01 نوفمبر 2006

المتعوس في بلاد الروس

يصلح هذا العنوان ليكون اسم مسلسل فكاهي من نوع الكوميديا السوداء التي يقدمها الفنان المحترم محمد صبحي .. بدأت أحداثه في موسكو منذ يومين حين صرح الواطي حسني مبارك إلى إحدى الصحف الروسية بأنه نصح الرئيس لاروسي بوتين بأن يرشح نفسه لفترة رئاسة ثالثة .. ونصحه بألا يرضخ لمن يطالبه بالرحيل ... طبعا الدنيا تاني يوم قامت ولم تقعد حتى اللحظة ... صدرت في اليوم التالي كل الصحف الروسية تسب وتشتم وتهزأ في المهزأ أصلاً المتعوس بتاعنا

الصحف الروسية شتمت مصر في شخص المتعوس رئيسها العميل لأنه بالإضافة إلى أنه عميل فهو حمار بعيد عن السامعين .. مش كنت تذاكر أي كتاب مطالعه روسي قبل ما تتنيل على عينك وتفضح غباوتك التي تشوه سمعتنا .. والله بجد بتشوه سمعة كل المصريين لأن الصحف الروسية نزلت فيه بهدلة وسب وشتيمة ووصفته ضمنيا بالحمار من غير ما ترسم ديله طبعا عشان اللياقة السياسية لكن الديل كان باين بشدة في كل كلمة

طيب يا مغفل أفندي ما فيش حواليك من حكومة رجال الأعمال الخبيثة أي واحد فهمان ربع لبه يفهمك يا حمار أن الدستور الروسي لا يعطي رئيس الجمهورية الحق في الترشيح لأكثر من فترتين ؟؟؟ فخفخامة جلالة العبيط رايح يستعبط هناك برضه في روسيا ويغير لهم المادة 76 ولا إيه ؟؟؟؟ واضح أن الزهايمر عامل عمايله معاه وبقى زي حمار الحكومة لابد من لطشه عيار في راسه عشان يرتاح ويريحنا كمان من غباوته وصهينته وعمالته

الواطي دخلت معاه السلوك في بعضها فراح ملخبط ما بين الدستور المصري والروسي والمادة ستة وسبعين والرئيس بوتين من باب أهو كله إين إين إين ... يا أبو جهل كفاية علاقاتنا باظت بكل الدول المحترمة وبقى المصري كخة وخيخة وملطشة في كل دول العالم بسبب ما يسمعه العالم عن مصر وما بها من مصائب منذ جاء ذلك العميل القذر إلى الحكم .. كان زمان المصري الناس بتتمسح فيه لو سافر بره .. في أوروبا يقولوله إيجيبشن .. فاراووووزز وناقص يبوسوه وكان ترياق البنات تتلم حواليه وكل واحده تتمناه بعل لها عشان تخلفها حتة فرعون صغير .. دلوقت بقى المصري في أوروبا بيمشي خايف يقول مصري حتى من القرف والعفن والزبالة التي وضعها حسني مبارك الواطي على سمعة مصر في الخارج

في الدول العربي حتى ما بقاش للمصري كرامة بعد ما كان وحسب وصفهم هم أنفسهم .. كان لو مصري سافر أي بلد عربي بيتلموا حوالية عشان يتعلموا منه وحتى يشوفوه وكل واحد بيتمنى يصاحبه ويتفشخر بده بين أصحابه أن له صديق مصري .. دلوقت بقى المصري في البلاد العربية مسخة وجربة وما فيش حد طايقه من يوم ما الكلب ده وقع علينا من السفارة الأمريكية وجه نائب للسادات ثم رئيس لأكبر دولة عربية وهو على رأي عمنا قنديل غاية ما يمكن أن يكونه هو مخبر بطاقية وبالطو وجرنال مخروم عند حضرة الظابط أولمرت ابن بوش

مش كنت تتوكس على عين أهلك وتسكت وتلم لسانك وتتلهي على عينك يا جاهل بدال البهدلة اللي عملتهالنا في روسيا دي ؟؟؟ كانت مصر ناقصه فضايح يا جزمة بني في أسود من غير رباط حتى ؟؟؟ لكن نقول إيه ... الواطي واطي ولازم يدق الناقصة في كل موقف بمناسبه ومن غير عدم المؤاخذة أي مناسبة غير إنه واطي .. بس ...

هناك 7 تعليقات:

عنتر مش لاقي سيفه يقول...

يسلم فمك و لسانك يا اخي والله علي الكلام دة, دانا كان هايجيلي شلل لما سمعت ان البعيد رايح يؤول لبوتين خليك في الحكم, اصله فاكر كل الشعوب بقيت زي الشعب المصري ولا فاكلر ان كل الرؤساء زيو, يا راجل والله انا كنت خايف لا يقول لبوتين ما تجيب ابنك يقعد مطرحك , عشان تبقي كملت, يادي الفضايح و المهازل, بقي هو دة اللي بيمثل الشعب المصري في كل دول العالم, بس العيب برده مش عليه, العيب علينا من ساسنا لـ راسنا

غير معرف يقول...

i have one question.can someone explain me why was not he (as a president)received by Butin and not by the deputy of the foreign minister?

IBN BAHYA يقول...

