على الجميع ؟ لماذا ناس وناس ؟ لماذا يطرد فلان ويقرب فلان ؟ المسألة كده بالضبط .. وكلامك قريب جدا من حادثة قريبة برضه .. ممدوح اسماعيل عضو مجلس الشورى وشريك مبارك الواطي وزكريا عزمي في عبارات الموت .. فص ملح وداب وقال إيه بريطاني .. وطبعا ما حدش يقدر يلمسه لأنه حماية .. والله نصيبه بجد .. داهية تلمهم جميعا بإذن الله عما قريب.

أرق تحياتي

micheal يقول...

ألف ألف شكر للتوضيح المستفيض يا صديقي و حبتدي أشوف اللينكات اللي سيبتهال
تحياتي لكي

غير معرف يقول...

سليمان باشا غانم العمدة
يا شوية جعرات انا شايف كدة تلميحات من بعضكم عن السيد جمال مبارك ابن سيدنا ال اية مين هو دة وكلام ماسخ ال عملو لية وظيفة اسمها لجنة السياسات ولانة ابن الرئيس دايما صورة واخبارة ف الاعلام سابقة الكبار ... امال اية يا صايع منك لة انت عاوزين ابن سيدنا يباة واحد عادى وهو اللى تجرع الحكمة والعظمة والاهام واطلاق التحذيرات من بيت سيدنا بيت الرئاسة هىء هىء هىء طب اسالو اخوانا مومتاااذ القووط بتاع اخبار اليوم و اسامة سرايا و عبدالله كمالى بتاع روز اليوسف كدة واتعلموا منهم يا بقر ياكش فاكرين ان المظاهرات اللى موضبينها هتخوف سيدنا وابن سيدنا هىء هىء هىء دا احنا عندنا امن مركزى بالملاين يا بقر يعجنكم يا شوية هجايص فنجرية بق هىء هىء هىء ال تداول سلطة ال

غير معرف يقول...

micheal

مايكل

لا شكر على واجب يا راجل وأنا آسف جدا إني اتأخرت عليك وعسى أن تكون الروابط مفيدة لأنني مع الأسف لم أفتح أي منها ولكني أثق في الأخ الكريم حاحا المصري

تقبل تحياتي

غير معرف يقول...

سليمان باشا غانم العمدة

مالك يا عم زعلان ليه كده وطايح فينا؟

اهدأ يا راجل .. ربك يعدلها

أرق تحياتي

حواء يقول...

ibn Bahya
أولا أحييك عالاسم اللى أخترته للبلوج بتاعك هو لفت نظرى وحبيت أدخل أشوف فيه ايه وزى ماتوقعت كله عن السياسة والذى منه اللى الناس كلها تعبانة بسببها ومش قادرة تعمل حاجة, بالرغم أنى معرفكش بس حسيت أنى خايفة عليك أنا فعلا عرفت أن المدونات دى بقت متراقبة ويابنى الللا مالوش ضهر محدش حيعرف له طريق وبالرغم ان مصر هى أمى وأمك وأم الدنيا لكن مش هتعمل لك حاجة ومش هتسندك واحنا كدة كدة واقعين واللى قبلنا قال مفيش فايدة, أما عن أزدواج الجنسية فا دى موضة وكل الفنانين مزدوجى الجنسية وناس كتير بس من الباطن ياللا سلام وتحياتى وكمان عايزة أقرا لك حاجة مختلفة شوية أنت صحيح مش تعرفنى بس ياريت توعدنى أنى ألاقى حاجة جديدة

غير معرف يقول...

سليمان باشا غانم العمدة
اية اية اية اية لا دا انتى يا ابن بهية بتتريق عليا
شوف جنابك باة انا هقولك كلمتين حطهم ف راسك يا ابن الناس : التلسين على سيدنا انة كبر و ابصر 78 ولا اشى وتحطو صورة وهو عجوز مكركب هىء هىء هىء كل دة كلام فاضى
المهم الحكمة اللى منورة عيشتنا وبعدين يا جعر انت فى حد عندة 78 وشعرة اسود كدة ووشة كلة حلاوة زى اللى بيرسمة الاخ عمرو فهمى دة بتاع اخبار اليوووم وموومتاذ القووط هىء هىء هىء ....
لا لا لا عندك اقف بتقول اية ال اية بيرسموة ويحطوا لة صور حلوة وشبابية لان الحقيقة ان هيئتة العجوزة بشعة هتخلى الشعب يضحك علية ويقول ازاى عجوز زى دة بيحكمة ؟؟؟ يا نهارك مش فايت هىء هىء هىء طب اية جولك علشان بالعند ف حضراتكم وحكاية الشكل دى ان السيد المحترم كمال الشاذلى حسب ما سمعت هيقدم لمجلس الشعب قانون يلزم كل واحد بسمع اسم سيدنا فى اى مناسبة يرد فورا ب " يا حلاوتة يا جمالة " ترلم لم لم هىء هىء هىء واية يا شوية هجايس ولاد الناس بتوعنا هيعملو شركات توريد الصاجات لزوم ترم لم لم هىء هىء هىء وموتو يا غجر بغيظكم هىء هىء هىء ال تداول سلطة ال يا متر شفيق احبس الواد ابن بهية دة جااااااااااااااى

غير معرف يقول...

bocycat

أولا
شكرا على اليارة الكريمة

ثانيا
شكرا على التنبيه والتحذير النابع من القلب المحب لكل ولاد بهيه بصفتنا إخوة في بهيه

ثالثا
ربنا يسهل وتشوفي بإذن الله حاجه مختلفه شويه .. يمكن في مدونه تانيه نلزقها جنب دي .. المشكله أن بهيه كما ترين تعبانه وطالع عينها .. يقوم ولادها يهتموا بغير همها .. تيجي ازاي

رابعا

أنا أكره كلمة ما فيش فايده .. وأكره من قالها وإن كان زعيم الأمة كما يقولون عنه ما قال هذه الكلمة

لأ طبعا

فيه فايده ومليون فايده
طالما لسه بنتنفس يبقى فيه فايده وفوايد كتيره

إذا كان الواطي القذر مبارك المغتصب للحكم والثروة والعميل الخائن بيقول إنه قاعد على صدرنا لآخر نفس

نيجي إحنا أصحاب الحق ونقول ما فيش فايده؟

لأ فيه فايده

وبكره أفكركم

وقريبا جدا سنتذكر ونعرف

فيه فايده

أرق تحياتي

غير معرف يقول...

سليمان باشا غانم العمدة

ما عاش اللي يتريق على العمده يا عمده .. إحنا بس بنشاركك الغلب مش أكتر

حلوه تري لم لم لم دي

مش بعيد والله يا عمده


أرق تحياتي

غير معرف يقول...

سليمان باشا غانم العمدة
اية ياد يا ابن بهية من كام يوم كدة مانتش باين وشايفك ما رديت على كلامى علشان اخدك ونقابل الاخ صفوت الشريف علشان تمسك مجلة ولا جرنال .... يعنى يا جعر انت مش عجبك العرض دة هىء هىء هىء طب انا جاى ايوم السبت 24 مارس مخصوص علشان افرجك اخبااااار اليوووم هىء هىء هىء بتاعة الاخ مومتاااااااااذ القوط شايف الصورة الحلوة اللى راسمها الاخ عمرو فهمى فيها سيدنا كدة شباب وحلاوة ووسامة ولا جعر زيك ف ال 30 من عمرة وراسم الاخ صفوت الشريف شباب ووسامة وجمال اى والله بسم الله ما شاء الله هىء هىء هىء ناس عارفة مصلحتها ان كانت عند سيدنا او عند الاخ صفوت .... اعقل وتعالى يا ابن بهية نقابل الاخ صفوت لجل تمسك مجلة ولاجرنال وان كنت خايف ما تعرف تعمل زيهم هىء هىء هىء هقعدك مع الاخوة موممممممممتاذ القوط واوسامة سارايا وعبداللة كمال بتاع روز اليوسف وابراهيم نافع وسيبك من العيال دول ال تداول سلطة ال جاااااااااى يا متر شفيق

غير معرف يقول...