السلام عليكم يا أخي عنتر .. ويا رب تلاقي سيفك وتطير بيه رقبة الحمار ولو ان سيفك أنظف من دم حسني العميل الواطي .. عموماً ربك يعدلها وشكرا على مرورك الطيب وتعليقك الجميل .. أما أخي الكريم الآخر الذي لم يذكر اسمه فشكراً على التعليق ولا أدري مثلك هل استقبله الفراش بتاع الكرملن ولا هو أخد تاكسي وراح على هناك .. أصله واطي وما يستحقش حتى يستقبله وزير خارجية ولا وزير مراجيح مولد النبي .. يا عم صلي على النبي هو عامل بطل علينا بس ودكر في مصر بس ورا الكلاب بتوع الأمن بقوادة القواد الأكبر للأمن المصري حبيب الكلب عادلي ربنا ينتقم منه ومن علام في يوم واحد يا رب

احمد فتحى - مباركستور لقطع غيار الدستور يقول...

قبل أن يتلاشى صدى الصوت الذى اعلن عن العزم والنيه على المضى قدما لإجراء (حزمة التعديلات) الدستوريه على حد قولهم والتى من ضمنها المأسوف على طفولتها والتى لم يمهلها القدر لتحتفل بعيد ميلادها الثانى وهى الماده 76 ، وبينما كل منا يفرك فى آذنيه ليتأكد اولا من أنهما لم تسرقا منه على ايدى المخصخصين ، وثانيا ليتأكد من انهما مازالتا تسمعان وأن ما سمعه هو حقيقى وليس اضغاث احلام ، وما ان تأكدنا حتى فوجئنا برياح الشرق تهب علينا محمله بقصاصات صحيفه روسيه وعلى مايبدو انها ليوم الاثنين 30 /10 تدعى فريميا نوفوستي وتقول انها اجرت حديثا صحفيا مسجلا مع الرئيس المصرى وفى معرض الحديث تطرق الرئيس مبارك الى توجيه النصح الي الرئيس الروسي فلاديميير بوتين بتعديل الدستور الروسى بما يسمح له بالبقاء في الحكم لدورة ثالثة !

ويبدو ان الرياح كانت تحمل الكثير من القصاصات وألقت ببعضها فى حديقة القصر وبالبعض الآخر على مدخل غار شرم الشيخ لذلك خرج علينا فجأه وفى صفاقه ودون خجل المتحدث الرسمى للرئيس لينفى ذلك القول على اعتبار أن مصر بعيده جغرافيا عن روسيا كما ان المصريين لايفهمون اللغه الروسيه لذلك لن يتسنى لهم الوصول اليها ومعرفة الحقيقه!

هذا التصريح وإن كان عفويا بسبب اعراض الشيخوخه ، إنما ينم عن وجهة نظر مبارك وطريقة تعاطيه مع مواد الدستور وكأن الدستور هو العصا السحريه لحل الإشكاليات التنظيميه فى حكم وإدارة البلاد والعباد حسب الهوى والرغبه الشخصيه أو كأن الدستور كتاب مقدس مازال قيد الوحى الإلهى وكل مايسطر فيه هو من قبيل الأمر والنهى وليس بمقدور العباد إلا السمع والطاعه ، ونسى أو تناسى أو لايعلم أن الدستور قبل أن يصبح دستورا لابد أن تتفق عليه الأمه بإجماع كافة اطيافها على إقرار مواده ، فهو بالاساس محل اتفاق وليس توافق وإلا فلن تكون له قيمه توازى قيمة بضع وريقاته.

وزغرتى ياوليه ياروسيه
مبارك جايلك بهديه
مادة دستور متنقيه
وماتسمعيش كلام ابن بهيه

ومعلهش يابن بهيه .. كلامك مش محتاج تعليق..خليت الواحد بس يخرج عن شعوره ويغز مبارك بكلمتين . بس ياريت ينفعو يعملو حاجه .. لكن اهه طق حنك على رأى الخلايجه .

شــهــروزة يقول...

يا لهووى ياأأماااا
يادى الفضيحة اللى بحلاجل يادى الجورسة ام حناجل

حتى الجرب العربى بتاعنا عاوزين الروس الغلابة يتعدوا منه؟؟
انا كنت حأتشل شلل نصفى بعيد عنك اما قريت الخبر الاهطل دة
روح الهى يعررك يا مبارك يا ابن المهشكة زى ما عرتنا وفضحتنا ادام اللى روسى واللى هندى واللى تايوانى واللى تايلاندى

-----
بس يسلم المزاج
اية يا عم التشبيهات والتصريحات النارية دى؟؟
اهو عشان كدة باحب اجى هنا واّنسك بوجودى

IBN BAHYA يقول...

ألف شكر يا شهروزة على المرور وعلى كلامك الجميل ده .. بس احنا نكون إيه جنبك وجنب أسلوبك الجميل ؟؟؟ تعرفي عمايل ابن المهشكة زي ما بتسمية في مدونتك يخلي الحجر ينطق .. ربنا يخلصك ويخلصنا منه هو وعيلته قريب قادر يا كريم

غير معرف يقول...

المقالة جدا كيماوية .. الدراسة فى مصر غير مجدية وتحتاج لااعادة نظر... للمزيد انظر تلك المدونة
http://iloveyou2000.blogspot.com
zawaj2@yahoo.com