سليمان باشا غانم العمدة
يا ابن بهية تعال انا عاوزك ضرورى اى والله طالما انت باذن الله هتمسك مجلة ولا جرنال من بتوعنا بمعاونة الاخ صفوت الشريف وهتتعلم من هىء هىء هىء السيد عبدالله كمال بتاع روز اليوسف وموووومتاذ القووط بتاع اخبار اليوم وامثالهم يعنى كما اتفقنا ف حديث سابق

المهم انا ف غاية القلق على استفتاء بكرة وعايزك تعالج الامر دة انت والاخوة بتوعنا اللى ذكرتهم والحكاية انى كنت ماشى وسمعت 2 محترمين بيكلموا عن الاستفتاءوكان حديتهم كالتالى

الاول بيقول بحدة وصوت عالى : يعنى انت لو فى واحد كداب وغشاش كدب وغش عليك تصدقة حتى ف حاجة ما فيها كدب اوغش ؟ طبعا مش هتصدقة وهتقول ف نفسك اكيد بيغش او بيكدب كعادتة صح ؟
التانى رد وقال صح بس اية علاقة دة بالاستفتاء بتاع بكرة ؟
الاول قال انا جاى ليك علاقتة ان مبارك غشنا وكدب علينا بفجر وبجاحة لانة استغل سلطتة وشهوة النفاق للى حوالية لمصلحة شخصية عائلية فحط ابنة
جمالف الشكل اللى انت شايفة دة يعنى بالبلدى لو اسمة جمال اى حاجة تانية غير مبارك ولا كان حد سال فية ولا عرفة من اصلة ولا لجنة سيلسات ولاغيرةولا قال السيد جمل ولا يلتقى السيد جمال فهمت قصدى اية ؟ يعنى غش الشعب وكدب علية وخانة لانة عمل لمصلحتة العائلية وما عمل لمصلحة الشعب يكون لو جاب لنا اى حاجة وقال دى لمصلحتك حتى لو هو صادق مش كل واحد هيقول ف سرة هو انتى يجى منك مصلحة لينا يا شعب يا مسكين دة انت بتعمل كل حاجة لمصلحة عيلتك وبس صح الكلام ؟
التانى رد وقال والله معاك حق يبقى المفروض كلنا نروح ونقول لأ ونكشفة ادام العالم

دة الحديت اللى اتقال يا ابن بهية وعلى ما جريت وراهم علشان اادبهم وافهمهم كانو فص ملح وداب

هىء هىء هىء ال يقولو لا ال مهو احنا ممكن مهما قالة لا نطلعها نعم هىء هىء هىء

المهم برضوة الاحتياط واجب يا ابن بهية ربما العيال دة تفرض كلمتها والعالم يسمعهم فانا عايزك انت والاخوة موووممممتاذ القووط وعبدالله كمالى واوسامة سارايا وبمشورة الكبير ابرااااااهيم نافع تعملو غسيل لمخ العيال دى

ال تداول السلطة ال جااااااى يا متر شفيق

غير معرف يقول...

سليمان باشا غانم العمدة

يا ابن بهية خد بالك من كلامى لان ف جول بعدة لمصلحتك اى والله

انا يا ابن بهية مقدر تعبك امبارح بس تجول اية للشعب بتاعنا هو كدة واحنا عارفينة علشان كدة كنا محضرين زى كل مرة هىء هىء هىء مع الناس اللى بتارف من اسمايهم عناوين
اقبال غير مسبوق واجماع ساحق
انا كمان بجولك احنا عارفين ان الناس دة اكتر من اللى انت بتجولة بس هما دعائم نظام سيدنا وابن سيدنا الممتد بفضل مجهوداتهم مع الناس الغلابة بالرغم من جول الاخ عاجل ال اية النظام بهترا ولا جول الاخ بتنجان عن الشيخ طنطاوى ولا جول الاخت شهروزة اللى بتشلح جيشنا المغوار ولا جول الاخ فارس اللى بيجول تغيير لا محالة هىء هىء هىء
الناس حابة حكمة سيدنا وابن سيدنا لانة بيضحى من اجلهم وهجولك اصة توضح الجول دة رغم انى لما جلتها ف الجهوة واحد جعد يضحك لغاية لما مات ياريت يا ابن بهية تفهمنى لية ضحك ولية مات
الحكاية انى كنت بحكى عن واحد سمع من كمال الشاذلى ان الرئيس جالة عقد يحكم امريكا لمدة 2 سنة ( هنا الراجل جعد يضحك ) قابلة للتمديد باجر يومى مليار دولار ( هنا الراجل مات ) بيكمل السيد كمال الشاذلى ويجول ان سيدنا رفض المليارات وفضل يجعد ف وسط الشعب يرعاه بحكمتة
فهمت الشعب بيموووووت فية لية

جال تداول السلطة جال
جاااااااااااى يا متر شفيق